متردده وش اسوي!!! - منتدى عالم الأسرة والمجتمع
logo

الملاحظات

المطلقات والأرامل والمتأخرات يعتني بالمطلقات والأرامل والمتأخرات عن الزواج

إضافة رد
أدوات الموضوع
انواع عرض الموضوع
قديم 23-05-2012, 03:29 AM
  #1
اعاند جرووحي
عضو دائم
 الصورة الرمزية اعاند جرووحي
تاريخ التسجيل: Feb 2010
المشاركات: 62
اعاند جرووحي غير متصل  
متردده وش اسوي!!!

السلام عليكم ورحمة الله وبركاته
بدخل بالموضوع على طول ويارب تلاقون لي حل
مطلقه وعمري 24 وعندي بنت,,متعرفه على شاب عمره 27 او 28 ,
لنا 3سنوات مع بعض وطول هالسنوات كانت سوالفنا بيبي ومسنجر تونا من كم شهر بدينا مكالمات بالجوال
الرجال محترم واخلاق عاليه ومحافظ على صلات وبار باامه وابوه كثير ماشاءالله عليه ,,هو يحبني من زمان وانا ماكنت ادري صارحني في رمضان السنه الي راحت ,وهو ماكان يدري اني مطلقه,وفي العيد طلب انه يتقدم لي بس ماعطيته رايي وسكرت الموضوع,واحترم رغبتي

ومن شهرين رجع وفتح لي الموضوع وطلبه من جديد ,كنت كل مره يطلبه اتحجج بااي شي والله الشاهد اني مانويت اعلقه فيني من البدايه بس كنت على نياتي معاه اسولف وكل شي طبيعي ,لمن حسيت انه مصرر ويعيد ويزيد في الطلب صارحته وقلتله عن وضعي,تفاجأ كثير اني خبيت عنه طول هالوقت,وبعدين تقبل الفكره وقالي انا شاريك وابيك وهالشي مايعيبك,, مع العلم انه ما سبق له وتزوج
طيب مو هنا المشكله المشكله بينا فروق وهالشي صعب في مجتمعي انا,,انا سمرا وهو ابيض صحيح لوني فاتح كثير بس اهلي مستحيل يوافقون عليه,,انا متردده كثير ومتخوفه من الزواج والتجربه الثانيه اخاف من الفشل ومابي اعيد التجربه بشي مايوافق عاداتنا عشان ما اللوم نفسي بالاخير,,انا واثقه فيه كثيييير وواثقه انه راح يسعدني بس خايفه كل شي يتغير بعد الزواج ,
هو اليوم طلب انه يجي هالاسبوع يخطب خفت وقلتله خلها الاسبوع الجاي لازم نرتب صح للموضوع قالي طيب الاسبوع الجاي تعطيني العنوان,,ابي حل وابي رايكم والله تلفت اعصابي من التفكير بمجرد ما افكر فيه يجيني مغص وش اسوي وش اقول لاهلي مستحيل افاتحهم بالموضوع ابيه يجي يخطب بدون مايعرفون مني شي,,
ريحوني الله يوفقكم..
__________________
اللهم يامسخر القوي للضعيف ومسخر الشياطين والجن والريح لنبينا سليمان ومسخر الطير والحديد لنبينا داوود ومسخر النار لنبينا إبراهيم اللهم سخر لي زوجا صالحا يخافك يارب العالمين بحولك وقوتك وعزتك وقدرتك أنت القادر على ذلك وحدك لاشريك لك

التعديل الأخير تم بواسطة اعاند جرووحي ; 23-05-2012 الساعة 03:30 AM
رد مع اقتباس
قديم 23-05-2012, 04:19 AM
  #2
اعاند جرووحي
عضو دائم
 الصورة الرمزية اعاند جرووحي
تاريخ التسجيل: Feb 2010
المشاركات: 62
اعاند جرووحي غير متصل  
رد : متردده وش اسوي!!!

