السلام عليكم ورحمة الله وبركاتة ؛

نظرا لفكر هذا المنتدى ورقيه و واقعية الحلول والمساعدات تاركين المجامله
سأوآفيكم بما أريده ؛ لا لشيء سوى مشورة تلقون بها بين يدي وعقلي ؛ آثرت أن أخبر من لايعرفني على من عرفني .....
ابي استشارتكم في حل مشكلتي الاولى
ولد عمي ، صديق عمي اللي يكبره بثلاث اعوام من الطفوله
وبينهم علاقه صداقه حلوه ؛
صدف مره أنتقدت ولد عمي ع طريقة ستايل شعره قدام امه وخواته لانه عادي ماكنت اقصد شي وكنا كلنا نسولف بشبابنا وش صاروا وننقد ونضحك يعني عادي جلسه زي اي جلسه ، المهم اني قلت ليش فلان كذا ، مدري وش ردوا ، وقلت ودك نقول لعمي فلان مايماشيه لين يترك هالستايل ...
وعادي جدا كانت نيتي صافيه وعمي عمره ماتكلم وقال فلان ستايله مايعجبني او ودي اغيره ، واصلا انا لمن شفته انصدمت لذلك نقدت ؛ وأمون ع عمامي لانهم بمثابة عايلتي ،
المهم انه بعد فتره جاني عمي ، قال فلان زعلان قلت ليش قال يقول اني قايل عنه كذا وكذا ؛
انا ناسيه وش اللي قلته زمان ؛
وعمي متضايق ، رحت سألت بنات عمي من اللي قال لفلان ان عمي بيتركه ،
قالن ماندري ؛
( حاسه نفسي طلعت وقحه قدامهم؛ اقول كلمه واجي أسال مين قالها )
بس وربي اني نسيت كلامي لاني قلته بدون نيه شينه حتى لوا اني غلطت بس انا ماتكلمت بلسان عمي انا تكلمت بلساني انا ، ومدري هم فهموها غلط و وصلوها له ..

المهم أنا قررت اني اقول لولد عمي بس بدون ماادخل خواته وماادري كيف الطريقه ؛
ماابي اقول لعمي ماابي اخسره و لوا قلت له بيحس انه ماراح يستفيد لان يظل خطآي من خطآه وصعبه هو يروح يقول بنت اخوي هي اللي قالت ، واخاف يكرهني ، أنا معذنبي ضميري بقوه ،
وبنفس الوقت ماني قادره أتجرأ واخبر ولد عمي ، بس لما لقيت له صفحه ع التويتر وعلى الفيس تشجعت اني اقوله لشيئين ؛
أولا والاهم أريح ضميري من الكلام اللي قلته
واحل مشكلتهم ومااظلمهم بشي كلهم مالهم به يد
مشكلتي الثانيه
ثانيا أعجبني لمن عرفته عن قرب و ودي ألفت أنتباهه !
هو نفس تخصصي و له نشاطات كثيره تمثيل باليوتيوب بأسمه ، وانا برضو وحده ناجحه و عندي موهبه امارسها بالنت وبإشادة الجميع لي بأسم مستعار ؛
انا عندي مستقبل قاعده ابني له ؛
ودايما اقول ماابي اتزوج الا واحد فاهم ومثقف ؛ ماابي آخذ واحد عادي او بالأصل واحد تفكيره ينام ويأكل ويجيب عيال ،
كنت دايم افكر ان عيالي بكرا يطلعون فاهمين وله كيانهم وقرارتهم واقدر اربيهم مع اب يفهم تفكيري واسلوبي وافهم تفكيره واسلوبه ونتشارك كل شي سوا ؛
عشت بعائله ابوي وامي منفصلين ،
ودايم مشاكل بسببي توصل لمصيري وحياتي ؛ حتى أن الناس اللي يخطبوني يقعدون شهور ينتظرون رد ؛ ثم يروحون واسمع الحريم انهم يتحسفون علي ؛
لذلك انا ماابي اعيد تجربة اهلي ودايم خايفه لوا اني ماالقى شخص يشاركني كتاباتي وطموحي الدراسي بالخارج احس اندفن زي حياتي عند ابوي ؛
و لأني تعقدت ماابي بكرا عيالي يصيرون مثلي بين ام واب ماتفاهموا ؛
؛ ظلم ابوي وتهكمه بي واستحقاره لي أمام عائلته الثانيه يكرهني عمري كله ؛ يخليني اتنازل عن اني اكون مميزه وابني حياتي بمعرفه ودرايه مع شريك يفهمني ؛ بالأضافه الى سكوت امي عنه ادري انها صابتها امراض مزمنه بسببه بس انقهر محد يأخذ لي حقي ، وهو مايعترف فيني رغم اننا ساكنين بسكن واحد ؛ اخاف ارضى بأي شخص يتقدم وابتلش ؛
اخوي دايم يهرب من البيت ويكسر خاطري وماابي احمله مشاكلي ؛
اسكت عن ابوي وش اسوي مااقدر اواجهه ليش تكرهني ليش تعاملني زي الشغاله ليش ماتزوجني او ليش ماتعاملني ع اني بنت من بناتك حتى انه مره قالي ماابيك بنت لي ! ؛
حياتي مالها معنى الإ مع ربي ثم امي
ثم دراستي ومستقبلي الباهر اللي ينتظرني

