السلام عليكم،
أرجو النصح والمشورة في موضوعي لأن خلاص فاض بي

عشان أكون حقاني، زوجتي الصراحة إنسانة جميلة، طيبة، خلوقة، نظيفة جدا في نفسها وفي أمور المنزل، حنونة، ذكية جدا وعملية، مخلصة ووفية، أمينة، حبوبة ومرحة جدا ودمها خفيف، شخصيتها حلوة، متعلمة ومثقفة، وعلاقتها بربها جيدة جدا ومحافظة على صلاتها.

ولأن الكمال لله، فلازم يطلع لي شي ينغص علي حياتي. مشكلتي معاها ... العصبية المدمرة
على الرغم من كل مميزاتها بس غضبها وعصبيتها ناااااار ... إذا دخلنا نتناقض في موضوع وأنا مثلا قلت شي ما عجبها تثور وتعصب وتعلي صوتها وأحيانا ممكن تغلط غلط تجريح (مو سب)، يعني ممكن تعصب وتقولي إنت ما تفهم وإنت عقلك ضيق وعقلك صغير ومن هالكلام ... وهذا الصراحة شي ما أتحمله نهائيا

وغير الفلسفة مالتها، إني أقاطع الناس بالحديث وما أعطيهم فرصة يتكلمون وتفرض رايك ورايك هو الصح ... إلخ. حتى إذا افترضنا إني كذا، مشكلتها إنها إذا عصبت وغضبت، ما عندها الأسلوب الصحيح في توصيل المعلومة.

وعصبيتها فعلا دمار، تدخل الغرفة وتنام وتقولي إذا سمحت لا تكلمني الحين حتى أهدى، وعادي تقعد بالأيام ما تتكلم معاي .. إلا كل وين ووين الله يهديها وتبادر هي بالكلام .. وممكن توصل درجة عصبيتها إلى إنها تكسرلها صحن، تحذف علي مخدة وملابس ...

وأنا ما أقدر أمسك أعصابي .. أقوم أنا بعد أصب وأتنرفز وصوتي يوصل آخر البلدة ...

اشلوووووووووووووووووون طريقة التصرف مع هالمرأة النارية هذي ؟؟ اشلوووووووووووون .. إذا سمحتوا أفيدوني