27 زوار ومافيه ردود
شدعوه لهدرجة الموضوع يخوف
__________________
اللهم يامسخر القوي للضعيف ومسخر الشياطين والجن والريح لنبينا سليمان ومسخر الطير والحديد لنبينا داوود ومسخر النار لنبينا إبراهيم اللهم سخر لي زوجا صالحا يخافك يارب العالمين بحولك وقوتك وعزتك وقدرتك أنت القادر على ذلك وحدك لاشريك لك

التعديل الأخير تم بواسطة اعاند جرووحي ; 23-05-2012 الساعة 04:21 AM
رد مع اقتباس
قديم 23-05-2012, 04:40 AM
  #3
وابل الندى
كبار شخصيات المنتدى
 الصورة الرمزية وابل الندى
تاريخ التسجيل: Jan 2012
المشاركات: 1,221
وابل الندى غير متصل  
رد : متردده وش اسوي!!!

ماتوقع راح تعجبك الردود بس تحملينا لانا راح نعتبرك اخت لنا

[UOTE=اعاند جرووحي;2807576]السلام عليكم ورحمة الله وبركاته
بدخل بالموضوع على طول ويارب تلاقون لي حل
مطلقه وعمري 24 وعندي بنت,,متعرفه على شاب عمره 27 او 28 ,
لنا 3سنوات مع بعض وطول هالسنوات كانت سوالفنا بيبي ومسنجر تونا من كم شهر بدينا مكالمات بالجوال
الرجال محترم واخلاق عاليه ومحافظ على صلات وبار باامه وابوه كثير ماشاءالله عليه
وش دراك انه محافظ على صلاته وانه بار بوالديه وانه محترم وانه اخلاق عاليه؟
هو قالك !
لاتصدقينه ياكثر المهايط بهالسوالف

,,هو يحبني من زمان وانا ماكنت ادري صارحني في رمضان السنه الي راحت ,وهو ماكان يدري اني مطلقه,وفي العيد طلب انه يتقدم لي بس ماعطيته رايي وسكرت الموضوع,واحترم رغبتي
يمكن يحب يسمع صوتك وهمساتك بأذنه بس ماتوقع يحبك كزوجه وام لأبنائه !

ومن شهرين رجع وفتح لي الموضوع وطلبه من جديد ,كنت كل مره يطلبه اتحجج بااي شي والله الشاهد اني مانويت اعلقه فيني من البدايه بس كنت على نياتي معاه اسولف وكل شي طبيعي
وشو الطبيعي بنظرك همسات وضحكات لشخص اجنبي عنك ترضينها لواحد من اخوانك!
ولا لايكون كلام رسمي بشغل معين الله يهديك بس


,لمن حسيت انه مصرر ويعيد ويزيد في الطلب صارحته وقلتله عن وضعي,تفاجأ كثير اني خبيت عنه طول هالوقت,وبعدين تقبل الفكره وقالي انا شاريك وابيك وهالشي مايعيبك,, مع العلم انه ما سبق له وتزوج
طيب مو هنا المشكله المشكله بينا فروق وهالشي صعب في مجتمعي انا,,انا سمرا وهو ابيض صحيح لوني فاتح كثير بس اهلي مستحيل يوافقون عليه,,
على كبر المشكله ماجا فبالك الا بياضه وسمارك وان اهلك ماراح يرضون لهذا السبب

انا متردده كثير ومتخوفه من الزواج والتجربه الثانيه اخاف من الفشل ومابي اعيد التجربه بشي مايوافق عاداتنا عشان ما اللوم نفسي بالاخير,,
مابني على باطل فهو باطل ياعزيزتي
من البدايه عطيتيه مواصفات غير مواصفاتك وماقلتي له انك مطلقه وعندك بنت
حطي فبالك ممكن يبغى عنوانك حتى يرسل اي دليل على مكالماتك له حتى يجبرك او يجبر اهلك بالزواج منك
على اقل مصاريف وممكن بأي لحظه يرميك ويقول بصراحه مالي ثقه فيك
لانك بكل بساطه كنتي تكلميني وانا اجنبي عنك وممكن تكلمين عشره غيري


