القصة وما فيها انه الوالد سابقاً كان من اصحاب العقار و الاموال لكن سبحان مبدل الاحوال
عليه مطالبة مبلغ كبير جداً و موعده على الابواب
انا على اطلاع بالموضوع بالكامل لكن ما اعرته اي اهتمام
الحمد لله وضعي المادي ممتاز و اعتبر الوحيد في العائلة حالياً ولله الحمد و اقدر اساعده لكن كل ما افكر فيه اتذكر ظلمه لنا و تفرقيه بين اخواني و اكثر واحد اتضرر من بينهم كان انا
و منفصل عن اهلي للسبب نفسه اللي هو الظلم و انا صغير
قبل فترة اندق علي الباب و الا اخوي الكبير المطوع و معاه جميع المطاوعة من جماعتنا و اعرفهم واحد واحد
ذكروني بالله و ذكروني بحقوق الوالدين و قالوا لي انه ابوي احد ابواب الجنة ومن يوم قالوها عرفت ايش المطلوب مني
قلت لهم ان شاء الله يصير خير لكن نفسي تحترق من الداخل
والله اني اعرف انه في الوقت الحالي ماله الا الله ثم انا اللي يقدر يحل مشاكله بإذن الله
الشيك بإسمه في يدي لكن تجيني افكار شيطانيه تقولي قطعه و خليه يتمرمط في المحاكم زي ما ذقت المر منه و انا صغير و خليك منه
والله انا حيران في امري هل هذا يعتبر من العقوق ولا اذيقه من نفس الكاس؟
الشيك في يدي و انا متردد لو شغلت السيارة ورحت له اليوم ولا بكرة مشاكله المادية تكون كلها انحلت
داخل على الله ثم عليكم يالطيبين انكم تفيدوني لاني والله لما اتذكر فعايله و انا صغير احزن و احقد و لما اشوفه اللحين و الشيب غطى راسه و لحيته و ضعف جسمه ابكي
اللي فيني كافيني
التعديل الأخير تم بواسطة تلميذ الحياة ; 14-07-2012 الساعة 10:40 PM
الشيك لك انت تشتري به اجر و حسنات و رصيد لاخرتك باذن الله
اعتبرها تفريج كربة مسلم (تناسى انه والدك) و ربي بكرة بيفرج كربك باذن الله
عشان بكرة ربي يبارك باولادك و تلاقي برهم باذن واحد احد
روح و فك كربة ابوك و انويها لوجه الله خالصة
اما عشان دنيتك .. فيا اخي
بكرة بتروح تخطب .. ايش بيكون موقفك امامهم و انت والدك مسجون عشان فلوس
اووكد لك .. انت لحالك ماراح تتهنى و لا تفرح و بقلبك هالغصة ..
بكرة بيجيك اولاد و يحملوا اسمك و اسم جدهم .. ترضاها يكون جد عيالك مسجون ؟؟
ماشاء الله انت اصيل و طيب و لا ماكنت ترددت .. كنت رفضت
فطيب اصلك ماراح يخليك تتهنى و ابوك مسجون ..
فا اشتري راحة بالك و اخرتك و دفع الشيك
و اعتبره خير و رميته البحر .. ولا تنتظر مقابله
وسبحان الله قد تكون فرصة تتصافى القلوب بعضها و احنا على مشارف شهر كريم
كل عام و انت و كل الامة الاسلامية بخير
ربي يفرج همومكم و يحنن قلوبكم على بعض
ويوفقك بدنيتك
__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله
قال تعالى ( وقضى ربك ألا تعبدوا إلا إياه وبالوالدين إحسانا إما يبلغن عندك الكبر أحدهما أو كلاهما فلا تقل لهما أف ولا تنهرهما وقل لهما قولا كريما ( 23 )
واخفض لهما جناح الذل من الرحمة وقل رب ارحمهما كما ربياني صغيرا ( 24 ) )
.
.
.
تاكد ان مفي قرارة نفسك ودك تدفع دين ابوك والترد د هدا الشيطان ووسوسته
ولو مادفعت دينه دحين ودحل السجن حيانبك ضميرك وتدفعه في النهايه
فكن سباق للخير
وادفع الوسوسه وانه ظلمك ادفعها بحق الوالدين هو ظلمك وجزاه عند ربه فلاتظلمه انت قال الله ولاتقل لهما اف مابالك يدخل السجن وانت بمقدورك تخلصه ترى انت ومالك لابوك
بارك الله فيك وجعلها انطلاقه خير وتصالح بينكم
__________________
لاتدع غيرك يلون حياتك فقد لايحمل بيده سوى قلم اسود
مثل ما قالوا ,,, انسى انه ابوك ,, واعتبره تفريج كربه من كرب المسلم
وانت يوم بتدفع عنه تراك تجمع حسنآت حق نفسك ورمضان ع الابواب صفي قلبك ياخوي
الله يسعدك
__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم