السلام عليكم

انا طآلب في المرحلة الثآنوية عمري 17 سنة ثآني ثآنوي سعودي الجنسية

سعودي الجنسيه
^ هنا الزبدة

في مثل ظروف الحيآة وتطول الاجيآل والتغيرآت التي تطرأ على كل جيل تختلف عن التغيرآت التي تتطرأ على الجيل السآبق
ف بعض الابآء يمشون على مقولة " اجبروا ابنآئكم على عاداتكم , فقد خلقوا لزمان غير زمانكم "
وبنظرهم ان عاداتهم وتقآليدهم رآح تمشي في ابنآء الجيل الحآلي
لكن العكس صحيح
" لا تجبروا ابنآئكم على عاداتكم فقد خلقوآ لزمان غير زمآنكم "


انا انسآن ذكي دافور درآسيآً
ما اذاكر في البيت ولا افتح شي بس الواجبآت في الفصل احلها بوقتها على طول
وقبل الاختبآر بسآعة وحده بس اذاكر
واجيب نسب عاليه
السنة اللي رآحت 94%
انا عاجبني مستوآي
موآزن مابين نفسيتي ومستقبلي > لان فيه علاقة عكسية بين الثنتين
ابوي كان دافور يومه صغير كان يومه كله يضيع عالدرآسة
^ على حسب كلامه لاني مره مسكت ملفه لقيت بوجهي على طول مقبول وضعيف
الله واعلم وش قصته
المهم انه يحب الدرآسة حباً جما
يكآد يعبدها > استغفر الله بس من حبه وعشقة للدرآسه

دمه حآر
عصبي جداً
يبغاني اكون مثله بالضبط في تصرفآته في اخلاقه في كل شي حتى في درآسته
وانا ما ابغى
لاني ما اشوف فيه اي شي كويس
مع انه يشوف نفسه كامل جداً ولا فيه نقص
وانا اشوف العكس تماماً > مع احترآمي لانه ابوي

تمر بي ظروف صعبه حالياً لاني اسكن مع ابوي
اروح المدرسة تآكسي وارجع تآكسي
المصروف يشدد عليه يخآف اني ادخن : )
ينآفخ علي في كل صغيره وكبيره لدرجة ان مستحيل يمر علي يوم كامل اكون فيه مروق وفرحآن

من كنت صغير وانا كنت عايش مع امي
وقبل 5 سنوات ابوي طلق امي
وقبل 5 شهور من الان تزوج ابوي وحده من خآرج السعودية
واجبرني اجي اعيش معه وانا مآبي
وامي رآحت عند ابوها
وابوي يكره ابوها جداً يقول لي " لو تنصفق السمآء على الارض ما تروح عندهم "

كان يقول اذا سكنت امك في الريآض بخليك تسكن معها
انا كآره العيشه مع ابوي
كآرهها جداً
امسي واصبح على صيآح
قومة المدرسة ينكد علي فيهآ
الغيآب يشدد فيه
لو كنت على فرآش الموت لازم اداوم

كانت نفسيتي زي الفل مع امي
يوم سكنت مع ابوي والى يومكم هذآ وانا اخاف اخسر نفسيتي بسببه
من كثر ما اشوف النآس من حولي سرت اعرف سبب انحرآف الشبآب
اشوف اللي يشددون عليه اهله مره خلاص بعد فترة على طول ينفجر
يخرب يدشر يسوي كل شي
بسبب اهله يوم يشددون عليه
ينطبق على اهاليهم المثل " الشي اذا زآد عن حده ينقلب ضده "
هذا الحآصل معهم

عموماً ابوي مره استأذنت من المدرسة لاني كنت تعبآن وداومت غصبن عني
والمرشد وآثق فيني وعآرف اني تعبآن وعآرف وضعي الاجتمآعي
يوم قلت بستأذن وشرحت له قال خلاص روح مآعليك
ولا دقيت على ابوي
رجعت البيت نفخ علي وشرشح كرامتي بكلامه
قدام عمتي
وانا بدآخي حقد لدرجة اني سبيته بدآخلي ودعيت عليه بالموت

مره كنت اسوق وهو جنبي واحد دخل علي من قدامي بغيت اصدمه مسكت فرآمل ويصيح " يآكلب , مآتشوف " "
قلت وش سويت انا هو اللي دخل !!
قال الا انت مسرع عسآك والعمى

^ قفلت معي

دخلت البيت وانا بدآخلي حلف اني ماعد اسسوق

ابوي بإختصآر انسآن دآرس متعلم في كل شي الا انه عصبي وما يقدر يمسك نفسه
مو بعيده بكره اكون في الشآرع مآشي ثم يشك فيني ثم ينزل وش كنت تسوي
كنت تسوي كذآ هاه > بنفخه قدام النآس
يفشلني ويفشل نفسه
عادي عنده

وش الحل معه
لاني كل يوم اقرر اني اتغير عليه
اصير انا العصبي عليه مو هو
انا انفخ مو هو
انا اسوي اللي ابيه انا اللي اتحكم مو هو
عمره 56 تقريباً
شآيب الا شوي
بدأ مرحلة القلق وضرب حسآب لكل صغيره وكبيره والانزعاج دايماً والصيآح

وانا وصلت لمرحلة اني ماعد اطيقة
اخاف اقلب عليه بيوم ثم يصكني بدعوه ثم اطلع من البيت و وفآة على طول