انا واثقه فيه كثيييير وواثقه انه راح يسعدني بس خايفه كل شي يتغير بعد الزواج ,
من وين جاتك هالثقه !
حطي فبالك الزواج غيـــــــــــر وراح تفتحين على نفسك ابواب جهنم لو تزوجتيه
الا اذا كان هو غير عن عيال القبايل اللي نعرفها
تخيلي انك تزوجتيه وشلون بتكون حياتك
بتكون كلها شك وغيره على اتفه الاسباب


هو اليوم طلب انه يجي هالاسبوع يخطب خفت وقلتله خلها الاسبوع الجاي لازم نرتب صح للموضوع قالي طيب الاسبوع الجاي تعطيني العنوان,,ابي حل وابي رايكم والله تلفت اعصابي من التفكير بمجرد ما افكر فيه يجيني مغص وش اسوي وش اقول لاهلي مستحيل افاتحهم بالموضوع ابيه يجي يخطب بدون مايعرفون مني شي,,
ريحوني الله يوفقكم..[/QUOTE]


بكمل لك وجهة نظري وبعدين اعطيك الحلول

لو اني مكانك والله لايحطني
مستحيـــــــــــــــل اتزوج شخص تعرفت عليه وكلمته حتى لو حلف لي مليوووووون واثبت لي كل الاثباتات
انه مناسب لي وانه كفو
مستحيل ينسى طريقة التعارف المخزيه

اما من ناحية الحلول ياكثرها

ممكن تتعرفين على وحده من اخواته
ويجي يخطبك على انك زميلة اخته او خالته او عمته او اي حاجه
وقبل تتم الموافقه عليه خلي اهلك يسألون عنه كويس

والله يكتب لك اللي فيه الخير
مع ان فيه مثل يقول
ابعد عن الشر وغني له




همسة

--------------------------------------------------------------------------------

قال الله تعالى: (وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب )

هذا كلام الله تعالى الذي لايأتيه الباطل من بين يديه ولا من خلفه وليس قول أحد من البشر، وهو سبحانه وتعالى إذا قال فإن قوله الحق. هذه الآية العظيمة جاءت على سياق شرطي فعل شرط وجواب شرط: من يتق الله يكون جزاؤه أن يجعل الله له مخرجاً وأيضاً يرزقه من حيث لايعلم ولايحتسب. فمتى ماتحقق فعل الشرط وهو التقوى تحقق جوابه وجزاؤه. وياله من جزاء عظيم ومكسب كبير ولكن كيف الطريق إلى التقوى أيها الأخوة؟ بل ماهي التقوى أولاً؟ إنها بعبارة مختصرة : كلمة جامعة لكل خير، هي امتثال أوامر الله واجتناب نواهيه والوقوف عند حدوده. لذا كانت التقوى هي وصية الله للأولين والآخرين ووصية كل رسول لقومه إن اتقوا الله لأن فيها السعادة في الدنيا والآخرة وفيها النجاة والمخرج من الشدائد والأزمات.

أوصى النبي صلى الله عليه وسلم بها الصحابي الجليل أبا ذر رضي الله عنه فقال له:" اتق الله حيثما كنت وأتبع السيئة الحسنة تمحها وخالق الناس بخلق حسن". والتقوى لاتتقيد بمكان ولازمان ولكن المحك الحقيقي لها في الخلوات فالتقي هو من يصرف بصره عن الحرام ولو لم يره أحد والتقي من يتعفف عن أكل الحرام ولو لم يطلع عليه أحد لأنه يعلم علم اليقين أن الله يراه ولأن مراقبة الله وتقوى الله حاضرة في ذهنه في كل حين . والتقوى موضعها القلب يقول صلى الله عليه وسلم: التقوى هاهنا ويشير إلى صدره" وتظهر آثارها على الجوارح بعمل الطاعات وإجتناب المحرمات.
رد مع اقتباس
قديم 28-05-2012, 01:50 AM
  #4
hond
عضو نشيط
تاريخ التسجيل: Nov 2010
المشاركات: 120
hond غير متصل  
رد : متردده وش اسوي!!!

