سبحان الله اقرى موضوعي وانا ناسيه للامانة جزئياته لكن اقولك شكرا جميعا لكل اللي رد علي والله يوفقكم
انا الان ماتغيرت كثير عن وضعي قبل لازلت ارفض ولكن الان صاار الرفض بتأني يعني يكون فيه سبب للرفض راحت مرحلة الخووف والهلع مع اي خطبة صار احساس يجي خطيب يفرحني اللهم لك الحمد وللانه ماتزوجت
بدأت اسيطر بفضل الله وحده على حالة الخووف يجيني خووف بس مو مثل قبل
اللي كنت اشتكي منه مابين عامل نفسي ورقية
انا في الموضوع نفسه تكلمت اني رحت لطبيب نفسي وكلمت دكتور طبيب اسره الله ينور له والحمدلله عندي ثقافه عالية ومن ناحية نفسية خللي فيها اني من الشخصية A اللي تحب كل شيء يكون امتياز ونمطي عملي تحليلي يعني انسااانه جديه جدا بالعمل وافكر بتحليل الاشياااء وملتزمة وعند كلمتي يمكن تكون عيب يمكن تكون ميزه لكن اقول اللهم لك الحمد
من ناحية شرعية ورقية وعلاج بالقران ذكرت لكم لما كنت ارقي نفسي كيف كنت اتعب ورحت لراقي شرعي رقاااني وتعبت كثيرررررررررررر عنده والراقي نفسه استصعبت عليه حالتي صار يقوولي ما اعرف ايش اللي فيك سحر عين مس تعبك غريب ويتجدد قالي اللي عانتك شفتيها في فترة علاجك
وصرت اشووف احلام مبشرة واحلام تعلمني مين اللي عانتني وصرت اخذ اثرها قد ما اقدر العين احيانا تنشط لدرجة متعبة جدا يلزم معها ادخل المستشفى
ومع الرقية والتعب ودوخت المستشفيات طلع عندي مرض وليعذرني الجميع عن ذكره لكن طلع عندي مرض نادر للامانه اطباء قالوا خل تراجع رقاه مالها بالطب علاج ومستمره على الرقية واخذت زيت وماي وارقي واسمع رقية تجيني فترات تحسن لكن من احضر زواجات ومناسبات اتعب وتنتكس حالتي والراقي قالي يابنتي االعين اللي جاتك جمر تحملي واصبري والحمدلله صاابرة ومتحملة لكن تعبت نفسيا من المستشفيات وانواع العلاجات والابر دخت كثيررررررررررر والامر لله والحمد له على قضائه الوظائف تركت اخر وظيفة قبل كم شهر رغم حبي الشديد لها الا اني تعبت
الان تعبي نفسي مو وضعي الصحي ماعدت مثل اول صرت بصعوبة اسووي الاشياء يقتلني احساس العجز لي كم سنه ما اقدر اسجد الان الحمدلله اقدر اسجد لكن حركات الصلاة صعبة الوقفة تصعب علي اصلي جالسه بس وقت الركوع والسجود اقدر اقوم تنظيف البيت وشغله ما اقدر عليه اسووي على البطيء كل شيء صار صعب حتى الكتابة الان اكتب ذبحني ظهري من الالم صرت من التعب كثيرة نوووم انواع واشكال الحبوب اخذها لدرجة مرهقتني الاطباء ملووا مني ومن تعبني يقولون لي وبعدين وش اسووي انا مريضة وادخل تنويم وابر ماهي سياحة دخول المستشفى لكن مرض و لكن مابيدي شيء الا اقول الحمدلله وربي ماراح يتركني
تقدم لي شاب قبل فترة اقل من مستوى بكثيررررررررررررر اقصد مستوى علمي ومستوى مادي مادية الله يعينه ويفرجها عليه عدم وانا حقيقة ابي اعيش مرفهه انا لاني مو موظفة حكومية رفضته ما ابي اظلمه ولا اظلم نفسي معاه انا محتاجة خدامه رفضته صديقاتي ضدي ليش رفضتيه اقولهم لو خطبكم قبلتوا قالوا لا بس انتي عارفه وضعك تالمت كثير بس قلت لاني عارفه وضعي يلزم رجال غير يتزوجني زوج يفهمني ويفهم ايش اللي صار لي ويفهم اني احتاج مساعده حقيقة اللي يشووفني مستحيل يعرف اني مريضة لاني اخبي حتى الالم اخبيه ولا ابينه واللي يشووفني يفتكرني متعااافية ويعلم الله حتى تحركاتي الم في الفترة الاخيرة من كم سنة صار همي وشغلي اشاغل اسعد المحتاجين افرحهم ارسم البسمه على وجيهم اساعدهم بحل مشاكلهم اساعدهم علميا وماديا حتى بالعلاج اساعدهم في توفيره وافررررررررح لما اشوفهم فرحانين ومبتسمين لكن حقيقة انا بذاااتي احتاج من يسااعدني احبس الدمعه واصبرها لاتنزل ربي بيفرجها
الان متعبني الالم شااد علي وخايفه ارجع تنويم كثيررررررررر تنومت والعلاجات مؤلمة واللي ابحث عن حله وبسال طبيب ورقاه فيه ليش لما اقرى القرااان اصدع ولما احاول احفظ القراان يعني احفظ صفحة صفحتين يتأثر نظري لدرجة اصير ما اقدر اشوووف ويلزم تدخل طبي واحس الم بكل جسمممي وكاني صاعده جبل ونازله منه ما كاني حافظه فقط صفحة او صفحتين من القران مع اني اشرب ماي بارد وماي مرقي واخذ حبتين بنادووول لكن ماتفيد لين اترك الحفظ يخف واذا اصريت احفظ اتنوم في المستشفى والله المستعااااان
طووولت عليكم كثيرررررررررر واشكركم كثير على قراية الموضوع للاخير وسامحووني على الاخطاء الاملائية اذا فيه
وربي يوفقكم ويبارك فيكم
__________________
قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء
التعديل الأخير تم بواسطة دلوعة ومنحوسة ; 31-08-2012 الساعة 12:33 AM