السلام عليكم

عندي سوؤال للبنوتات اتمنى تجاوبوني عليه

الحين اذا خطبك واحد وهو مطلق بس بدون دخول يعني تملك وطلق ايش راح تكون ردة فعلك
يعني وين راح يروح تفكيرك

مثلا : افكر ليه اتطلق اكيد عصبي اكيد سمعته مو كويسه ولا يكون اسلوبه احسن في التعامل او مر بتجربه وماراح يكررها


كل وحده تتخيل انه جالها عريس بس انه تملك وماتوفق وش راح تفكر فيه وايش راح يكون ردها

اتمنى تتحفووني بردودكم

وعليكم السلام ورحمة الله وبركاته ..
اذا قدر الله و جاني مطلق بتفحصه زين ما زين بالأسئلة و اعرف السبب الرئيسي
مو الاجوبة التقليدية مافي تفاهم ومافي نصيب و عاداتنا مختلفة
..
بس اللي بيجي في بالي بصراحه انه انسان متسرع واكيد عصبي
يعني ما كثير أفكر بالمطلق ادور الاسباب عشان ارفضه
:

وش مناسبة الموضوع .. إنرفضت من تاني

__________________

‏
الوعي هو الملاذ ..

أستغفر الله العظيم ؛
( الفردوس غايتي )

طيب انا بتخيل
بصراحة بقول في نفسي
راح اوسوس اكيد ليش طلق؟ طيب يمكن فيه كذا؟ طيب ليش ؟؟؟ ومليون سؤال بيجي في بالي
وإذا سالنا و الناس يمدحونه انه انسان محترم وسمعته طيبة راح اقتنع
والشور لابوية في الاخير إذا وافق راح اوافق وانا مغمضة

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

بصَرآحَة هُو مافي مشكلة انه يخطبني مثلآ واحد كان خآطب ومملك قبل

لكن المشكلة لييش ؟؟!! ليش ماتمت الخطوبة

الأكيد رح أسأل حآلي اكيد في شي غلط اما عنده او عند البنت

بس رح اتوقع مثلا انه فيه طبع سئ والبنت ما قدرت تتحمله

بس احنا عناآ عآدة انه بنسأل مثلآ الجيرآن او الاقارب للعريس عن اطباعه وليش ما كمل في خطوبته الاولى

__________________

بصراحه لازم فحص وتحقيق زين ما زين
لانه انا مريت بالتجربه هذي ماحب اعيد غلطي و خاصه كان طليقي انسان بسهوله طلق

تصدق من سالفتي ومن الي اعرفه حولي الي يطلق مايكمل اسبوع الا ملك وشهرين بالكثير يتزوج انت شكلك خالفت هالقاعده

عموما الله يكتبك لك وللجميع الخير يارب

مايخفى عليك كثير قصص مرت في المنتدى ويكون سببها الزوجه او تسرع من الزوج وعدم فهم للزوجه وقلة خبره في التعامل مع الزوجه وووتكرهه ويطلقها مثل حلاتي وهل راح تصدقين انه تاأدب وماراح يكررها معاك ؟ وايش تقصدين ب "يعني ما كثير أفكر بالمطلق ادور الاسباب عشان ارفضه " ؟؟

وجواب على سوؤالك لا لسا الحمدلله ماانرفست تاني بس افكر في اللي خطبتها قبل ورفضت ليه رفضت
هل معقول ان السبب يكون اني تملكت من قبل
والحمدلله مافيني عيب خلقي ولانيب شين بس توافيق من الله

ربي يوفقك ويرزقك آلزوجة آلصآلحة آللي آذآ نظرت آليهآ سرتك
آلله يسعدك بحيآتك

أمممممم
أول شيء بسأل اذا مطلق ولا مخلوع
وهل الامور بينهم وصلت لمحاكم ولا طلق من نفسه وبهدوء
وإن حصل وكاان متفهم وواثق من نفسه باطلب اشوف صك الطلاق
هذي اول نقطة

طبعا اذا كان مخلوع على طول اوت
هذا دليل على انها هي اللي طلقته وليس هو , بالتالي يمكن يكون راغب فيها للان وهالأمر مايريحني + دليل على انه شخص كرامته ماتعني له الشيء الكثير والدليل قبوله أن يخلع من قبل زوجته كالحذاء ويسبغ عليه هالمسمى بدريهمات بخسه
ثاني شيء بسأل اذا الامور بينه وبين طليقته واصله للمحاكم أو لأ , اذا ايه بعد بقوله اوت , هذي دلاله على انه مشكلجي وراعي وجع راس ومهب ولد ناس
اذا تطمنت من هالنواحي , وكان الولد طلق قبل الدخول يعني يعتبر شاب بقراطيسه , وبرغبته وارادته وبكل هدوء
هنا برتاح نفسياً كثير وراح اسمع وجهه نظره بشكل مباشر
وبالعكس ممكن احترمه إذا كان طلقها لعدم التوافق الفكري مثلاً او لأنه ماحبها , أو لأنها سخيفة او سطحية
هذا دليل على قوة شخصيته وعلى انه انسان غير تبعي , حياته يرسمها بنفسه بإقتناع تام , ياتكون هي الحياة اللي يبيها يابلا
وأكيد دليل على انه رجال راقي وإنتقائي , مايبي حرمة والسلام , أو مايبي يتزوج عشان الزواج بحد ذاته او عشان الإشباع الجنسي
بقدر ماهي رغبة في حياة متكاملة مع إمراه ترضيه من كل النواحي
وأنا يعجبوني هالنوعية من الرجال
اممممم وش بعد
بنسأل عندها بعدها عادي , مثله مثل الاعزب
وبس
ببساطة تصرفاتنا تحمل تفاسير واضحة لشخصياتنا , بس شوية تركيز وذكاء ونعرف كل شيء

طيب هل راح تسألينه ليه تطلق ولا ماراح تفتحين الموضوع معاه

حلو بس لو قالوا لك ناس ان الخطاء كان منه هو وناس قالوا لك لا الولد ونعم والخطاء كان منها
هنا كيف بتتصرفين