انا ماؤيد زواجك منه
لان زواج العلاقات ( المعاكسات ) اللتي قبل الزواج مصيرها الشك - قد لايقع الشك في اول سنه او سنتين من الزواج
مع الايام سيراوده الشك
هنا لااتشاؤم - لكن هذا الواقع
انا لو كنت مكانه لان اوافق بالزواج عن طريق المعاكسات - انا اتكلم عموما ليس ( خاصا ) بك
لان حياتهم شك في شك صحيح في بداية الزواج سعاده ووو
لكن ........
مصيرها الشك بعد فتره



ونصيحتي لك انتي لسه عمرك 24 سنه يعني في بداية شبابك صحيح انك مطلقه وعندك بنت
لكن الله سيرزقك الزوج اللذي ياتي بالطريقه الصحيحه الشرعيه


والله يكتب لك اللي فيه الخير *
رد مع اقتباس
قديم 28-05-2012, 01:41 PM
  #5
عاشق الجواهر
عضو متألق
تاريخ التسجيل: Nov 2007
المشاركات: 646
عاشق الجواهر غير متصل  
رد : متردده وش اسوي!!!

اقتباس:
المشاركة الأصلية كتبت بواسطة اعاند جرووحي مشاهدة المشاركة
هو اليوم طلب انه يجي هالاسبوع يخطب خفت وقلتله خلها الاسبوع الجاي لازم نرتب صح للموضوع قالي طيب الاسبوع الجاي تعطيني العنوان,,ابي حل وابي رايكم والله تلفت اعصابي من التفكير بمجرد ما افكر فيه يجيني مغص وش اسوي وش اقول لاهلي مستحيل افاتحهم بالموضوع ابيه يجي يخطب بدون مايعرفون مني شي,,
ريحوني الله يوفقكم..

بيجي يخطب لحاله ؟ ماعنده اهل ؟؟

ليه تعطينه العنوان - انتبهي تعطينه العنوان بتفتحين على نفسك مشاكل وابتزاز والله اعلم

اذا بتعطينه العنوان قولي له خل اهلك يتواصلون مع اهلي ثم اهلك يطلبون العنوان من اهلي علشان يجون

هذي هي الأصول واللي مايعرف الأصول لا يستحق ان تتزوجيه

وأجزم بالعشرة انه سيفتح موضوع مشكلة كيف اقول لأهلي اني تعرفت عليك ؟؟؟ ويلف ويدور حول هذا الموضوع

انتبهي لنفسك وصوني نفسك ولا تكوني لقمة القاضي
رد مع اقتباس
قديم 28-05-2012, 02:30 PM
  #6
أبوعبداللـــــه
عضو دائم
تاريخ التسجيل: Apr 2012
المشاركات: 56
أبوعبداللـــــه غير متصل  
رد : متردده وش اسوي!!!

أختي في الله
1- أؤؤيد أول رد على موضوعك , رقم 3 .

2- اللــه يرحـــــم والديــــك ,
ويرزقك اللي يرضيك وترضينه
والدك يرضى عن هذه المكالمات ؟
اتمنى لك الهدايـة والرجوع إلى اللـه .
وخذي كلامي بصدر رحب
واعتبريني أخوك في الله .
__________________
سبحان الله العظيم وبحمدهـ
عددخلقه , ورضا نفسه , وزِنة عرشه , ومِداد كلماته .
اللهم صـل ِ وسلم وبارك على نبينا محمـد وعلى آله وصحبه.

