بسم الله الرحمن الرحيم
السلام عليكم

ابي منكم نصيحة ، انا طالب مبتعث و في بالي بنت خالي اتمنى اني اخطبها
عمري 19 سنة ، ودي احجزها ونكلم اهلها لاني اخاف البنت تروح مني
طبعاً ماراح اتزوج هاللحين بتزوج ان شاء الله بعد ثلاث سنوات تقريبا

بس عندي مشكلة !
اني ما اعرف كيف اعاشر
يعني لي رغبة و افهم الموضوع
لكن ما اعرف كيف ؟
هل هذي مشكلة او الكل ما يعرف لكن بعدين يعلمونه او من هذا القبيل ؟

طيب عندي استفسار
ودي اكلم اهلي بس بدون ما نكلم اهلها عشان لو صار شي او شي الاهل يفهمون اهلها الموضوع

ياليت تفيدوني

وعليكم السلام ورحمة الله تعالى وبركاته

اخي في الله
بدايتاً لاتعلق قلبك بأي إمرأة مادمت لم تمتلكها ولا تعرف ما سيؤول إليه نصيبكما معاً!! بل علق قلبك بالله عز وجل
وبالنسبة للمعاشرة سوف تتعلم مع الوقت وفطرتك ك رجل سوف تخدمك مع هذا الجانب فلا تخف من هذا الامر ..!!

ركز في دراستك الآن ولا تجعلها محوراً لإهتمامك وتفكيرك!! صدقني إن كانت من نصيبك لن يستطيع احد اخذها منك!!
انا أقول لك هذا الأمر لأن أحد الأصدقاء علق نفسة في ابنة خالتة كثيراً وفجأة خُطبت وتزوجت ف تعذب حينها وتألم..

ليس المهم أن تكلم أهلك وأهلها!! بل المهم هل "البنت" تريدك؟؟ هل هي تبادلك تلك الرغبة!! هل تحلم بك زوجاً لها؟؟
هل ستوافق ان تنتظرك ثلاث سنوات؟؟ وربما أكثر؟؟ هذه الأسئلة لابد أن تستفسر منها!! وتتبينها جيداً ، وخير من يقوم
بهذا الأمر هو ان تكلف واحدة من أخواتك تكلمها وتعرف منها اجابة كل تلك التساؤلات..!!

فإن كانت الإجابات تدل على رضاها بك ف في هذا الوقت كلم أهلك ، وإن كانت إجاباتها سلبية فأنصرف عنها.

بالتوفيق يارب.

__________________
استغفر الله واتوب إليه

شكرا لك عزيزي على سرعة الرد
لكن هي عاجبتني من ناحية دين و جمال
و اخاف احد يخطبها و يوافقون و اخسرها

هل اكلم احد خواتي واسألها عن البنت هل تتوقعين انها توافق علي ...الخ من هذي الاسئلة
بحكم انها صديقتها و قريبة منها جداً

ولا ابقى ساكت ؟

هلا ابو حميد
كلم وحدة من خواتك وخلها تكلمها وتقول اخوي يبيك وشاريك ويشرفة انك تكونين زوجة له
فهل انتي اتوافقين علية مع العلم ان ماعندة زواج الا بعد 3 سنوات او فوقهن شوي ..!!

في حال وافقت خير وبركة وعسى ربي يعطيك خيرها ويكفيك شرها
وإذا لاسمح الله ارفضت اصرف النظر عنها وتأكد أن ربي بيرزقك احسن منها

واذا هي نصيبك صدقني بتجيك

وحط ابالك ترى الحريم مايعرف اللي بقلوبهن الا اللي خلقهن فلا تغرك المظاهر ولاتزكي احد على الله
ياما ناس اعتقدوا بناس الخير والصلاح وبالاخير طلعوا مايسوون شي وعكس ماكانوا يتوقعون فيهم

صدقني مو كل شي يلمع ذهب

وكل ماتكبر راح تعرف معنى هالكلام

انا مقدر وضعك بس ابيلك الزين والله

موفق

__________________
استغفر الله واتوب إليه

يعطيك العافية يا غالي
و الله يوفقك يارب وتستاهل الخير


بس عندي هذي المشكلة !!
اني مابي اكلمها الحين
لانها توها صغيرة (اصغر مني باربع سنوات)
وهي عندها دراسة واخاف يضرها الموضوع
في دراستها و في حياتها العادية

انا ان شاء الله بكلم اختي و بخليها تجس النبض ان شاء الله

والله يكتب لي الي فيه الخير
واشكرك يا اخ المتفائل بالله

عمرها 15 سنة يامحمد؟؟
يعني يمديك تخلص ان شاء الله وهي للحينها عند اهلها!!

اجل شد حيلك بدراستك عشان اتخلص بسرعة وتخطبها رسمي!!
انا على بالي انها كبرك!!

توها صغيرة يابو حميد وماعتقد اهلها يبون يزوجونها إلا من 18 وفوق
وبعمرها هذا تكون انت خلصت ان شاء الله

انت حط خبر عند وحدة من خواتك وخل الموضوع عليها.

بالتوفيق.

__________________
استغفر الله واتوب إليه

عمرها 16 سنة

لكن حتى لو صغيرة انا اعرف ان اهلها ما بيزوجونها الا لما يصير عمرها 18
لكني خايف ان احد يحجزها قبلي

لاني اخاف ان لو لا سمح الله خطبها ولد عمها !
وش بيصير حالي ؟

ما شاء الله عمرك 19 و تسأل أسئله عميقه على الرغم من أنك مب ناوي تتزوج إلا بعد 3 سنين...

أنا اقول... اخطب بالأول... و خلهم يوافقون... و العرس بعد 3 سنين فلا تستعجل على نفسك... و قبل العرس راح تتثقف و تعرف...

الحمدلله كلمت اختي وعطتني معلومات عن البنت

و ان شاء الله لما ارجع السعودية راح اكلم اهلي بالموضوع