السلام عليكم ورحمة الله وبركاته

انا جديدة هنا بالمنتدى
واللي خلاني اسجل الحقيقه هو اللي شفته من تعاون الاعضاء

انا عندي مشكله انا اعتبرها كبيرة وجذورها بدأت من 15 سنه زواج

زوجي مع الاسف انسان غير مبالي بأحد همه في الحياة 3 اشياء الاكل والنوم والجنس
ما عنده اي استعداد يتحمل اي مسؤوليه حتى النقاش البسيط في امور بسيطه يتهرب منه
انسان مزاجي عنيد وما عنده اي طموح
نعم فيه حسنه وهو انه كريم بالمال
خذي مالي بس فكيني من اي مسؤوليه
لاحظتها عليه من شهر العسل ,, مسافرين لاحجز فندق ولا رتب رحله زي الناس ولا سوا شي
يمشي بالبركه وراح شهر العسل كله نوم واكل لا طلعنا لا تمشينا ما سوينا اي شي
اذا مرضت يتهرب
اذا مرض احد من العيال يتهرب
لنا 15 سنه في شقه مع 5 اطفال في غرفتين فقط مع انه غني واللي اقل منه عندهم فلل
ببساطه مايبي يسوي شي
جرس الشقه خربان من 5 سنوات وهو يدخل ويطلع وياكل وينام وما يحرك ساكن
واذا قلت له شي قال انتي زنانه وطلع من البيت
جربت كل شي معه .. انا لي 15 سنه مو سنه والا سنتين .. جربت كللللل شي ادلعه واكلمه بالزين و جربت الحزم جربت التشجيع جربت اني انا اصير الرجال واسوي كل شي بنفسي لكن بالاخير صار يعتمد علي بكل شيييي لدرجة انه ما يقوم يجيب خبز واذا طلبته منه يقول انتي روحي جيبي تعببببت جداااااا
كل انسان ربي خلقه لوظيفة معينه
المرأة ما خلقها ربي تركب لمبات وتكلم السباك وتفحص الكهرباء وتقاول مقاولين
المرأة خلقها ربي ترعى بيتها وعيالها وتضل مهما كبرت تحت ظل رجل
روتينه هالايام بهالشكل يطلع للعمل يرجع ياكل وينام للساعه 12 بالليل ويصحى ويجلس على النت الين الفجر
كللللللللللللل يوم على هالحال
طلعات مافيه , كلام مافيه , تصليح بالبيت مستحيييييييل
اللي قلته لكم هذا شي بسييييط من اللي حاصل

انا نفسي بدأت تعز علي .. ضاع شبابي وضاع عمري مع انسان جاف بارد
مثلي مثل الحجر عنده

انا عارفه اني لما اتطلق فرصتي في الزواج مره ثانيه ضعيفه بس على الاقل ارتاح من حررررق الاعصااااااب