السلام عليكم ورحمة الله وبركاته ،
أنا نزلت الصبح اليوم وسمعت ماما بتتكلم بالتلفون
وتحاكي صديقتها تقولها اخبار بنتك مع الحمل ؟

أنا لما سمعت كذا جتني دوخة و حومة كبد


تذكرت لما كنت اشوف هالبنت طفلة وانا شابة اكبر وللحين احلم بخطبة !

ابغي اصير مثل هالبنات القويات الراسخات اللي ما يهزهم تاخرهم ولا
يألمهم ،

وكمان الله منعم علي بحاجات كثيرة وانا مرة منزعجة من مشاعري
و استحي من ربي افكر في هالموضوع ، و احزن عليه

وانا ربي مو مقصر علي بشي

بس غصب عني
احيانا ممواقف كذا تمر علي تخليني افكر بوضعي واتضايق شوي منه

هلا أختي
ليه عزيزتي تقولين كذا ؟
أنت أكبر من أنك تنزلين هالمستوى، هذا الشيطان يوسوس لك إذا جاءك مثل هالأفكار تعوذي من الشيطان وأدعي لهم بصدق وكذا يبطل الشيطان يذكرك بحالك ويقارنك بغيرك والله يصلح لهم العطاء تربية الأبناء مهيب سهله .
وشفي أختي إذا هم تزوجوا قبلنا وأنجبوا لا عيب ولا نقص فينا هذا رزقهم، والله يبارك لهم ويقر عينهم ويسعدهم ، والدعاء له دور أدعي لهم من قلبك والله بتحسين أنك تفرحين لهم من قلب.

وإذا حسيتي أنك مررررررة تتأثرين كلما شعرتي بضيق قولي إنا لله وإنا إليه راجعون اللهم أجرني في مصيبتي وخلفلي خير منها.

تدرين أنا كثيرررر تزوجوا قبلي أصغر مني من أقاربي ومحارمي ذكورا وإناثا فرحت لهم وانجبوا الآن وكنت أرفعهم (مصطلح ارفعهم يعني أهديهم بمناسبة المولود) وأشيل أطفالهم وألعب معهم ولا أنساهم من دعائي.

والله يرزقك بلي يهنيك ويسعد قلبك قريبا يا كريم
دمتي بخير

ابتعدي عما يثير غيرتك لا تجلسي مع بنات متزوجات خصوصا اذا كانوا من النوع اللي يحكوا عن ازواجهم ورمانسيتهم وهداياهم او مجالس كبيرات السن اللي يعرضونك للاحراج بكلامهم وحاولي تكوني قوية ولا تكترثي بأحد سبحان الله مادري ليه مجتمعنا يربط قيمة المرأه برجل !!