السلام عليكم ورحمة الله وبركاته
أخواتي الكريمات انا عضوة جديدة وأحتاج مساعدتكم بالنصيحة
أنا مطلقة وعندي ولد وبنت
وأنا تساهلت في زيارة ابنائي لوالدهم وجعلته يأخذهم وقتما يشاء ويعيدهم وقتما يشاء وغالبا يغيب عنهم شهراو اكثر وبعد ذلك يأخذهم للبقاء معه اسبوع تقريبا ولكن تفاجأت ابني عمره 9 سنوات يبكي ويدعي على زوجة والده ويسألني هل بيت ابي هو بيتها ؟ فأخبرته نعم
وقال بأنها طردته من البيت وتقول له البيت بيتي وانا اتحكم فيه !!
علما بأنهم يسكنون في بيت جده في شقة في الدور العلوي
وانا كنت اظنها طوال ثلاث سنوات بأنها طيبه وتحسن لابنائي
فما رأيكم هل تصرفها عادي وكيف اتصرف مع ابني وارفع معنوياته لانه مصدوم لاني اخبرته ان البيت اصبح بيتها بعد ان تزوجت والده وهو غير مستوعب ذلك

لا ترسليه مرة ثانية و إذا سألوك ليش

قولي لهم السبب

في الحقيقة انا ما ابغى اهلى يعرفون لمصلحة ولدي لأن أهلي لو عرفوا بيحقدون على ولدي وبيحرضوني أتخلى عن اولادي وأبلش ابوهم بهم عنااااااد في زوجته

ووسيلة الاتصال بيني وبين طليقي اهلي فكيف اقدر اوصله السبب وانا ما ابغاهم يعرفون اصلا

أنا اصلا أكذب على اهلي واقاربي بأن طليقي يحب أولاده ويدلعهم وما يبغى احد يزعلهم كل هذا عشان اهلي يقدرون اولادي ويحسنون معاملتهم فكيف دحين اقولهم انه اولادي انطردوا صعبه في حق اولادي

انا فكرت ارسل رسالة لطليقي بأن يلتزم بصك الحضانه الصادر من المحكمة افضل له وللاولاد دام انه غير مرغوب فيهم

ايش رايكم هل هذا تصرف صحيح ام خاطيئ
تكفون انصحوني انا خايفه اتهور لأني من 4 سنوات طلاق عمري ما ارسلت رسائل ولا هو وخايفة تصير مشاكل شورو علي يا اخوات تراني سجلت حتى استفيد من خبراتكم وتجاربكم فلا تبخلوا علي

عزيزتي ..كشف الله همك .. وأدرك ردة الفعل التي تتوقعينها

من أهلك .. لكن أليس هناك شخص ثقة يعتمد عليه بينهم

تتحدثين له عن المشكلة .. ويعدك أن لا يذكر القصة أمامهم ..!!

لا تتعجلي بإرسال الرسالة لطليقك حتى لا تكبر المشكلة أكبر..!!

لماذا لا يحدث طفلك والده عن الذي حدث معه ؟!!

__________________

جزاك الله خير اختي
أنا من 4 سنوات لم اجد شخص يتقبل الحديث عن مشاكل من هذا النوع ,, تعرفين مجتمعنا يظلم المطلقة ويعتقدونها تفتعل المشاكل أو تكذب على طليقها لذلك أنا لا اجد من يسمعني أو يقف معي واخشى في الحديث عن هذا الموضوع مع احد فأنصدم بتكذيب او استهتار بأولادي
وفي الحقيقة ولدي أخبرني انه سمع جدته وعمته يشتكون من تصرف زوجته مع الولد وانه حرام عليها تسوي فيه كذا ! ما ادري اذا هو اشتكالهم او سمعوها ما ادري بصراحة

المشكله اني كيف اتفاهم مع طليقي انه يلتزم بالصك ياخذهم يومين بس وبدون لايزعل اويفتعل مشاكل اويظن اني اتحكم فيه !!!!؟؟؟؟؟؟؟؟
طيب فكرت ارسل رسالة لأخوه الكبير لأنه اخوه من الأب ومرت عليه تجربة زوجة الاب وانطرد وهو صغير من بيت أبوه ايش رايكم ؟
اطلب من اخوه برساله يتفاهم معاه ؟؟

غاآليتي ..

لاتتسـآهلي بفلذآت كبدك ..عند أرسـآلهم لمنزل والدهم ..
بل أحرصي على سمـآع أخبارهم والأطمئـان عليهم ..
فـلن يلومك أحدا .. فـ أنتي تحملين بدآخلك قلب الأم ..
أسبــوع كآمل يغيبون عن أنظــآرك
ليس بالســأهل على الأطــلاق يمــر دون الأطمـئنآن عليهم ..

وأعتبري ماحصل درس لكي ..

بالنسبه لكيفية تواصلك مع طليقك..
أرى أن تحدثي من تثـقين به من عائلتك لكي يكون همزة توآصل بينكم ..
والأتفـآق على مايناسب مصلحة أولاآدكم ..

وماحدث لولدك ..
أجلسي معه وحاوريه بوعي أكثر من العـآطفه ..
أخبريه بأذن هذه زوجـة أبيه وعلى هذآ الأسـاس أصبح المنزل منزلها ..
وان يعاملها بأحترآم لأحترآم وآلده ..ولكي يكفي نفسه من أي تعامل سيئ يصدر منها هدآها الله ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

والله اني بالكاد اصبر عنهم ولو تكلمت امي تزعل علي
ولو رفضت اخليهم عنده فترة طويله الدنيا كلها توقف في وجهي
مضطره اسكت واصبر الله يعين بس

ولدي علمته من زمان لازم يحترم زوجة ابوه لكن لاني اتعامل مع ولدي بالتفاهم والكلمة الطيبة والاسلوب الحسن يظن كل الناس لازم تعامله كذا فيزعل وينقهر من تعامل الناس معاه بالفظاظة والاحتقار
يعني مثلا لو ابغى ولدي يقفل البلاي ستيشن أطلب منه يقفلها لكن مستحيل اقفلها بنفسي وهو يلعب !!
والناس ماعندهم هذا الأسلوب على طووول يقفلونها بدون حتى يطلبوا منه قبل
وهذا اللي يزعل ولدي ويخليه يتشاقى ويسب ويشتم
والله ولدي يرجعلي ونفسيته زفت وأخلاقه سيئه ومتوتر وما يتحمل كلمه من أحد وكله بسبب تعاملهم معاه
بهذا الأسلوب السيء والا ايش رايكم ؟؟

غاليتي

انتبهي على ولدك من كيد النساء و كيد زوجة أبوه ..
واحد شاب ضرب زوجة أبوه و أبوه حبسه في السجن أظن 13 سنة أو أكثر ؟

برأيي ، إنك تخلي الولد يتواصل مع أبوه ..
و لو مكانك أقهر زوجته زي ما قهرت ولدي .. و أجيب جوال و أتواصل معاه
( بخصوص الولد و مصلحته )

والله حذرت ولدي وقلت له ابوك ممكن يضربك لو زعلتها لأنه حكالي موقف صار يقول ان زوجة ابوه بكت من كلامه لها لكن مدري ايش قال فهمت انها تحسست لأنها من قبيله غير قبيلتنا

والله ما ابغى اقهرها ولا شيئ ,, ان عملت خير فهو في ميزان حسناتها وان عملت شر فالله حسيبها

انا ما اشوف فيها شي اذا كلمتي ابوه عشان مصلحة ابنك
او كلمي جد ابنك او جدته

__________________