التعديل الأخير تم بواسطة أبوعبداللـــــه ; 28-05-2012 الساعة 02:37 PM
رد مع اقتباس
قديم 28-05-2012, 03:56 PM
  #7
jomana3
عضو مميز
تاريخ التسجيل: Apr 2012
المشاركات: 512
jomana3 غير متصل  
رد : متردده وش اسوي!!!

هذا والله إلي يسمونه (ذئب بشري)
يبغى العنوان عشان يتمكن صح منك ويجلس يهددك كل شوي بالفضايح ولاتستبعدي أنه
مسجل المكالمات كلها ولو لك بعد صور وإلا شايفك عن طريق أي وسيلة إتصال تأكدي أنه
حافظ نسخة من كل شيء

ورااح يقول لك :ياتنفذين طلباتي وتطلعين معي
يا كل إلي عندي بسلمه لأهلك لأنه صار يعرف العنوان


ياعزيزتي وحدة حكايتها نفس حكايتك بس هي بنت ماسبق لها الزواج وعطته العنوان
وش سوى...؟؟؟
جلس هو وواحد من ربعه يراقبونها لما طلعت من البيت
وخطفوها وأغتصبوها ورموها قريب من نفس الحي إلي تسكن فيه


أحذرك ثم أحذرك من هالطريق المظلم الأغبر
أبعدي عن الفضايح أنتِ لك بنت ومطلقة بكرة لو تنفضحين الله يستر عليك
ماراح أحد يرحمك وأولهم زوجك السابق وأهله وبنتك بتروح من يديك

خافي الله عشان يكتب لك النصيب الطيب
خافي الله ترى هالي تسوينه حررررااام ومعصية وحتى شهر رمضان
إلي هو شهر العبادة وتصفيط الشياطين ماحرك بداخلك الخوف من الله
والموت على معصية

أختي طلبتك بقلب أخت خايفة عليك
أترك هالدرب أتركي هالرجال وتوبي وانتبهي لنفسك وبنتك

ولاتصدقين وعود الذئاب الجائعة
رد مع اقتباس
قديم 28-05-2012, 04:08 PM
  #8
jomana3
عضو مميز
تاريخ التسجيل: Apr 2012
المشاركات: 512
jomana3 غير متصل  
رد : متردده وش اسوي!!!

ابغاك تطلعي على هالمقاطع وبعدها قولي لي رأيك











رد مع اقتباس
قديم 28-05-2012, 11:28 PM
  #9
الأمير الحزين
عضو مميز
 الصورة الرمزية الأمير الحزين
تاريخ التسجيل: Dec 2010
المشاركات: 449
الأمير الحزين غير متصل  
رد : متردده وش اسوي!!!

اختي باختصار
اطلبي منه التقدم لخطبتك ان وافق
فأنه يحبك صحيح وان لم يوافق ويتحجج اتركي الموضوع نهائيا
ولا تتشائمي من بعض ردود الاخوه الاعضاء
تحياتي
__________________
كأن يد الله فوق العراق ..
كان جميع المرايا عراق ..
رد مع اقتباس
قديم 01-06-2012, 03:58 PM
  #10
جروحي كثيره
عضو نشيط جدا
 الصورة الرمزية جروحي كثيره
تاريخ التسجيل: May 2011
المشاركات: 453
جروحي كثيره غير متصل  
رد : متردده وش اسوي!!!

يا أختي وش يضمن لك أنه محافظ على صلاته

طيب قولي له أخته تتصل على والدتك

بعدين هو وأهله يجون يخطبونك رسمي


والشي الأهم سؤال أهلك عنه

ومن وجهة نظري أتركي الشاب

ما تتدرين بعدين يشك فيك

والله تندمين على اللحظه اللي وافقتي عليها
__________________
الله يصبرني على فراقكم يا أهلي
الله يجمعني معكم بالقريب العاجل
رد مع اقتباس
إضافة رد

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 08:24 PM.


images