السلام عليكم

كيف الحال اخواني

انا طالب مبتعث وطلعت وتعبت جدا من الاوضاع ورجعت وكلمت الاهل وقلت اخطبوا لي
فقالوا طيب طبعا انا عمري 21 سنه ولقوا بنت الحلال وباذن الله بخطبها قريب

وش وجهات نظركم حول الموضوع هذا
انا بخطب الان وبعد سنه باذن الله باملك وبعدها اكمل دراستي الجامعيه لمدة ثلاث او اربع سنين وارجع اتزوج الا اذا طلعت للابتعاث معي ..

اخي الكريم
انت قلت انك سافرت وتعبت وحبيت تخطب وتتزوج طيب ليه تخطب مادامك مابتاخذها معك وبتخلص دراستك هناك وبعدها بتتزوج
انصحك دامك نويت ولقيت بنت الحلال واذا وضعك المادي جيد ان تتزوج والله بيعينك

__________________
باااركوا لي :14:
حققت حلمي وامنيتي بفضل من الله ومنة فالحمد له حمداً يليق بجلال وجهه وعظيم سلطانه
اللهم لاتكلني الى نفسي طرفة عين فأعجز ولا الى احد من خلقك فأضيع

أخى لو فى نيتك تأجل الرواج ثلاث سنين الاحسن تأجل فكرة الخطبة كمان

المشكله اني خايف من المصاريف وحالتي طيبه ولله الحمد لكن انا استحي اطلب من الوالد
زيادة على ذلك مااتوقع الناس توافق تطلع بنتهم كذه بالسهوله لبلد غريب
واخاف اذا وافقوا يتعسر الوضع واذا رجعت مااقدر اصرف عليها وعلى نفسي

الله يوفقك يالغالي
ومثل ماقالوا لك الاعضاء ياتتزوج وتاخذها معك ولا اجل الموضوع كله على بال ماتخلص ممكن تحصل وحده تناسبك اكثر او توكل على الله وتزوجها وخذها معاك

لاتخاف كل واحد يجي ويجيب رزقه معه وهذا وعد من الله


و الحديث كما رواة الترمذى (ثلاثة حق على الله عونهم المجاهد فى سبيل الله والمكاتب الذى يريد الأداء و الناكح الذى يريد العفاف )

انا والعياذ بالله من كلمة أنا أرى والله العالم
إن هذي حياتك والأفضل تخططها انت بنفسك مثل انت ماتبي وليس مثل مالناس يبون.....
ليش تدور أحد يخطط لك أو يتخذ لك قرار.. مايمنع من الاستشارة لكن برضك .. حلو انك في هالعمر تتخذ قرار وتنفذه بعد ماتستشير شخص مقرّب تثق فيه ويعرفك مثل الوالد أو الأخ الكبير.. احد تثق .

__________________