شوفتي بعد العيد.. افيدوني
ابغى استشيركم بشغله زي ماهو واضح من الموضوع انو شوفتي بعد العيد ان شاء الله لكن المختلف بالموضوع ان الشخص اللي متفدم ليه متزوج و هذا شي مخليني في حيره ما اعرف ايش البس او ايش اقول لما ادخل احس الموضوع مختلف لانه الرجل عندو مرأه غيري و دايما يجي ببالي انو اول ما يشوفني راح يقارن بيني و بينها و احس انو المتزوج صار عندو خبره بلبس البنات و في اشاء تعجبه و اشياء ما تعجبه و اكيد في اشياء معينه بيبحث عنها والا لما طلب يتزوج مره ثانيه انا الحمدلله جميله و مشهودلي بالذوق و حسن الاختيار بس محتاره اخاف اكشخ بزياده يظن اني بحاول الفت انتباهه و استجدي اعجابه و اخاف ادخل عاديه مره يقوم ما يلحظني و يحس اني ما افرق عن زوجته كتير انا ما اعرفها بسلامتها بس اللي اعرفه انها من نفس سني 26 و عندها منو طفلين هي جامعيه و انا جامعيه وموظفه و الحمدلله انا ما افكر ابدا اذا حصل نصيب اني اعاديها او اغار منها بالعكس نفسي تكون علاقتنا حلوه و بحدود معينه بس احيان من كثر التفكير بالموضوع و خوفي ان بعد الزواج زوجته الاولى تنتهز فرصة انشغالي بعملي و تستحوذ عليه هيا فيهملني و او اتطلق و يفشل زواجنا هذا الشي اوقات بخليني افكر ارفضه و اوقف الموضوع اكيد بتقولو لي استخيري استخرت الحمدلله و حستخير اكثر ان شاء الله بس من وقت ما اتقدم لخطبتي وانا حاسه اني مدفوعه في دا الموضوع دفع من غير حول مني ولا قوه مع انو جواتي مخاوف كتير
03-08-2012, 03:29 AM
ضوابط المشاركة
العرض الشجري