خواتي الغاليات من بعد طلاقي جلست افكر بحياتي وبكيت وصحت بقوة انة صار فيني كذا واتذكر الايام ومن بعد طلاقي صار عندي خوف من مستقبلي هل انا لتزوجت يستمر زواجي او يفشل مثل الاول وانا واللة ياخواتي مرتاحة عند اهلي بس زعلت على حالي احس اهلي صارو مايتحملون احد كلمة نفسي نفسي مخوفتني مرة خواتي الغاليات معكم اختكم الي اعتبر نفسي ضعيفة شخصية ومهزوزة من داخلي معكم مصونات ليش صرتي كذا يامصونات تلخبطت حياتك فوق تحت ليتني ماتزوجت ولا يصير فيني كذا بنات ايش اسوي بحياتي ماعرف كيف اعيش من بعد طلاقي وجهوني عمري الان صار 32سنة احس اني كبيرة ولا احد يفكر فيني اويناظرني بعد طلاقي وصرت ياخوات افكر اقول انا مانفع لشي ابد من ناحية بس طلاقي وكلام طليقي اثر فيني تصدقن يقول فيني يامعقدة كرهتين بالزواج ويقول انا مو اجتماعية تاثرت بالكلام لهالدرجة انا مالي حظ بالدنيا تفاعلو معي ياخوات ............

السلام عليكم
اختي الكريمة ماحدث الآن انك حصلتي على الطلاق وانتهى الامر لاتنظري للخلف خططي لحياتك من جديد:
1- اذا لم تكملي دراستك يمكنك الآن العودة للدراسة وبدأ حياتك من جديد
2- ابحثي عن عمل اي عمل
3- سوف يكون لك راتب من الضمان الاجتماعي استغليه بما ينفعك سواء بمشروع او الحصول على دورات تدريبية
4- اذهبي لمستشار اسري واطلبي جلسات التنويم الايحائي لانه بهذه الجلسات تستطيعي التخلص من الماضي وجروحه - اذا كنتي في جده انصحك بالدكتور حسن الاهدل)انا شخصيا ذهبت اليه واستفدت كثيرا والحمد لله .

[اتمنى ان تكون هذه الخطوه الأولى لخلق انسانه جديدة واثقة من نفسها ومعتزه بذاتها لاتبكي على الماضي لانه لن يعود من يعيش في الماضي لايجني سوى المرض والالم .
اعرف حبيبتي ان الامر صعب عليك بعض الشئ . انصحك بالاستعانه بالله وبمن حولك من اهلك واحبابك وانا واثقة باذن سوف نشهد ولادة انسانه جديدة ناجحة طموحة .
وفقك الله ورعاك ويسر امرك .

هذآ احسساس ما بعد الطلآق شي طبيعي ..
تحسسين نفسك محطمة وكآرهه حيآتك ومآلك هدف ونضرة وكلآم النآس وووالخ ......
آشيآء كثير تحسسين فيهآ ..
هذا قضاء الله وقدره .. قولي الحمدلله وخيره ان الله فرقكم ..
عقلك البآطني عبيه ايجآبيآت راح تلقين نفسك تلقآئيآ متفآئله ومآهمك كلآم آحد ..
والاستغفآر والصدقه لهآ آثر عجججيب . وادعي ان الله يجبر كسرك ويبدل آحزآنك آفرآح ..
اول 5 شهور تكون صعبه ششوي .. لكن تستمر الحيآه ..
ومبآرك عليك قدوم اششهر الكريم آسستغليه زين ربي يسسعدك ..

السلام عليكم
حياااتي والله دا شي طبيعي
بديت المووضوع تتعبي ونفسيه تكوون تعباانه كم شهر يرجع كل شي طبيعي
انا بديت موضوعي صاارت بس ابكي وتحسس من كل شي بس بعد فترره رجعت زي زمان
بقولك شي ياااعسل الشيطاان لا يوسوس لكي اهلك هما اهلك متغيرو بس دا الشيطان
اماا مسالت انك كبيره وين ثقتك بالله ياااعسل تفائله عندن رب مينسي احد
ربي يعوووضك ويرريح بالك يااااااااااااااااااااارب

__________________
لإإًلـه إًلإ إًنت سبحـآنـگ إًنـيَ گنـت من إًلظآلمينَ
الْلَّهُمَّ انَّ رُفِعَتْ لَكَ يدَيِيّ أَدْعُوْكَ بِحَاجَةٍ .فَلَا تَرُدَّ يَدِيَ بِلَا حَاجَتِيْ وَانْتَ الْكَرِيْمِ
الْلَّهُمَّ إِرْزُقْنِيْ مِنَ الْرِّزْقِ الْحَلَالِ مايُغنِيْنِيّ عَنْ سِوَاكَ اللهم اجبر كسري وعوضني بالزوج الصالح

ماعليكي اعتبريها تجربه وكانت نتيجتها سيئه وماراح تخليها تأثر عليكي بالعكس خليها دافع لكي حتى تكوني أفضل مما سبق فإذا كنتي انطوائيه اخرجي واجتمعي مع الناس وان شاء الله ربي يرزقك باللي أحسن منوو

