السلام عليكم ورحمة الله وبركاته:
باختصار انا بنت عمري 22 وقبل شهرين تقريبا او اكثر زارونا خالتي وبنتها علاقتي بهم عاديه جدا,المشكله انه وصلتني تلميحات من بنت خالتي وهي اكبر مني ب8 سنوات تقريبا انها تبيني لاخوها!!
وانا هالانسان ماعمري فكرت ارتبط فيه بيوم من الايام احسه مثل اخواني او بالاصح ما احبه ولا اكرهه ,كل ماجلسنا مع بعض تلمح وتتكلم عنه وانا احاول اغير السالفه او اشوف لي شغله واقوم ,المشكله مو اني بس ماتوقعت ارتبط فيه,انا ماعندي رغبه فيه اطلاقا ورافضه تماما الزواج منه,
وقبل تسافر فرشنا انا وياها بالليل بغرفه لوحدنا وقمنا نسولف لين وقت متاخر ودار بينا حوار طويل وكان من ضمن كلامها(راح ازفك بنفسي وتشوفين!!)
من يومها وانا قلقانه وعشان كذا ماعرفت افكر حتى اني لمحت لها برغبتي بس احس انه مافاد,وبما اننا قرايب بيكون الوضع صعب وعلاقة امي بخالتي والعايله بشكل عام ممتاز ماشاء الله واحس اني بوررررررطه ,بتقولون ليش ترفضينه,لي اسبابي الي منها اننا بعمر واحد وانا اكبر منه بشهر وابدا ما احب ارتبط بانسان مثلي او اصغر مني لان بنظري كل ماكنت البنت اصغر من الرجل كان افضل,وغير كذا هو شخص مو ملتزم وانا بصراحه احب ارتبط بانسان ملتزم يعينني على امور ديني,والسبب الاخر ويمكن يكون تافه وماله اهميه انه اسمر مني وانا ولله الحمد ماشاء الله فاتحه كثير وجميله,وكمان كانت لنا ذكريات مع بعض وحنا صغار كان احيانا يضايقني كثير وكان شخص هزلي جدا وبس يتريق ومايخلي احد بحاله واخاف انه على هالحال لين الحين!وانا هالشخصيه الي مثل كذا ماحبها,الله يغفر لي وله وللمسلمين
وكمان ما احب المنطقه الي ساكنين فيها ليش والله مادري,وللعلم احنا ساكنين بعيد عن بعض يعني كل عيله بمدينه عشان كذا مالي هاذيك العلاقه الي تخليني اصرح الي بنفسي,حتى ان كانت اسبابي مو قويه مره انا ما ابيه,ولافي بنت منهم بعمري ارتاح لها واقولها الي بخاطري,وغير كذا قلت استخير لكن سمعت ان الانسان مايستخير الا بشي هو محتار فيه وانا رافضه من الاساس,والمشكله انه توظف من سنه ماشاء الله وبعد كلام اخته حسيت ان بيصير شي واتورط والصيفيه هم يجون عندنا يصيفون كم يوم واخاف يصير الي خايفه منه,
هل اضحي بسعادتي ورغبتي على حساب علاقة العايلتين ببعضها لان يمكن رفضي يسبب مشكله؟
ولا ارفض والي يصير يصير,ولا ادري كيف راح تكون ردة الفعل خاصه من ناحية راي امي وهاذي مشكله بحد ذاتها؟؟
انا اكبر خواتي ولا اقدر اقول لامي عن هالشي واحس ان عندها علم بالموضوع لان اتصالات خالتي كثرت واخاف يكون بينهم شي وانا آخر من يعلم,لدرجة اني فكرت اسجل بموقع زواج مضمون عشان انخخطب بسرعه وارتاح!
تكفوووون شوروا علي هل في طريقه اسويها تخلصني من هالارتباط ولا استسلم وافوض امري لله,؟
اعتذر عالاطاله ,وبانتظار آارائكم بارك الله فيكم.:safgh:

__________________

عزيزتي الناس ما طلبوك رسمي وانت حايسه وشايله هم
وش عرفك ما يصير شي ويصرفهم عن الفكرة وانت معيشه نفسك في غم
عيشي يومك واتركي الخلق للخالق ولا تنكدين على نفسك وخلي هذا مبدأ لك في الحياة
وإذا شرفوا استخيري والله بيختار لك اللي فيه الصالح
والمسألة سهلة بس انت مكبرتها..

