مساؤكم / صباحكم كما تتمنون..

كتبت مذ شهور عدة مواضيع بداية ب استشارة عن الطلاق وصولاً لشعور داخلي لا أفهم كنهه..

والحمدلله الحمد لله الحمدلله مع الدعاء والقوة التي منحني اياها الله " تم الطلاق "

بدون خوض بتفاصيل اكثر..

اناالان سأحيا حياة افضل بكثير مما سأكون عليه لو كنت متزوجه , يكفي اني سأعيش بكرامتي مع امي وتحت ظل بيت والدي "رحمه الله"
والحمد لله قريباً سأحصل على الوظيفه بالمجال الذي أرى نفسي فيه "دعواتكم لي بالتوفيق "..
ونهاية الأسبوع سأحتفل بطلاقي , رغم ان بعض صديقاتي كانوا ضد فكرة احتفالي ولكني جمعتها بين كونها صدقه عني وفرصة للاجتماع معهن ورفع لمعنوياتي بأني مازلت قادره على ممارسة حياتي من جديد رغم كل الأسى والابتلاء الذي مر بي .. من يوافقني الرأي ومن ضد احتفالي !
بالمناسبه خسرت الالاف على صوري بالشبكه والزواج , ماذا افعل بها؟! اقترحوا اهلي ان ابقي صوري وانا لوحدي وهي صور قليله ولكني اود حرقها بل وتوزيع رمادها بزوايا الكون خوفاً من ان تجمعها الرياح يوماً.

إلى هنا وما من مشاكل والحمدلله فكل شيء على مايرام للان وما سبق كان مجرد استشاره بسيطه لمعرفة ارائكم واي منها يناسبني.

ولكن الان
ما يزعجني حقاً اني أصبحت انفعاليه اكثر من اللازم رغم اني احاول تمالك اعصابي الا اني ما اتعب الا نفسي
بداخلي شيء تغير وللمره الثالثه اكتب انه شيء بداخلي تغير ومامن مساعده
حتى صار يجيني الم قوي بقلبي لدرجة ما اقدر اتنفس لدقيقه او اقل حتى وقتها اتشهد لاني احس الموت.
والله مو زعلانه على اني تطلقت بالعكس كنت اسعى له لاني مالقيت العز والاحترام وحسن المعامله اللي لقيتها عند اهلي , والحمدلله امي معايا بقراري واخواتي وصحباتي وكل اللي يحبوني يساندوني نفسياً .
لكن والله تجيني فترات احس اني مخنوقه واحس بغصه داخلي لدرجة امس قبل انام بكيت بحرقه واقول لنفسي ايش فيك ! ليه تغيرتي !

اللي يقدر يخليني اتجاوز ألمي النفسي لا يبخل علي لأني صدقاً احتاج ان اقوى داخلياً.

سأقر كل حرف يُكتب بمساحتي هذه بعين قلبي.


دعواتكم بأن تكون أيامي المقبلة كما اتمنى وأجمل ..

__________________

%




عقبأإأإأإلي ان شأإء اللہۧ
وأيہۧ احتفليےّ وانبسطيےّ ع الآخررررر بعض النأإس فرقأإهم عيد
إحسأإسگ طبيعيےّ أي إنسأإن يمر بظروف صعبہۧ بيحس بشيےّ دأإخلہۧ إنگسر
وحزن وهم وغم وقرف من الحيأإه گلهأإ
مو شرط يگون من الطلأإق بس
أبگيےّ بينگ وبين نفسگ وقدأإم النأإس عأإديےّ ولأإ گأإن هأإمگ شيےّ
بالآخررر هيےّ گذأإ الحيأإه يمگن اليوم تبگين حزن بگره تبگين من قوة الفرح
أو العگس
لأإ تخأإفين مسأإئلة وقت ويروح هالأإحسأإس

حتےّ الميت وهو ميت بعد فتره يخف الحزن عليه فمأإ بأإلگ بألأشيأإء الثأإنيه


. . }


%

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..

لا تخافي أنا قدام الناس أعجبك وحتى من داخلي راضيه والحمدلله الا من الاحساس المتعب..
يا رب يكون إحساس مؤقت وما يلازمني بحياتي..

شكراً لك يا ذوق وعقبال ما يحقق ربي أمنياتك..

__________________

هذا شعور عادي جدا حبيبتي ,, فتره وبيروح بس انتي اشغلي نفسك بأي شي حاولي ما يكون عندك فراغ عشان تفكري باي شي ,,


ربي يصلح حالك ويذهب عنك الضيق والكدر ويعوضك خير

__________________




سبحان الله وبحمده ♥
سبحان الله العظيم ♡
♥♡♥♡♥

وهذا الشيء اللي أسعى له ..إنه ما يكون عندي وقت فراغ..
دعواااتك لي بظهر الغيب انه تتيسر أمور الوظيفه القادمه..

يارب ..
كل الامتنان على الدعوه الحلوه...

