لازال زوجي مشكلتي ...
السلام عليكم
اعدروني بدون مقدمات لاني فعلا منهارة ولكن دايما اقول الحمد لله
سبق وطرحت مشكلتي مع زوجي متقلب المزاج وسوء معاملته لي
طبعا حياتي الخاصة سرية للغاية حتى اقرب الناس اشكي للوالد والوالدة ولكن باختصار
وانا احكيهم اضحك واسولف اسوي نفسي مو مرة متضايقة
اهلي عندهم قناعة اكيدة انه زوجي مايحبني بس متورط
وانه يسيء معاملتي عشان يطفشني وافقد اعصابي واسوي مشكلة ويطلقني
ويصير بنظر الناس بريء
من طريقة معاملته معاي ونظرات الحقد اللي يعطيني بديت احس انه كلام صحيح
وفعلا كم مرة تصير بينا مواقف سخيفة ويقولي
نفسي طايبة منك بس تاركك لاني مستحي من اهلي واهلك ويقولها بطرق مختلفة الله يسامحه ....
وبعدين ادا تصافينا وقلت له الكلام اللي قاله
يقولي انتي مجنونة تصدقين الكلام اللي قلته هدا كلام واحد معصب وانا احبك وشاريك
واصلا لو تقولين طلقني ماطلقتك انتي ام عيالي ومن هالكلام
يروق شهر شهرين وبعدين فجاءة يتغير لدرجة يصير رسمي معاي ويطول الموضوع شهور
وادا قلت وش فيك يقول مافيني شي
كيف اعرف انه يبي يطفشني
كيف اعرف انه يحبني بيجيني مرض نفسي يحبني ولا مايحبني
وانا صراحة مالي خلق الطلاق مب حبا فيه بس عندي اسباب كثيرة
هالمرة ارجوكم ساعدوني مرة تعبانة وش اسوي
والحياة اللي مافيها مودة ورحمة اصعب شي
ياربي ساعدني