اختي الله يسعدك
انا ما استبق الاحداث ولا حصل الي حصل من باب الفراغ او مجرد صدفه فقط!!
وهاذي الاشياء اول مره يصير معي كذذا وموضوع ماتوقعت انه يصير,وحتى ان كانت افتراضات انا اطلب حل قبل يجون واتورط يعني بالعربي بأحسب حسابي لان الموضوع مو سهل والمسأله مسألة رغبه وحياة كامله!!
بانتظار باقي الاراء مشكورين

__________________

عزيزتي حلوة الأخلاق..أذا فعلآ تقدم لك رسمي ...ليه ماتعطين نفسك فرصه لتفكير..بمعنى ليه حاكمه عليه من ذكريات طفوله..أكيد أنه تغير..فهل نحن كما كنا ونحن صغار لابالطبع تغيرنا ونضجنا..

رأي أذا كان الرجل ذا خلق ودين..وأهل لزواج عطيني نفسك فرصه لتفكير..مشكلتك أنك حاطه قناعات مسبقه براسك وموراضيه أنك تفكيرين فيها أو تعاودين النظر فيها..

على العموم حبيبتي أذا تقدم رسمي أستخيري ..وأذا فعلآ وجدتي نفسك مو متقبله..لايكلف الله نفسآ الا وسعها..ابدي رفضك ويادار مادخلك شر على قولة أخوانا المصريين^_^...

اتخاذ القرار يجب ان يكون مبنيا على أسباب مقنعة والا فإنك ستجدين الكل ضدك ولن تستطيعي مقاومة مدهم الهادر بجزرك الخجول ::::فيا اختي الفاضلة أحيانا تتولد لدينا افكار ونستبق احداثا لمجرد احساسنا بأمر طارئ سيحدث وعندها قد يضيع تفكيرنا في بحر من الاوهام وعند حدوث هذا الامر نعجز عن اتخاذ القرار المناسب :::فعليك بالانتظار فقد لا يحدث شيئ من ذلك حتى وان حدث فعندها اذا كان في هذا الشخص مايعيبه فمالمانع من الارتباط به فقد يكون لك نعم الشريك في حياتك المقبلة فلا تجعلي الحواجز التي يصنعها تفكيرك في بعض الاوقات تمنعك من التصرف بحكمة وعقلانية في احد اهم القرارات في حياتك ::; نسال الله ان يسخر لك الخير في كل الامور ويبعد عن حياتك الاثام والشرور ويجعل معيشتك نورا على نور

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

السلام عليكم
فعلا تعب نفسي
وضيق لا يوصف
كنت اعاني مثلك
وبالفعل امي وخالتي عندهم علم وانا ماكنت عارفه
كنت اضنه مزح بنات بس
لكن بعد وفاة والده قالت لي اخته ان وصية والدها كانت ان تكوني زوجه فلان (اخوها)
مرت على ايام سوداء لا يعلمها الا الله
نعم الخبر ليس منتشر
ولم يتقدمو بشكل رسمي
ولكن هل تعرفين ماذا فعلت
صارحت امي وقلت لها فلانه تلمح لي بأخوها
وانا بالفعل لا اطيقه
مع العلم اني لم اره منذ فتره طويله ولكن بالفعل مثلك كان اكبر مني بعام
وسبحان الله لا احب منطقتهم ومدينتهم كلها ^_^
عيوب كثيره بسيطه لكن تحزنني

