السلام عليكم

مادري وش أقول ولا ادري هل اللي سويته صح ولا خطأ

ولاحد يرد رد جارح رجاءً

انا كنت طالعه مع اهلي للسوق علشان العيد وانا في محل شفت طليقي الأول

الأول مو الثاني انا تطلقت مرتين

وانا الغلطانه لاني وافقت دون اقتناع بس علشان انسى طليقي الاول

وطليقي الثاني راعي خرابيط وماقدرنا نستمر وشريت حريتي

المهم

دون ما احس رحت اشوفه ومادري اسلم ولا لا

وانا اناظر فيه والله حجابي تمام بس عيوني طالعه ويديني وقفت وسرحت مو اناظر الا ابحلق ههههههه

بغيت اكله هههههههه استغفر الله

هو ناظر وش تبي هالحرمة عرفني

واضح تغيرت ملامحه ووجه مو انه متضايق بس عرفني

قال فلانه شلونك شلون الاهل وانا رديت الحمد الله كلنا بخير وصحه

وانت شلونك وخالتي ام فلان شلونها ورد كلهم بخير وانها دايم تسأل عنك

خذتنا السوالف وامي تتصل علي قلت له لازم اروح قال ابي اتواصل معاك ابي رقمك

قلت ماقدر مابيننا شئ علشان نتواصل

قال ودي نرجع لبعض بس بكلمك قبل بموضوع

رفضت وقلت لا تبي ترجعني تعال كلم ابوي

ورحت وتركته وانا امشي التفت اشوفه يناظرني واصدم بعربية كارفور واعدل نفسي واكمل مشي واقول ما حلتفت خلاص والتفت مره ثانية واشوفه يناظر ووجهه مبهم يعني لافرحان ولا زعلان مادري عاد المهم

احس بفرح مو طبيعي اني شفته وانه ماتزوج للحين طلع احسن مني كرهت نفسي شلون تزوجت انا وماصبرت شوي

احس بندم كان ودي اتواصل معاه بنفس الوقت احس بفخر اني ماضعفت حتى لو قدام العشرة والحب

حتى الحين احس بندم اني فتحت الموضوع لأن اكيد بيجيني عتب ليه تكلمينه وهو غريب عنك ومن هيك كلام

بس مو بيدي احبه انا لما اخذت ورقت طلاقي من المحكمة اغمى علي طحت عليهم وماقدرت اقراها الى اليوم ماعمري قريتها كامله ابد

واللي فرحني اكثر ان خالتي ( أمه ) اتصلت علي تعايد وجلسنا نسولف يمكن ربع ساعة

وبعدها كلمت امي وكانت تبي تزورنا بس كنا مسافرين

احس احياننا اني جالسه افسر الموضوع على مزاجي وكلها اماني انا اتمناها واستنتاجات وانا ما احب افكر بالاحداث علشان ما انصدم بشئ مختلف

لاني عارفة حظي واخاف اموت بحسرتي انه ماصار شئ ولا يبي يرجعني من الأساس

ونسيت شئ بالليل افكر وش كان يبي امس جلست اتقلب ولا نمت ماقدرت انام ابد ابد

باقي شوي واكمل 36 ساعة صاحية بس افكر ههههههههه احس راسي صار ثقيل راس بابا فرحان :14:

يارب يتحقق اللي ببالي ويكتب لنا نصيب نرجع لبعض

احس نفسيتي صارت احسن يارب يارب يارب

حبيت اضيف طلاقنا مو عن مشاكل عائلية او خيانة او شئ من هالامور بالعكس كانت حياتنا الزوجية مثالية للتوضيح يعني

ضروف حصلت وهو كان تعبان نفسياً وجلس فترة عندو اكتآب وصبرت بس ماعاد تحملت

ويارب خير

الله يرجعكم لبعض
ويصلح حالكم

خلي التواصل بين امك وامه احسن

يعني قلتي كانت بتزوركم وكنتم مسافرين

طيب اذا رجعتم الحين اعزموها واكرموها

لعل الله يحدث بعد ذلك امرا

وتعود المياه لمجاريها

....