__________________

فلوس الحفله روحي فيها عمره
الصور بصراحه انا للحين محتفظه فيها
الانفعاليه للحينةفيكي غضب مكبوت روحي لطبيبه نفسبه بس لا تكلين حبوب خليها تعطيكي كورس في التخلص من الغضب
الم الطلاق صعب بس الحمدلله انتي مقتنعه بهللقرار ومافي مشاعر لطليقك
انا ذبحني لوم الذات وحبي لطليقي فانتي وضعك اهون بكثير

مين بيوديني عمره يا متفائله !
الظروف اليوم ماهي ظروف أمس من عندها أب تسعد بحياتها بس اللي ما يلقى أحد يوديه مشاويره بيلقى أحد يسفره!, بس ماهي بعيده عن الله إن شاء الله ارادته تكتب لي عمره .
والصور أمس مسكت الالبومات ورميتها قدام باب غرفتي وقلت لامي الله يسعدك احرقيها , كان عندنا خالتي جايه من سفر قالت طيب ابغى خالتك تشوفها قلت لها امي معليش هذا ماضي شيء وانتهى ماله داعي تتفرج وقالت معاك حق خلاص بس نخلص من حفلتك والترتيبات اوعدك بحرقها وربي يعوضك ان شاء الله .

اللي فيني ممكن يكون غضب مكبوت بس مو لأني تطلقت لا بالعكس والله لو ابقى طول عمري مطلقه ما ارجع له..
بس تدرين ايش بداخلي !
بقولك لانك ما تعرفيني ولا اعرف احد هنا واللي بيننا معرفات ونثر احساس ..
اللي مضايقني اني فشلت بالزواج بغض النظر مين غلطان فينا وبعداً عن الكلام فيه لانه ما صار بيني وبينه رابط ولاني اساساً جالسه اروض نفسي تسامحه ما تعودت الحقد يا متفائله بس قلبي مليان عليه حااااقده لدرجة استغفر الله ما ابغى اقول بس افكاري وبتعوذ من الشيطان ومن افكاري ومن اللي بقلبي تجاهه.
وفاة ابويا يا متفائله كسرتني لانه كان الحياة والحب والامان ومصدر كل شيء حلو بحياتي الله يرحمه , وجا هو وكسرني للمره الثانيه وانا من الله ما اتحمل , تخيلي قلبك ينكسر أكثر من مرا !
انا اللي قاهرني الان انه كل اللي يحبوني حزينين عليا..كاسرهم طلاقي أكثر مني ..
واللي يموتني اكثر لما افكر بيني وبين نفسي واقول ليه انا فاشله ! ليه الحظ ما كان بصفي لو مرا بحياتي !
ليه ما جا الانسان اللي كنت احلم فيه !
ليه ما حبني !
كل اللي يعرفوني يحبوني بس هالانسان والله ما حبني ..!

اكذب لو اقولك انه ثقتي بنفسي زي ما كانت قبل اتزوج ..
واكذب لو اقول الان احساسي ورغبتي بالحياة زي زمان..
أدري انه الحياة ما وقفت عند احد ..واصلاً لو مايبقى بالكون غير هالانسان ما فكرت ارجع له ..
بس احساس الخذلان والفشل
احساس انه الايام تمر وانت ما سويتي شيء بحياتك
كل هالاحاسيس اجتمعت بقلب مكسور..بربك كيف بتكون حالتي من الداخل !

بس كل هالاحاسيس يخففها قوله تعالى "وبشر الصابرين "
والله والله والله رغم الالم سأجااااهد كل أحزاني لأنال البشرى من الله...فقط كونوا بالقرب

طوق ياسمين لروحكِ يا غاليه..

__________________

الله يعوضك خير ان شاء الله .
واللي تمرين فيه شعور طبيعي ولسه قدامك كثير من تبعات الطلاق سواء نفسيه اجتماعيه او غيرها بس مهما كان حاولي تكونين قويه صح بتمرين باوقات تحسين نفسك ضعيفه بس خلي ايمانك بربك قوي وهي فتره وتعدي ،واذا احتجتي احد يساعدك عشان تتعدين المرحله او حتى بعدين مو اللحين لاني مثل ماقلت لك لسه قدامك الكثيير فيه موقع استشارات للدكتور خليفه المحرزي والله بتستفيدين منه عن تجربه طبعا كل شئ تحت اشرافه .
اما موضوع احتفال الطلاق عن نفسي ماااؤيد الاحتفال بالطلاق خلاص انسان طلع من حياتي والله يستر عليه وبس .
وعلى فكره انتي بتسوين الحفله عشان بس تثبتين لنفسك انك مو زعلانه صح ولا لا ؟ بس من داخلك حاسه ان فيه شعور غريب زعل او فرح او حتى خوف او او او ... ؟
بس ارجع واقول لك اكيد بتزعلين شعور طبيعي حتى لو قلتي ماني زعلانه ، يعني لو ماطلعتي كل اللي في نفسك اللحين بيجي وقت وتنفجرين .
و في النهايه القرار راجع لك تسوين حفله او لا .
والله يعوضك باللي احسن منه .

