السلام عليكم ورحمة الله وبركاته

مادري كيف ابدا بطرح مشكلتي اللي ممكن بنظر الجميع انها صغيره لكنها بنظري كبيره لانها بدت تتطور

شوي شوي

مشكلتي مع زوجي هو ولد عمي في البدايه ايام الملكة ماكان يهديني هدايا بس بشوفة الملكةاو يحسسني بانوثتي تحت عباره هذي سخافات ومو لازم مالها داعي
وانا كنت اسكت بدافع الخجل والحياء
بعد الزواج لما كنت اطلب منه طلب يجلس يقول لا ماله داعي ومدري ايش ومن الكلام هذا
حتى يوم اني شفت مافيه فايدة منه ومستحيل يهديني صرت انا اهديه عشان عالاقل يردلي الهديه
وبعد مافيه فايدة من هالاسلوب
رحت لاسلوب الشحاذه صرت اتشحذة الهديه حتى ازعل باليوم واليومين عشان يهديني مع العلم انه تكون بمناسبه مو من دون سبب ..

هذي مشكله المشكلة الثانيه مايسمع كلامي ابد كل شئ اقوله انا غلط ومو صحيح وبمعنى اقرب ماعندي سالفه وما افهم ولما احد من اهله يقول نفس كلامس يسمعه ويمشي عليه وانا لا وانا صارحته بهالشي وكان رده الصمت ؟؟؟
امه وخواته شي مقدس وياويلي ان قلت شي عنهم وكلامهم ومشورتهم هم صح وانا غلط
لبسهم زين وانتي لا ماتعرفين تلبسين
هالشي ماشي على اخوانه وامه وابوه

الشي الثالث انه يبيني افتح له قلبي وهو ساكت مايقول شي ماعرف عن شغله شي ولا عن اهله
ولا عن ربعه ولا عنه هو بالذات غامض لاقصى درجة
وانا لما اصير مثل اسلوبه يجلس يهاوشني
وصارحته بعد لكن بدون جدوى

تطور الموضوع لشي اعظم لما نتهاوش صار يهددني بالطرد من البيت وصار يسبني ويسب اهلي
هددني فوق عشر مرات وكلمت امه وتعدل ورجع يقولها باسلوب ثاني
غير الكلام اللي موزين كولي ,,,,, ضفي وجهك , انقلعي , ويلعني , واحيانا يضربني ضرب الاهانه
مو الضرب الضرب يعني
اخر مره قبل اسبوع بالضبط تهاوشنا وكنت ما ارد عليه وهو معصب عشان ما تكبر المشكله صار يسبني ويشتمني بكلام جارح
وبطرف الصينيه ينغزها بكتفي عشان ارد عليه ,,,
زعلت وكتمت وصار يتكلم معي كانه ماصار شي وانا اجاوبه لكن من دون نفس
قالي تعالي وش فيك المهم يوم صارحته
قالي انا لما اشوف اختي وزوجها اقول كيف انا وياك مع بعض للحين
لو بنتنا موموجوده كان تصرفت تصرف ثاني
وهددني بالزواج الثاني بعد وقالي ياويلك اذا رجعت للبيت وانتي عابسه وجهك

بعدين سكت ولا قلت شي وصرت عادي معه اضحك وانا كااتمه هالشي
واحس انه للحين مجروحه من كلامه وقاهرني هو واهانته لي كل مره

فمادري كيف اتصرف معه احيانا اندم اني تسرعت بالحمل واحيانا اني تسرعت باختياري له
غير كذا احس الكلام معه مافيه فايدة واكثر من مره ابي اتركه بس افكر فبنتي قبل قراري

فتكفوون جاوبوني الله يخليكم عطوني رايكم ....