خلاص حبيبتي
شي صار وانتهى
لاتفكرين فيه
عيشي حياتك وشوفي مستقبلك

مصونات يا غالية
عمرك صدقيني هو احلا عمر لا تصدقين اللي يقول كبرتي او مادري كيف
وبعدين خير يا طير لو قالك يا معقدة هو بعد معقد وما يستاهلك .. عادي انا يقولون لي معقدة وعنيدة وأنانية وماعندي سالفة وخبلة وكل شيء بس ما جبت خبرهم
ومع الوقت صرت استمتع لما اسمعها واحس بلذة
لا يهمك احد وانا اختك
بتقولين كيف؟
انا اقولك وسبق قلت لك
اشغلي نفسك اما بعمل او دراسة او حتى شغل البيت اذا تحبين الخياطة خيطي اذا تحبين الرسم ارسمي اذا تحبين الرقص ارقصي (يازينه لو هبال يوسع الصدر هههه) سولفي واطلعي
كوني لك صداقات العبي بشكل صبغة قصة ربي قطاوة و أرانب اسألي الفردوس غايتي لانها جيدة بمثل هذي الامور

مصونات تصدقين موضوعك ذكرني بشيء
ودي احنا بنات المنتدى نجتمع بكوفي او شيء
والله جادة انا ..
خصوصا معك ومع
الفردوس غايتي
وعيوني تحكيني
وسيدة الموقف
وبنت الحكمي
وبيتا
وجمانة
وباقي البنات

وش قلتوا؟
<--- تراها بكامل قواها العقلية

ثقي بالله وأن ماحصل لك هو قضاء وقدر .. انتبهي تخلين كلمت (لو- ياليت )على لسانك لانها تفتح عمل الشيطان .. وتذكري (خُلق الإنسان في كبد).. الحياة مليئة بالمشاكل بس لو نجلس نبحث ونفكر فيها كان ماعشنا .. لازم تحطين لك مجموعة من الأهداف كنتي تتمنين تحققينها وغيري روتين حياتك بشكل نهائي..
اولها:
1) ضعي لك وقت للذكر وقراءة القرآن واستقطعي وقت لقرآءة الرقية الشرعية يمكن اللي صار لك بسبب حسد او سحر او عين لان بعضهم يكونوا غير اجتماعيين من هالسبب ولكن لا تضعي انه ممكن يكون فيك شيء من المذكور ولكن توكلي على الله .
2) غيري من نفسك ..قصي شعرك ..غيري تسريحة شعرك المعتادة .. تعلمي فنون المكياج الحديثة عشان تغيري من اللوك المعروف وملابس البيت كذلك اختاري الوان فاتحة وبجايم جديده علشان اذا احد شافك من العائلة يشاهد الفرق وراح تحسين نفسك في تجدد .
3) اذا ممكن تغيير الوان الفراش واختاري الوان زاهية ومليئة بالورود.
4) سجلي بنادي رياضي عشان الجو الاجتماعي والاختلاط بالناس يساعدك بالخروج من الهموم والضيق الداخلي.
5) اهتمي بعمل خيري .. مثل الصدقة لو بريال واحد بنية الخروج من الضيق والهم .. مساعدة الأهل بالمنزل وتغيير ترتيب المنزل .
6) اهتمي بمواهبك المدفونة ولا تستصغريها حتى لو كانت بسيطة.
7) حاولي بالتقدم الى عمل يناسب امكانياتك العلمية .
8) فرغي همومك بورقة او دفتر خاص .. اكتبي خواطر ..اشعار..


والله يعوضك خير .. ولا تنسين ان ربك موجود بثي همومك له لأنه مافي احد يقدر يساعدك ويسمع لك ويشفق عليك ويرحم حالك الاّ الرحمن الرحيم

والله يفرج همك

رائعة الفكرة ان اولكم

اختي الكريمه

السلام عليكم ورحمة الله وبركاته


الضروف الذي تمرين فيه .. هي اصعب الضروف في الحياة ولا احد ينكرها الا جـــاهــــل ، ولاكن سرعان ماتختفي هذه الالم النفسية بعد مرور الوقت لاسيما هذه الايام تكثر الزواجات فترجع ذاكرتك الي الوراء وتتذكرين احلا اوقاتك نعم ، ولاكن السؤال

هل هذا سيختفي ام لاء ؟
الجواب نعم اذا اقمتي هذا الشيء بنفسك يعني بصوره ادق اذا اعتمدتي علي ربك في تصريف الامور وتقلب الاحوال ثم اعنتي نفسك بدون مساعدة احد ، يعني اتكلي علي الله واعيني نفسك بنفسك.

الامر الاهم :

اعوذ بالله من الشيطان الرجيم ( وعسى ان تكرهوا شيئا وهو خيراً لكم * وعسى ان تحبوا شيئا وهو شراً لكم " والله يعلم وانتم لاتعلمون " )

هذه الايه الكريمة السابقه تامليها وفسريها بالكتب تفسيراً دقيقا ستجدين انكي في نعمه وليس طلاق المرء سعادة ولاكن اذا صرف الامور رب العالمين فانتي لاتعلمين علي اي شيء تتصرف امورك لذالك لاتجزعي من امور الدنيا الله سبحانه وتعالي ارحم بنفسك من نفسك والله مدبر الامور كلها .

باللنسبة لاهلك :

اختي يارعاك الله الاهل لاينبذون ابنتهم مهما تصرفت تصرف خاطيء فكيف اذا تطلقت وهي امور كونية وتوفيق ، فلا تجلعي للشيطان عليك " درب "


رسالتي الاخير :

اسال الله ان يرزقني واياك وكل مسلم من واسع فضله وان يصرف عنا كل مايسوء او يكدر صفوا حياتنا واهللنا واحبابنا وجميع المسلمين.

والسلام عليكم ورحمة الله وبركاته

__________________

When you're out of my dreams
I will be in the best case