السلام عليكم ورحمه الله وبركاته

كيف حالكم جميعا

عندي استفهامات كثيره كل يوم اشوف واسمع واعيش تجربه الزوجه الثانيه

نفسي اعرف الى متى هالنظره للزوجه الثانيه ليش ياكلون الناس لحمها وهم مرتاحين
ليه يذلونها بكل مكان في المجالس في المستشفيات في المنتديات

دايم اذا احد بيواسي الزوجه الاولى يقولون بيروح لها وبيمل منها ويمكن يطلقها وتراه متزوجها شهووه ومن هالكلام

انا ماادافع عن الزوجه الثانيه فيه زوجات دخلو ع البيوت ودمروها سواء كانت الاولئ ولا الثانيه
بس يحز في خاطري اللي يصير لي بحكم اني زوجه ثانيه

يعني زوجي صار متفتح اكثر بعد زواجه مني ودلع عياله وخلاهم بكيفهم وكل شي كان ممنوع صار مسموح وهم معترفين ان الفضل لله ثم لي لاني غيرت تفكيره وصار يستوعب ويسمع لهم كثير

ومع ذلك يوم تناقشت انا وزوجته في موضوع قالت انه كان ظالمني ومعذبني ومن يوم ماتزوجك ولله الحمد وهو طيب ومتغير معاي وماعاد يضرب عيالي بس ياليته اخذ وحده حاره وغيور وعصبيه كان يمديه طلقها

والله صدمتني قدامي وبوجهي وبكل وقاحه تتمنى طلاقي طيب انا ماضريتك بشي لي ثلاث سنين معاهم من تزوجت وعيالها يبون مدارس اهليه وهو رافض وانا ماتدخلت واتصلت بنته علي قالت تكفين اطلبي ابوي ينقلنا انتي تعرفين له وهو يحترم رايك وطلبته وجلست شهر ازن عليه وازعل منه عشان ينقلهم ونقلهم ورحت ودفعت رسوم مدرسه بنته وفرحتها

وبالاخر امها تتمنى طلاقي

وتتكلم فيني من وراي اني خبله وهبله واضحك معاهم وانهم مايحبوني
واني ماغيرت زوجها لاني مافيني زووود ولانه تزوج وتحسف وانه صار طيب معها لانه جربني وطلعت شينه وبزر وماعجبته

وكل مااجلس معها وزوجي فيه تجلس تقوله بزوجك وبنت فلان جميله وبنت فلان موظفه وفلانه صغيره وتزوج وقسما ان زواجك علي واني لادفع مهرها؟؟


انا اذا قالت كذا اسكت وماارد الا اخر مررره قلت لها لاتتحديني تراك مو قدي واذا انا ساكته
ترى بمزاجي ساكته وعموما بررررد ع كبدك يامقهور

وزعلت مرره علي بس مليت منها تستفزني بكل مجلس

حتى ولدي الصغير مررره حلو بسم الله عليه وكل ماجلست وفيه حريم قالت هذا الولد مو لنا ماادري ولد مين اكيد انه من قبيله ثانيه واكيد جايه عرق غير
انا ادري انها ترمي لبعيد بس للحين ماسكه نفسي وكل الحريم يقولون لي علمي زوجك عشان يربيها ع كلامها ذا

وانا مابي اخلق مشاكل احيان تسيطر علي الغيره واقول هي ماتستاهل ليش ماافتن بينها وبينه واخليه ماعاد يعطيها وجه واقلبه ع عياله وبدال مااحببه فيهم اكرهه واحرضه

واتذكر انه حرام واتعوذ من ابليس واقول انا اكبر من كذا وانا متعلمه وفاهمه وعندي اولاد وودي انشغل فيهم عن الحرام والفتنه والكذب


تعبت من نظره الناس الدونيه لي بكل مجلس يتفاخرون بان فلان تزوج وطلق او تزوج ثانيه وراح تزوج ثالثه عليها او تزوج ورجع ودلع زوجته الاولى وكانهم يقولون لي مصيرك كذاا


المشكله ان زوجه زوجي وحريم عيالها وخوات زوجي وعياله الكبار كلهم يسعوون يزوجونه علي بدون سبب بس عشانهم غيرانين وزوجي مو مفكر بالموضوع هذا ولاهمه كلامهم بس انا مليت من وقاحتهم يتحدوني ويجيبون طاري بنات كثير له ويشاورونه وانا جالسه

لو اي وحده مكاني كيف ترد ع التفاهات كيف اخلي كلا يلتزم حده


نظره الناس لي اني حشره تطفلت ع حياه انسانه منسجمه هي وزوجها والواقع اني شمعه نورت حياتها هي تحلف انها ثلاثين سنه في نكد واني من دخلت عليهم بطل يهاوشها ويذلها ومع كل هذا تتمتى طلاقي وماتبيني احمل تقول يكفونك هالولدين لاتجلسين تجيبين ويبلشون عيالي يربون عيالك يعني ع اساس ان ابوهم كبير

