السلام عليكم ورحمة الله وبركاته

اخواني واخواتي اريد مشكوتكم في موضوع الخاطب اللي تقدم لي
اناا كتبت الموضوع في قسم سااعدني وستشرت ابوي البليغ ورجل الرجال وكان على بالي ان الموضوع انتهى والحين ابا راي الكل لان رد الرفض والموافقه اهلي يبونه باقرب وقت
http://www.66n.com/forums/showthread.php?t=242401

هذا رابط الموضوع ولكن ساكتب الموضوع بختصار هنا
تقدم لي شخص من عائله محترمه وطيبه يعرفون اهلي من زماان اكثر من 30 سنه ... الخاطب من خمس سنين مرض وجلس في البيت اهلي امه واخوانه نصحوه يروح لدكتور او شيخ يقرا عليه رفض وقال مافيني شي الاخ الكبير راح للدكتور وكلمه عن حالة اخوه فقال له ماقدر اشخصه الا اذا شفته فرجع وعقب يوم شاف ان الموضوع طول واخوه جالس في البيت لما يقارب السنتين رجع للدكتور وكلمه قال له طيب بعطيك حبوب مهدئه وله اكثر من سنتين يشرب الحبوب والحين من شهر بطل الحبوب اهلي تمو يحنون فوق راسي وافقي الرجال شكله و مظهره رجال وافي ومحترمه .. سئلت مشايخ قالوا لي الافضل تبتعدين لانه شاب وسار له اكتئاب بدون مشاكل وبدون ماتكون عنده مسؤوليات كيف لو كبر ؟ اما واحد من المشايخ قال لي اذا كان يصلي الخمس صلاوات في المسجد فوافقي عليه صح بتتعبين بس فيه خير عقب اتصل على دكتور نفسي قال ماعقدر اسااعد لان الرجال ماتشخص يمكن يكون فيه اكتئاب ويمكن يكون في مرض اخر والاكتئاب له انواع منها الخطيره ومنها المتوسطه فانتي رايحه لحظ ياتصيب ياتخيب ... عقب رفضته وقلت لاهلي دام اني ماعرف وضعه ولا اعرف اللي كان فيه ماقدر قالو لي خلاص بنرفضه بس من وراي كلموا اهل الرجال وقالوا لهم خلو ولدكم يبطلع علاج والحين رجعوا وقالو ولدنا بطل الحبوب من شهر بس انا وضحت لهم ان حتى لو بطل انا ماعرف اذا بيرجع ولا لا لان الاكتئاب بشكل عام مرض مستمر وشهر واحد فتره ليست بكافيه والحين من اسبوعين ينتظرون ردي ...

وضعي الحالي في حيره مايعلم بها الا رب العباد .. اخاف ارفض ويكون الرجال سليم والاكتئاب اللي كان فيه بسيط واخاف اوافق ويكون الاكتئاب اللي في خطير ويرجع له ... اخواني واخواتي وامي موقفهم محايد وابوي موافق ويقول ابا اشوفك مرتاحه مع زوجك قبل لاموت والبقيه ينصحوني بالابتعاد

جزاكم الله خير افيدوني