ارفضي عزيزتي قوليها لاخته علنا
بعد مشاورة امك طبعا
عل الله يحدث بعد ذلك امراً

اسأل الله ان يرزقكِ بالزوج الصالح الذي تهنئين به

ملاحظه حصلت مشاكل بين امي وخالتي بعد رفضي
لكن الحمد لله امي حكيمه عالجت الامر بذكائها

اخبري امك وانتظر جديدك عزيزتي

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام

الموضوع راجع لك لكن حبيت اقول لك

ان المشاكل بين العائلتين بسبب رفض الزواج من متقدم شبه معدومه مقارنة مع المشاكل بين العائلتين بسبب خلافات الزوجين

فأنتي لما تزعلين من امور يسويها بسيط تنتشر بين العائلة وكثرة التدخلات تكون اكبر اضافة ان القطيعة تكون اكبر لو لا سمح الله ما حصل توفيق

حطي كل شئ ببالك ولا تهملي الا الملاحظات اللي ليست ذات اهميه

ترا ماراح يجيك عريس تفصيل على حسب طلباتك مهما بلغتي من البياض والجمال

تنازلي شوي وشوفي الامور المهمه تمسكي فيها وغير ذلك لاتخالفين فيه

والأهم لا تستبقين الأمور يمكن ما تبيك لأخوها

حياك الله,المسألة مو مسألة قناعات الولد مافيه عيب وانا ماقلت هذا الكلام لاني احاول اطلع فيه عيوب,انا لي اكثر من 4سنين من يوم ماكبرنا وافترقنا,(اقصد ماعاد نشوف بعض بحكم الحجاب),فما اعرف هل الى الان مثل ماهو او لا وصعب جدا استفسر او اسال لان الموضوع راح ينفهم غلط,
بس احس اني مو كارهته بس مو متقبلته احاول اقنع نفسي بس مافي فايده واكبر سبب يخليني ارفض ,الي اتمناه اني ارتبط انسان اكبر مني باقل شي 3سنين هذا شي محبب بالنسبه لي,وبعدها الالتزااام
ومثل ماقلتي لو تقدم رسمي (لاسمح الله)لو بيدي الرفض ماكان كتبت الموضوع لان المشكله الكبرى راي امي وانا احب خالتي وماعمرها قصرت معانا الله يحفظهم,بس حبيت اشوف هل ممكن القى طريقه او شي يخليني ابعد عن الموضوع من غير مشاكل,
الله يسعدك ويسلمك عالرد,

__________________

الله يجزاك بالخير اخوي على كلامك,وهنا المشكله ان اسبابي ليست مقنعه لكنها منطقيه بوجهة نظري,
ونعم كلامي كله احتمالات لكن صحيح بنسبة95%وانا متأكده لان ماحصل الي حصل وانقال من فراغ’
وحاولت افكر واقنع نفسي ولكن احيانا اقول يمكن اتقبله بعد الزواج لكن اتراجع واقول ويمكن كمان احتمال كبير(مثل ما اشعر فيه الان)اكون بمشكله كبيره خاصه من ناحية واجباته وحقوقه الي لازم ااديها له,
واللهم آآآمين جوزيت خير اخي الفاضل واسعدني مرورك العطر,,

__________________

الله يسعدك ياشيخه اخيرا لقيت احد يحس بنفس المشكله
المشكله اني مو صريحه واي حاجه اتردد فيها,كل ماجيت ابي اسوي مثلك
افكر بأمي وكيف ردة فعلها ونفس الوقت خالتي اووووه والجماعه كلهم,لكن احيانا اقول هاذي حياتي ومن حقي اختار لكن من بيكون معي,ويمكن مامتك الله يحفظها احترمت رايك وراعت شعورك بس انا مادري فيه احد يسوي هالشي او لا,وبيقولون ليش الرفض؟وايش فيه ومن هالكلام ,
عموما انا بأحاول اسوي مثلك واشوف ردة الفعل,وباذن الله تعالى مايصير الي انا خايفه منه...
وبأستخير وربي ييسر الي فيه الخير,
يسلمووو يالغلا على ردك وباذن الله لو في جديد راح اكتب.

__________________