لا حد يقول وين عمك او خالك
ابوي يسبني قدام قرايبي ؛ واصلا هم يتحاشونه ويبتعدون عن مشاكله اشك انه مريض نفسي ؛ لانه تسبب بإنفصال عوائل واصلا أنا ماابي احد يتعذب عشاني لأني قادره بأذن ربي بكرا اشوف ابوي يحترمني لمن يهمس بأسمي كل رجال يجلس بمجلسه؛ بس أنا خايفه خايفه أندم لوا أني لفتت أنتباه ولد عمي او انه يحس اني ابيه وينظر لي نظره دونيه والمشكله ان ابوي يرفض البعاد بحجة انهم مايقربون ويماطل بالقراب رضى لزوجته عشان بناته اللي اكبر مني بالرغم من انه زوج وحده من بناته بدون ترتيب بس انا موقف نصيبي،، انا اتوقع لوا تقدم ولدعمي مايكون مع ابوي حجه يماطل بتزويجي لانه كبري بيننا اقل من سنه فقط و لأنه ممكن يطلع برا لاتزوجنا
، طول عمري احلم ااخذ مثقف مثلي؛يقرأ ويقدر كتاباتي بس دايم احس هالشيء مستحيل لين شفت صفحة ولدعمي ع الفيس بوك
أعجبني جدا
واسلوبه راقي ومتوقعه انه بيكون بيننا شي مشترك من النشاطات
وفرصتي محدوده به لانه الوحيد اللي كمل دراسته الجامعيه وبنفس تخصصي ؛ واناابي شخص متعلم مثلي ..
قبل كل هالشيء المهم اللي بقوله اني ظلمته هو وعمي وعلاقتهم انتهت بسبب كلمه انا قلتها وماقصدتها ؛ واكيد لوا عرف بصفحتي بالتويتر يظل يتابعني ؛ وهنا مربط الفرس ؛
خايفه أقدم ع هالشيء واندم ، و بالعموم
مالي طريقه يعرف بها ان عمي مظلوم الا بهالشي؛
وبنفس الوقت /ابيه يعجب بي وماابيه / خايفه بقوه من كل شي رغم اني متأكده اني املك مقومات اعجابه ودي أضمن مستقبلي معه مالي احد ؛
خاصه اني سمعت انه براسه يطلع برا يكمل وانا هذا حلمي ؛ . . .
بقى شيء صفحته بالتويتر مادخلها من شهور ومفكره ارسل لواحد ضايفه اقوله يقول لولدعمي يدخل صفحته لأني شفته مثل معه اكيد يتواصل معه ؛و مااعرف للفيس وماعندي صفحه ؛ بصراحه
مستحيل اقعد وافوت فرصتي واندم ع غبائي ؛ محد بياكلها غيري ؛
و على فكره هو كان يحب بنت لما كنا مراهقين وانا كنت اوصل بينهم بس لما تغطينا عقلنا ؛ وهي قبل  سنين تزوجت ؛ و ماسمعت ان ولدعمي صار له اي رد فعل اتجاه زواجها .. ..
والحين مطلقه معها طفل
أدري شوشتكم كثير ؛ بس صدقوني مدري من وين ابتدي او انتهي ؛
تخبطت ماعرفت اعبر بالعاميه ؛
و أبي رأيكم ؟
أعتبروني أخت لكل وحده / واحد
صدقوني لوا ماحدتني الدنيا ع اني اضمن حياتي بنفسي كان مااهتميت بموضوع زواجي ولأني عارفه ابوي لا صار شي وبغى يزوجني ماراح يعطيني وقت افكر او يمكن انا اكون بلحظة ضعف وانهي حياتي بيدي ؛ لوا كان لي سند كان مافرقت عندي لوا جلست عانس بالبيت مرتاحه ومحققه نجاحاتي بهدوء ؛ ؛ انا ابي استقر واحقق ذاتي مع واحد يشاركني ذاته ؛
من كثر ماافتقد رابط بيني وبين بنات قرايبي او صديقاتي صرت ماالقى متعة بممارسة نشاطاتي لذلك ماابي افتقدها لاتزوجت
.....

انتظر ردكم ع أحر من الجمر