السلام عليكم ورحمة الله وبركاته....،
صارلي سنه متزوج ساكن في بيت أهلي 6 شهور زوجتي عندي و6 شهور زوجتي عند
أهلها بسبب خلافات عائليه وأنا صاحب القرار هذا من كثر ما تعبت نفسيا بصراحه
فرقتهم الى أن الاقي حل مع المشكله أنا من زمان ودي في سكن خاص بس الظروف حاليا
صعبه بسبب أمور ماليه ودي أضغط على نفسي بس زوجتي تمنعني
لأنها عارفه الوضع......،
ماأبي أنهي علاقتي بلحظة غضب مع زوجتي وولدي اللي جاي بالطريق انشاء الله....،
في ظرف السنه اللي مرت صارت في شراره بين الأهل وزوجتي من أمور المناسبات
والعزايم وأمور الحريم هذه والده هذه حامل أنتهى الاتصال بينهم ماقامو يوصلون
بعضهم البعض وكل واحد يحمل الطرف الثاني ويقوله أنت الغلطان والي الأن الأمور
كل مالها تصير أصعب حاولت أهدي وأصلح الأمور بس فشلت بسبب عنادهم.......،
والمشكله الموقف اللي أنا في الحين جاء عن أسباب تافهه وسخيفه ......مثال.......
أنا أحلى منك مكياجي أحلى ملابسي أحلى من ملابسك .......الخ
يا جماعه يمكن موضوعي سخيف أو مجرد كلام فاضي أنا ما أدري
أبي أقول اللي في قلبي أبي أسولف هل أنا على صح أم خطأ
الطرفين لما أشوفهم أصير أحسن واحد في العالم لاكن من وراي الله أعلم
والمشكله أن كل واحد يتحمل غلط ..............،
هل عيب أن الواحد يعترف بالخطأ ويقول أنا أسف ... الله المستعان