__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ

السلام عليكم ورحمة الله تعالى وبركاته

أختي في الله
اللي صار غلط ، وبغض النظر على انه غلط أبغاكِ تديرين بالك منة ف هو مهو زوجك اللي تعرفينة الآن!! هو غريب عنك الحين!! وردك علية كان جيد نوعاً ما مع أني ماني راضي على تصرفك.

إذا يبي يرجعك (ويارب ترجعوا لبعض يااااارب) يدل بيتكم ويقدر يوصلكم!!

وتواصلك مع أمة يدل على طيبك وأصلك ، وندمك على زواجك الثاني المفروض يكون منتهي الحين لأنه مابيفيدك.

أدعي ربك في سحر الليل انه يرجعلك طليقك الأول وهذا كل اللي عليك

وإياني وأياك تضعفين أمامة!! حطي خوفك من الله وسمعة أبوك وأخوانك وشرفك وعفتك نصب أعيونك!! مهما كان يظل غريب.

وبالتوفيق يارب العالمين.

__________________
استغفر الله واتوب إليه

اسأل الله الكريم ان يجمع شملكما عاجلا غير اجل ،،
لا تتواصلي معه ابداااا فهو غريب عنك ،، و لا تفتحي له باب ،، لان ابواب اخرى ستفتح بعده ،،،
ان كان يريد الرجوع فوالديك على قيد الحياة وان كان هناك موضوع ينقله الى امه او اخته و تتواصل معك فيه ،، و لا وتتساهلي في ذلك ،،
يسر الله أمرك ،،

__________________
علمتني الحياة .. أن استمع لكل رأي واحترمه وليس بالضرورة آن اقتنع به ...

يالله ياريااانه مادري اذا هو انت او لا انا اتذكرت موضوع طلاقك بسبب حادث اخوك الله يرحمه ...اذا فعلا انت سبحان الله اذكر اني كنت ادعي لك وحزنت مره الله يعوضك خير حبيبتي وبإذن الله الله يجمع بينكم عاجل غير آجل وان شاء الله تفرحينا برجعتكم ..*

قرأت قصتك وحزنت كثيــــرا
رحم الله ريان وجميع اموات المسلمين

اسأل الله ان يجمعك بطليقك هذا عاجلا ويكون لك خير زوج يااااارب العالمين

__________________

حسن السجايا صباح الخير

يعطيك العافية والله اني اقول لامي بس تقول شوي مو الحين انا ودي تعزمها اليوم قبل بكرة

وان شاء الله خير

وانا راضيه باللي يكتبه رب العالمين لي

هلا اخوي متفائل والله زعلت على اللي حصل معاك ربي يكتب لك الخيرة بكل طريق تسلكه

انا عارفه والله ان اللي سويته غلط بس مادري شلون رحت اركض له والله مادري شلون

والله اني مانمت امس الليل سهرانه ادعي وادعي وادعي وعندي ثقة بربي مادعيت انه يرجع وبس انا دعيت اذا في رجعته خيره لي يارب رجعه واذا فيها اذيه اصرفه عني

تذكرت سالفة ناس اتفقوا يصلوا الاستسقاء او قرية ما اذكر

بس كل الناس يصلوا وبين جموع البشر رجل فاتح مظلة فوق رأسه بعز الشمس مافيه غيوم ولا شئ

سبحان الله هذي الثقة بالله عز وجل

الله يجزاك خير وان شاء الله ربي يثبتني ولا اضعف ابد

آمين يارب الله يكتب اللي فيه الخير

لا ان شاء الله ما اتواصل معاه ابد وماراح اتساهل ابداً من هالناحية

شكرا لمرورك ربي يوفقك وييسر لك كل امورك ويحقق لك امانيك ومرادك

حبيبتي آه ياهمي

الله يبعد عنك الهم والآهات ويجعل ايامك كلها افراح وسعادة يارب

ايه انا والله ما ادري وش اقول وقفت عن الكتابه ابي اكتب ماعرفت

الله يرحمه يارب

الحمد لله رب العالمين ربي ثبت قلبي دعوات امي وابوي ووقفتهم معاي بعد الله سبحانه كان لها اثر كبير

الله يجزاك خير على دعواتك يا اه ياهمي ادعي لي واللي يسلمك والله ودي فيه النفس وما تهوى