تجررررريح من كل جهه الحمدلله ع كل حال

لو مكانك ما اجلس معها ابد


انا ما أأيد الزوجات يتعرفون على بعض

انا مثلك زوجة ثانية بس ماعمري شفت زوجتة الاولى احسن شي خليك في حالك وعيالك وابعدي عنها خليك معها رسمية ولاتدخلين فيها ولا في عيالها انتي مالك الا ثلاث سنوات ومع الايام بتكبر مشاكلك معهم ومع زوجك خليك في حالك احسن

طنشيها وكبري عقلك
وإذا بيتزوج االثالثة لاتتضايقين من هالسيرة
بتكون شمعة تنور حياتك مثل مانورتي حياة غيرك

والله يسعدكم ويهنيكم

وحدانيه ...
الطفل عنده حب تملك ... لأي لعبه ..
فمابالك المرأه ....؟
كان زوجها وكان ماحد مشاركهاا فيه ....
وفجأه دخلتي علي حياتها ... وطبعا من كلامك كنتي شمعه منيره لها ولأطفالها شي واضح من تصرفات زوجك اللي تغيرت ...
بس المرأه مهما كان فضلك عليها تبقين تحت مسمي ( الزوجه الثانيه اللي فضلها شريك حياتها عليها ) ..
مو شي سهل أبداااا ..
علشان كذا تبي تزوج زوجها علشان تحسين نفس الاحساس اللي هي حسته ... ولو لقت راح تزوجه لأنه احساس التملك صار موموجود من دخلتي أنتي بحياتها علي قولة المثل ( خاربه خاربه ) ..
ومهما كان زوجي شخص سئ مافي أسوء من أحساس انه يفضل علي أنسانه ثانيه ... سواء حب أو زواج
وأنا شفت مثل حالتك و أقوي أعرف وحده ضربتها أمام كل الموجودييين بس علشان تحسسها بانها ولاشي وأقوي منها ...

وأنا ما أقووول تصرفات هذي الزوجه الاولي معك طبيعيه ... لا طبعا
بس أبين لك سبب تصرفاتها وعلي كذا ...
انصحك لاتتدخلي بحياتها ولا اولادها أبدا .... دور الزوجه الثانيه الطيبه اللي اولادك مثل أولادي وزوجتك قريبه مني ترا نتايجه سيئه كثيررر بس أنا لو كنت زوجه ثانيه مثلك بحاول أقربهم مني ... بس بهالمجتمع لا تفكري أبدا
خليكي بحياتك وزوجك وأولادك ... وايش ماتسمعي أنسي وارمي ورا ضهرك ...
ما تتضايقين ولا تحسسينها انها قدرت تعكر عليك ولا تضايقي زوجك بهلبلبله كلها ...
وأدعي انه ربي يسخرلك زوجك ويهدي زوجته الاولي ...
هذا بأختصار يا عزيزتي ...


تحياتي لك ...
.
.

طنشي
وماله داعي المثاليه الزايده
مهما كان ماراح تتغير النظره للزوجه الثانيه
مع انها ممكن تكون امي وممكن تكون اختي وممكن اكون انا
بس المجتمع مايرحم
وهم حاليا مافي يدهم كرت يلعبون فيه معاك الا طاري تزويجه من وحده ثانيه
الله يعينك ويصبرك ويبعد عنك كل شر

شوفي
لو زوجك ماعنده احد غيرك ولو فيه عيوب الدنيا كلها
بس يجمعكم الحب والتفاهم
لابد من وجود ناس حاقده تسعى لتزويجه من دون سبب فقط حتى يقهرونك

اسأل الله العلي القدير ان يرد كيدهم في نحرهم ويشغلهم بطاعته يارب العالمين

الاخت وحدانيه
من قال ان الزوجه الثانيه حشره
هى زوجه ولها كرامتها ومقدارها وكافة حقوقها
من يتزوج ثانية ملزم بان يوفر لها الاحساس بالامان والرعايه ..
لا تتدخلى فى حياة زوجته الاولى ولو بحسن نيه فالنساء طبعها الغيره
ابقى فى بيتك وسط اولادك فلزات اكبادك واتركى الغيره لاصحابها
ان كانو يبحثون عن زوجه ثالثه له فهذا عيب الاولى ايضا
فلم تملا عينيه ولم تشبعه اما انت فلقد اختارك فى وجودها ويكفى انك قلمتى اظافره وارهفتى حسه والكل شهد بذلك
لا تلتفتى لاحد وارضى ربك فيه وسيرى الظالمون اى منقلب ينقلبون ..
تحياتى ودعواتى بحياه سعيده

عزيزتي

الكلام اللي تسمعيه ( من الحريم )

لا تصدقيه ،.

فيه ناس تحب تولع الفتن بينك و بينها و يجلسوا يتفرجوا ..

صدقي اللي تسمعيه بأذنك

لاتاخذين في كلامها هي مقهوره وبتسقيكي من نفس الكاس
خليك بعيد عنهم