السلام عليكم ورحمة الله وبركاته
كيفكم اخواني اخواتي
الله يوفقكم وييسر اموركم يارب
فيه هنا مواضيع كثيره انو الخطيب يبي اهتمام من خطيبته ويبي حب
واللي متضايق من طلبات خطيبته وامووور كثيره
انا موضوعي مدري كيف صاير فيه كم موضوع كتبته
وتدرون اني كنت مخطوبه كم سنه وتملكت وراح اتم السنه واحنا مخطوبين
وخطيبي كان بالخطبه مايقصر بالسؤال عني وبداية الملكة طاير فيني
صحيح فيه امور بهذلتنا بس الحمدالله عدت
طبعا تملكنا وخطيبي تعب وانا كتبت انو اكتشف انو فيه دوالي وهيك وعدت هالايام
وثم يقول قلبه والحين اكتشف انو فيه جرثومه
واذا نام جته توتر وماينام
واللي نرفزني قول من يوم تملكنا وانا تجيني الامراض
واللي قهر يحط كل شي فوق راسي ولا يعترف بخطاه
وصار مهملني بقوووه
اذا سويت نفس مايسوي ينجن ويسوي لي سالفه
المهم يقول انا مومرتاح وماراح ارتاح وشكلي بموت وانا كذا وبنتهي ومن هالحكي كله
بالله هذا حكي واحد متملك
وربي اذا كلمني يكلمني بدون نفس ولا يبيني ابعد
واذا قالي انا تعبان شوفي لي حل وكذا
قلت له حبيبي روح سو تحليل شامل خلنا نطمن عليك
ولا ينفذ هذا كله
انا ابيه يرجع مثل قبل بتقولون طنشيه خطيبي ماينفع معاه كذا ابدا
احس انه مويمي مرررررررره تغير اي شي اسويه له مايشوفه
بس يظلمني ويهاوش ويعاتب هذي شغلته
وربي مدري وش اللي قالب حاله
يمكن قرب الزواج وتوتر بس انا والله
مو مثقله عليه بشي
وزواج الحريم انا قايمه فيه كله
واصلا لا شقق راح يدور ولا حجز سفر ولا سوى شي من هذا كله
طول وقته من بعد العشا مع اخوياه يرجع 3 ويكلمني ونتم ساكتين
صرت اتحاشي كل شي
بالله في ايش مشغول
ترى زواجي باقي عليه شهرين وهو ولا سوى شي من الامور الاساسية
ودي يخليني اتكلم عن حياتنا عن امورنا
ودي احس اني جد زوجته
ودي احس انه مبسوط بزواجنا ومهتم
لا تقولون مغصوب علي لان هو اللي اختارني وخطبني وهو طالب
لانه كان يبيني
وضحيت وهو ضحي بالاخير كل شي تغير
وربي احس اني صرت نفسيه
تخيلوا صرت عصبيه ومررره نحفت لدرجة ارمي جوالي
والله اني ماضغطت عليه شي وربي اني مااضغطت
بداية الملكة كل شخص يجيب هدية لخطيبته جوال شريحه
سالني اذا ابي جوال ولا لا وحده في مكاني وش بترد
قلت له رقمي ماراح اغيره وجوالي زين
من شاور ماعطي يعني
وجوالي موزين وويقول اختاري الجهاز اللي تبينه وارسليه لي اجيبه لك
انا يوم جبت له ماشاورته ع طول رحت وعطيته اللي يبيه
والله اني مااضغط عليه بشي اي شي منه لو انه شي عادي احطه شي واو
واقوله ماتقصر حبيبي ومن هالحكي
انا مااهتميت بالهدايه بس ابين لكم اني مااضغطت عليه بشي
وزواج الرجال اهلي كانوا بيسونه بس هو يبي يحطه قريب يم بيتهم وهيك
والله حالتي زفت
مو متحمله هالشي ولا متحمله اساليبه
شنو اسوي معاه ودي اعرف شنو اللي مغيره
اذا قلت له كذا
يقول انتي السبب في ايش انا السبب
هو يبي اذا غلط علي ماازعل يعني اطنش مشاعري
والله العظيم مره قال لي انو جاب لي شبكه وهيك بمعني انه من علي فيها
بعدها اخذت موقف وقلت له حبيبي مو بس انت اللي تقدم شبكه لخطيبتك كل شخص يقدم
اخوي قدم لخطيبته واختي زوجها قدم لها
وكل الناس تقوم فيها
وهو عارفني اني البس الاطقم من قبل مااخذه وعارف طبيعتي
وربي تصرفاته غريبه غريبه