السلام عليكم

طبعاً زي ماتعرفون كل أم تمدح ولدها وخصوصاً الكبير ولو حتى بالكذب هههههه
المهم إن أمّي لا راحت مثلاً عند خالاتي (جلسة حريم) عاد تعرفون كل وحده تقارن ولدها بولد الثانية
وخذ لك حش ..
المهم أمي لا سمعت وحده فيهم تكلمت عنّي .. ماترد عليها تسكت
والمصيبة إنها تتأثر بكلامها وتقف بصفها وكلامها غلط اصلاً !!!
انا أفضل واحد بالعيلة (من الشباب) بـ العلم وبالأخلاق وحتى بالشكل .. اقولها صادق والله !
المهم الي الاحظه ان امي ماتفتخر فيني مع اني متفوق ماشاء الله عليّ .. خلوق .. عايش حياتي
متطلع للمثالية ادري مو كل انسان كامل ولكن بدال ما اقولكم وش سويت وش ماسويت اختصرتها لكم اتطلع للمثالية يعني الحمدلله شاب كويّس من جميع النواحي
بس ماتفتخر فيني ابد ! ,, ولا ترد عليهم لا احد تكلم فيني وتتأثر بكلامهم !
وشكاكة بشكل الله يهديها ابد ماتثق فيني .. بضرب لكم مثالين :
مثلاً أنا اهتم بصحتها واخاف عليها واهتم بصحة العيلة كلها
انا مثقف بهالمجال رياضياً وصحياً وهالشي باين اثاره بوجهي وبجسمي يعني شي ملموس ومجرب
المهم انها ابد ماتثق بالنصايح الي اقولها وهي نصايح دكاترة .. ماتثق ب خلطات العصيرات الي اسويها الشفائية وهي من قبل دكاترة أجانب .. وبالمقابل تصدق خلطات شاشة بداية ومنتديات عالم حواء !
اجيب حاجات من النت أطعمة مفيدة من ماركة مشهورة .. اجيب فيتامينات ابد ماتثق بالاشياء الي اجيبها الي زيها تفرح وتشكرني !!
المثال الثاني .. كان عندي لاب توب ابيض ماك apple الاب توب ذا مشهور وغالي الكل يعرفه
المهم جى يوم خرب نهائياً وديته لمهندس ومافيه فايدة ابد لازم لاب توب جديد وطشيت الاب توب
والسالفة ذي قديمة .. المهم تقولي لاب توبك ماك الابيض شكلك اهديته احد ؟ قلت لها يعني اهديته مين ؟
تقول بنت او صاحبك .. قلت لها لا وانتي عارفة قصة الاب خربان مافيه فايدة وطشيته ..
قالت يعني ماجاك صاحبك وشحذك اياه ؟ سكت ومشيت ..

ليه ماهي واثقة فيني ؟ وش الحل ؟ ودي لو انها تفتخر فيني .. تثق فيني .. الله يصلح الحال