السلام عليكم ورحمة الله وبركاته ,,,

حاب استشيركم أنا حاز بخاطري أن الوالده مضايجه أو بخاطرها شيء صوبي ,, ومب طايعه تظهره لي يمكن تراعي ظروفي المسكينه ,,, ولكني متأكد من ذلك ,,, اليوم مثلاً كنت أرمسها بتليفون كان كلامها مختصر جداً ,,, فيه نبرة عتاب لعدم ذهابي لها من كم يوم وخاصةً انه برمضان أغلب أخواني وعيالهم يجتمعون عندها ,,,

عرضت عليها فكرة السفر للعمره ما طاعت وتعذرت انه زحمه ,,, طبعاً حاز بخاطرها اني من دخل رمضان ما عزمتها بيتي لا هي ولا احد من أخواني ,,

ودي بطريقه أكسب رضاها وخاصةً بالشهر هذا مافيني يظل بخاطرها شيء ,,, فكرت اعزمها هي والوالد فقط ولكن متردد

__________________

الحمد لله على كل حال

فكرة حلوة جدا .. ليه متردد ؟

__________________

اكون صريح وياج خوفي من ردة فعل بعض الناس ,, ومافيني اكون عازمهم بيتي ويستوي أي موقف يكون فيه تقليل من احترامهم حتى لو بطريقه غير مباشره هذا اللي مرددني ,,,,

يمكن الوالده تمشي أي غلط يستوي ,,, لكن الوالد مستحيل بيغسل شراعنا جميع

عشان جي مترردد

__________________

الحمد لله على كل حال

اجلس وياها وتفاهم معها .. انت تعرف شنو ممكن تتصرف ونبهها . باقناع ولين الله يرضى عليك ..
واتفق معها على خطوات الضيافة وشنو مفروض هي تتصرف قدامهم .. وانه أي شي ما يعجبها تكتمه وتأجل التصرف فيه لغاية ما يروحوا الضيوف وتقعد معاك وتتفاهموا على الغلط اللي صار .

هذا شيء يمر فيه كل الأزواج ويتفقوا مع بعض كيف يكون التصرف الأسلم لحفظ ماء الوجة قدام الناس مقابل يكون في تفاهم وانصات بعد خروجهم

__________________

امور ضيافه والله مالها علاقه فيها ,,, هناك من يرتبها ويقوم فيها حتى صب القهوه مالها علاقه فيه ,,, هي ما عليها غير تيلس وياهم وتسولف وياهم فقط غير جي مابي منها ,,, ولكن مين يسمع

ولكن بنجرب وبنعزم على قولتج عقب ما نتفاهم ,,, يمكن هاي الشيء يخلي الوالده تهدي من صوبي

__________________

الحمد لله على كل حال

تسمع ان شاء الله .. انت بس استعمل معها وسائل التواصل اللي هي اللسان والعيون وانا من عندي بكلمها ان شاء الله .. لجين عاقلة وقالت أكثر من مرة انها تحب والدتك وتحترمها وما أظن بتقصر معها وهي ببيتها

وان شاء الله تمشي الأمور متل ما تحب وتروحوا بعد كم يوم تزور والدتك مع لجين وهي بتسلم وتقعد معهم ان شاء الله

ان شاء الله .. الله يرضي قلبها عليك ويطيب خاطرك .. توكل على الله وما تنسى الأذكار

بس كلم لجين قبل تعزم .. وقول لها بعزم الاهل وش رايك ؟ وشنو نرتب أكل وضيافة ؟ وشنو عندك أفكار يا لجين تخلينا نكسب رضاهم عسى ربنا يوفقنا بحسنة رضاهم ؟
تعامل معها كزوجة وانت تشوف اللي يطيب خاطرك باذن الله

__________________