السلام عليكم ورحمة الله وبركاته
بصراحة ترددت كثير قبل مااطرح مشكلتي عليكم بس حيرتي
وخوفي الكبير هما اللي خلوني اتشجع واكتب الموضوع انا ياجماعة الخير
صارلي فترة معقود قراني على شاب متزن وخلوق وملتزم الحمد لله,وخلال
هالشهرين ماحاول ابدا انه يلمسني او حتى طلب مني هالشي مع انه كان
مغرقني بالكلام الرومانسي وشكثر هو يحبني ومايقدر يستغنى عني بس
المشكلة بدت قبل 3 اسابيع تقريبا كنت اسولفله عن الاشياء اللي اشتريتها
بجهازي واوصفله اياها وبوقتها طلب مني ارسله صوري واني لابسة اللي
اشتريته (قمصان النوم) بس طبعا رفضت نهائيا وهو قال براحتك وبعد يومين
رجع كرر الطلب مرة ثانية وقعد يلح فيه وبصراحة انا استحيت ارده لانه طيب
كثير معايا ومايرفضلي طلب ابدا فارسلتله صورتين ومن وقتها وكل تصرفاته
متغيرة صار يطلب مني انه يلمسني وانه بعد مايتحمل وبعد محاولات عديدة
قبلت والحمدلله ماصار بيناتنا الامداعبات خفيفة ومرات قليلة ماتتعدى الثلاث
مرات بس .ومن بعدها واني ضميري يأنبني وحاسة باني مسوية غلطة كبيرة لان
اللي صار كان ابيت اهلي وبدون علمهم لانه كان يجي وهما خارج البيت
يعني بصراحة حاسة اني خنت ثقة اهلي فيني والموضوع هذا حيل مأذيني
وموبس كذا خايفة لايكون اخذ عني فكرة اني سهلة او يعيرني شي يوم
بهالشي بعد الزواج رغم اني مسحت صوري من جواله وبايدي ومثل ماقلتلكم
ماتعمقنا بالمداعبات بس مااقدر اسيطر على نفسي خايفة حيييييل وحاسة انه
مسوية شي غلط وخصوصا انه هالفترة صاير مايتكلم غير بهالامور ويتصل فيني
كل شوي ويطلب انه يكون معاي وانه تعبان ومابعد يتحمل مع انه زواجنا
ماباقي عليه غير 28 يوم اسفة اذا طولت عليكم بس والله العظيم محتارة وخايفة ومااعرف ايش اسوي انصحوني الله يرضى عليكم
01-05-2013, 02:54 AM
خطيبي يكثر المداعبات ..
ضوابط المشاركة
العرض الشجري