ابغى نصايح من الرجال والبنات المجربين
تعبت مع خطيبي من وقت الملكه سته شهور وانا كل صدمه اكبر من الي قبلها
ياناس كلمه وحده حلوه ماطلعت من فمو لامدح بشكلي ولا تصرفاتي
مره بالموت قال اخاف اقول شي وتشوفي نفسك عليا
ترا فيكي كل الصفات الي اتمناها
وربي كان روحو بتطلع مع الكلمه خايف يقولوها
صابره عمري كلو واستنى الحلال ويجي رجال يحطمني
كل مره يقول بعد الزواج راح تشوفي انسان تاني
مره يقول مع الضغوط
مره مارح نبدا نفهم بعض الا لما نكون بالطياره بشهر العسل
ودحين قرب الزواج يقولي ايش في افلام بالطياره ابغى احمل بلاب توبي عشان اتفرج ( وربي حسره مااقدر اوصفها باي كلمه اخخخخخخخ ياربي عوضني صبري )
في عريس بنص الكلام عن القاعه والبيت والخ يسال العروسه تبغي الدخله اول يوم ولا لما نسافر؟
من غير لا مقدمات ولا اسلوب ولا شي
كانو يسال تبغي ناكل في مطعم شامي ولا ايطالي
مااقدر ارد عليه يقول استحيتي
مات الحياء معاه مصدووومه وربي مو مستحيه
كيف افهم دا الرجال
كيف يعرف ان البنت لازم يعاملها غير عن اصحابو الي بالدوام
ارسل لو مقاطع ؟ مواضيع ؟ كتب؟
الي عندو اسم اي كتاب ولا شريط ولا اي شي اعطيها له يكسب فيا ثواب
...