السلام عليكم و رحمة الله و بركاته

لا حول ولا قوة الا بالله

عندي استشارة للاخوة و الاخوات الكرام

القصة وما فيها انه الوالد سابقاً كان من اصحاب العقار و الاموال لكن سبحان مبدل الاحوال

عليه مطالبة مبلغ كبير جداً و موعده على الابواب

انا على اطلاع بالموضوع بالكامل لكن ما اعرته اي اهتمام

الحمد لله وضعي المادي ممتاز و اعتبر الوحيد في العائلة حالياً ولله الحمد و اقدر اساعده لكن كل ما افكر فيه اتذكر ظلمه لنا و تفرقيه بين اخواني و اكثر واحد اتضرر من بينهم كان انا

و منفصل عن اهلي للسبب نفسه اللي هو الظلم و انا صغير

قبل فترة اندق علي الباب و الا اخوي الكبير المطوع و معاه جميع المطاوعة من جماعتنا و اعرفهم واحد واحد

ذكروني بالله و ذكروني بحقوق الوالدين و قالوا لي انه ابوي احد ابواب الجنة ومن يوم قالوها عرفت ايش المطلوب مني

قلت لهم ان شاء الله يصير خير لكن نفسي تحترق من الداخل

والله اني اعرف انه في الوقت الحالي ماله الا الله ثم انا اللي يقدر يحل مشاكله بإذن الله

الشيك بإسمه في يدي لكن تجيني افكار شيطانيه تقولي قطعه و خليه يتمرمط في المحاكم زي ما ذقت المر منه و انا صغير و خليك منه

والله انا حيران في امري هل هذا يعتبر من العقوق ولا اذيقه من نفس الكاس؟

الشيك في يدي و انا متردد لو شغلت السيارة ورحت له اليوم ولا بكرة مشاكله المادية تكون كلها انحلت

داخل على الله ثم عليكم يالطيبين انكم تفيدوني لاني والله لما اتذكر فعايله و انا صغير احزن و احقد و لما اشوفه اللحين و الشيب غطى راسه و لحيته و ضعف جسمه ابكي

اللي فيني كافيني