__________________
.. يــــــــــــــــــــــــــــــارب .. هم يقولون بأن حلمي ،، مستحيـــــــــــــــــــــــــــــــل ،،
وأنا أصبح وأمسي وأنا على يقيـــــــــــن "بأنك على كل شئ قديـــــــــــــــــــــــــــــــــــــــــــر"

يا رب ويعوضك خير انت كمان ..
طيب الحفله احس مالها علاقه فيه لانه اكيد طلع من حياتي ومسألة انه الله يسترعليه فالله يستر على الجميع..
الحفله ياعزيزتي مالها علاقه فيه مجرد عزيمه امي مسويتها وانا مشاركتها فيها صدقه عني واصلاً امي من اول حالفه انها لما تجي ورقتي راح تحتفل فيني ..
وما انكر اني بحتفل لاني بثبت لنفسي قبل الناس اني مو زعلانه وببدأ سنه جديده بإحتفاليه مع اهلي وصديقاتي المقربات..
وبقنع نفسي بمبدأ انه من رضي فله الرضا خلاص شيء من الله وربي اراد ليا هالحياة لااااازم ارضى .
بسألك كبرياء ايش تبعات الطلاق الاجتماعيه والنفسيه اللي راح اواجهها بعد كذا !
يعني ممكن القى عقبات بحياتي كوني مطلقه غير النفسيه !
الان المجتمع اتغير مو زي زمان المطلقه منبوذه وعليها النظرات الدونيه زي زماااان ..توافقيني الرأي من خلال تجربتك !

ادعيلي كبرياء انه ربي يعوضني خير وييسر لي امر وظيفتي.

__________________

شوفي حبيبتي انا مطلقه لي سنه وكم شهروتطلقت بعد زواج دام لاكثر من سبع سنوات يعني مده مو هينه . بالنسبه لتبعات الطلاق النفسيه اللي واجهتها طبعا تختلف من وحده للثانيه مع اني كنت فرحانه بالطلاق وكان طلاقي بوقت غلط صراحه المهم كنت فرحانه واقول ارتحت ولو ايش يصير مارجع له ومن ذا الكلام نسيت اقولك عندي ولدين ،اول ثلاث شهور كانت نفسيتي عادي ولا فكرت بس بعد مانتهت العده ماادري ايش اللي جاني وتانيب ضمير ولوم ذات ولو كان سويت كذا ماكان صار كذا ونفسيتي مره تعبت حتى اكل مااكل و حتى نوم ماانام يمكن اللي خفف علي شوي كانت ايام اختبارات وانشغلت شوي بس النفسيه هي نفسها وخاصة اني كان وقتها مايمر علي الا الذكريات الحلوه اما غيرها لا احاول اتذكر شئ مو حلو ماالقى مدري وين راحت ؟ المهم فتره وانتهت الحاله هذي طبعا بعد ماجا بيرجعني وكذا بس الله ماكتب عرفت انه نصيب ولازم ارضى بالقدروتلقين موضوع انا منزلته هنا عنوانه ارجع او لا محتاره طبعا نزلته بعد ماجا بيرجعني للمره الثانيه .
اللحين بعد سنه كمان مدري وش صار لي وتعبت نفسيتي كذا فجأه ونفس الحاله الاولى اكتئاب بس الحمد لله ماطولت واستشرت مستشارين في موقع المحرزي والحمد لله فادوني كثير بس طبعا كل وحده تختلف عن الثانيه وطبعا اللي عندها او لاد غير عن اللي ماعندها .

اما التبعات الاجتماعيه اكثر شئ اسمعها من البنات اللي يشتكون في المنتدى اما انا بالنسبه لي الى الان مامريت بشئ منها والحمد لله ، يمكن اكثر شئ تكون من الاهل بس الحمد لله ابوي انسان فاهم وماتغيرت معامتله لي ولا حرمني من شئ الله يخليه لي .
بس باقول لك شئ عن المجتمع اذا شافك انتي انك تحسين نفسك منبوذه وتناظرين لنفسك بنظرات دونيه بيناظرك بنفس النظره والعكس صحيح يعني اهم شئ الثقه بالنفس وكلام الناس مايخلص .
صح احيان احس فيه ناس تناظرني نظرات اتهام وفيه ناس تناظرني نظرات شفقه والنظرتين ماحبها ولا اهتم فيها .
والله يعوضك ويعوضني خير وييسر لك امر وظيفتك ويسر لي اختباراتي ويوفقني في دراستي ياااارب .

__________________
.. يــــــــــــــــــــــــــــــارب .. هم يقولون بأن حلمي ،، مستحيـــــــــــــــــــــــــــــــل ،،
وأنا أصبح وأمسي وأنا على يقيـــــــــــن "بأنك على كل شئ قديـــــــــــــــــــــــــــــــــــــــــــر"