السلام عليكم..

ترددت كثير بطرح تسآؤلي..ولكن كثُرت التعليقات الساخره حولي من باب المزاح فـأثر هذا في نفسي كثيراً..

حقيقة محرجة كثيراً بطرح مايدور بِ عُمق تفكيري وبنفس الوقت احتاج لشيئين أولها اخراج قليل من كثير يؤلمني وثانيها التوصل لمفهموم صحيح وأسلوب تعايش مع ما قدره الله لي..

بالمختصر أنا تزوجت وجلست عنده فترة أيام وتركته ورجعت له أيام اخرى وعدت لأهلي ولي الان شهور انتظر ورقة طلاقي..
ما ازعجني ان احداهن قد تعتبر نفسها صديقه لي بحكم علاقة اهلها ب أهلي منذ صغري الا انني لا اعتبرها الا ابنة صديقة والدتي..
الموهم بزيارة من الزيارات قالت لي على سبيل المزاح " اللي يجرب مايقدر يصبر " هي قالتها بمناسبة انها تخرج مع حبيبها وانا كنت اخوفها من الله واحذرها عاقبة امرها ولا اعلم لما رمت عليا تلك الجملة...لن أسيء الظن ولكنها جرحتني بجملتها.
وتتوالى المواقع من اخواتي وصديقاتي هن يمزحن لأنني انا التي تركته ولانهم يسمعون مني اوقات جمل اقولها مثل " أنا تعقدت من الزواج " و "بالله ايش نبغى من الزواج " و " انا ما راح اتزوج لا احد يجيب ليا عريس بعد كذا " والله يمكن انا صح تأزمت من هالزواج وتعامله ازمني نفسياً وصدمني بس بقرارة نفسي اعرف انه الخير ما زال موجود وانا اقول هالجمل بس علشان ما ابغى اشوف نظرة الشفقه بعيونهم<<كأني قلبت عامي بس مافيني اعيد اللي كتبته

معقول جملتهم صح !
تصدقوا أوقات اقول صح الانثى ماتصبر وبين ضميري وبين مشاعري ابكي واجيب الهم لنفسي..
واوقات اقول صدقاُ ايش ابغى من الزواج نصيبي وجربته خلاص كفايه..

لاتلوموني اذا ما عرفت ارتب افكاري انا انتظر ورقة طلاقي واسعى لها وكنت فرحانه ومرتاحه اني راح اتطلق وكنت ناويه اسوي حفله وافرح من قلب بس لما اليوم قلت نفسي ببوفيه مفتوح قالت امي بس كذا ! خلي ورقتك تجي وانا اسويلك احلا بوفيه .. كان المفروض افرح ما فرحت والان والله ما انتهيت من كتابة اللي بخاطري والدمعه متحجره بعيني..
طيب مو ذنبي انه هالانسان طلع سيء..
مو ذنبي انه نصيبي مكتوب لي من قبل اجي على هالدنيا ..
ليش كوني راح اتطلق اللي يحزن عليا واللي يتلقف واللي واللي لا وحتى كوني راح انحرف او لا يتنبأو لي

صح اللي جرب ما يصبر على قولهم !
صح لازم ابين للناس اني كرهت الرجال علشان مايحزنوا عليا !
صدقاً احتاج روشته للتعامل مع مجتمعي وللتأقلم مع الحالة الاجتماعية الجديده لانه صارت لي مواااقف كثير وكنت اتجاوزها بقوووه ظاهريه والحمدلله لكن داخلي صدق صدق صدق مكسور..اكيد مكسور ولا ايام مع واحد الله حسيبه بس حرمتني اختيار افضل لزوج المستقبل.