بسم الله الرحمن الرحيم

الحمد لله رب العالمين والصلاة والسلام على اشرف الأنبياء والمرسلين وعلى اله الطيبين الطاهرين وصحابته الغر الميامين ومن تبعهم بإحسان إلي يوم الدين

السلام عليكم ورحمة الله وبركاته..

اخوتي الكرام ولأنني عاجز عن تحديد بداية الحكاية وكيف هي نهايتها ..!! وكم هي عدد فصولها بالتحديد ولأني متشتت وراجعت نفسي كثيرا لطرح مشكلتي وإلى الله المشتكى اولا وآخرا.. لذا قررت أن اكتب لكم فوجهوني وادعوا لي فوالله إني مبتلى والحمدلله الذي لايحمد على مكروه سواه.

//

بالعامي الفصيح


اخوتي الكرام أنا شاب ابلغ من العمر ثلاثين عام ومتزوج من 6 سنوات وعندي طفل عمره اربع سنوات القصه بعمومها لها بداية قديمه ولكن المهم هنا هو هذا الفصل المرعب من الحكاية وهو حين قررت الزواج بتلك الانسانه التي بنيت احلامي وطموحاتي معها وجاء اليوم الموعود لاتقدم رسمياً ..

تم الخطبه والرؤية الشرعية وتبعها بعد شهرين الزواج ولله الحمد ثم لاحت بوادر الشقاء من أول شهر .. والله يا اخواني ويا اخواتي اني بالضبط ما اعرف كيف اصيغ لكم الاحداث كيف ابدأ معكم .. زوجتي تبلغ من العمر حينها 21 عام الفتاة من أقاربي البعيدين نسبياً .. لكن ما اعرفها ولا اهلي يعرفونها فقط يعرفون أمها بحكم القرابه .. حتى اهلي لم يروها قط ..! المهم بعد الزواج بشهر أرقنتي واتعبتني عصبيتها الزائده وحنقها على أتفه الأمور ..! وكان ابوها على حق يوم همس لي بأن ابنته عصبيه و...و... الخ طبعا هذا ايام الخطبه وقبل الملكه.. طبعا انا ماهتميت وقتها بالعكس كنت متحمس للزواج واريد اتمامه بأسرع وقت .. بداية الشهور الاولى تعبت من تكرار زعلها وعصبيتها تثور وتزمجر وتجعل عاليها واطيها على اتفه الاسباب!! طبعا حبيتها لكونها شريكة حياتي وايضا هي بادلتني نفس الشعور وعشنا قصه حب حتى الرمق الأخير..

مالكم بالطويلة .. البنت مع الوقت بدأت تتمادى ومن اول شهرين تقريبا وهي تطلب الطلاق !! بسبب تافه جداً وهو اني منعتها مثلا من زيارة اهلها اليوم الفلاني .. علما اني من تزوجتها مايمر اسبوع واحد الا وهي عند اهلها هذا اذا ماكان يوم ورا يوم !! لكن الشكوى لله انا مالي الا الله ثم هي أمي -رحمها الله- توفيت وانا في سن 7 سنوات وابوي كذلك توفي -رحمه الله- وانا في سن الـ20 .. والحمدلله له ما اخذ وله ما اعطى وكل شي عنده بأجل مسمى..

صبرت على تماديها احيانا بالكلام الجارح ثم مع السنين قل الاحترام منها الى ان وصل الى مد اليد !! ثم الى اللعن !! ثم الى الصراخ والفضيحه عند الجيران !! حتى بالشارع لا اسلم من مدها ليدها وعصبيتها وصراخها والله اني احيانا اقف عند الاشاره ثم انعطف يمين او يسار (عن الفشيله فقط) طبعا زيادة على ذلك طلبها الطلاق والانفصال في حاله واحده فقط وهي اذا عصبت ! اما في غيره فهي تعشقني حد الثماله ..! وان لامخلوق على هذه البسيطه أغلى مني ..تناقض عجيب ولاتستغربون ...

طبعا ضربها لي هو ضرب الضعيف الذي لايقدر على شيئ ! انا طبعا اتحمل وادعي لها واقول تعوذي من الشيطان فتتعوذ مني ومن الشيطان في آن واحد ..!! ثم اهديها واضمها وشوي شوي الى ان تركد شياطينها ..!

طبعا انا في هالحاله اشق هدومي من القهر ..! ابيها تركد وتقصر صوتها وتتعوذ من الشيطان ولكن لاحياة لمن تنادي ومع ذلك تمد يدها مره ومرتين في نفس الموقف وتطور الامر الى انها تحاول الانتحار أكثر من مره طبعا لاتكون هذي المحاوله الا في حال العصبيه .. فمره حاولت بلع شريط كامل من الحبوب!! ومره اخذت السكين وهددتني بقتل نفسها ..!! ومره حاولت شرب كلوركس !! ومره حاولت شرب مزيل المناكير وهالمره مالحقت عليها الا هي شاربه نصفه ...!! لاحول ولاقوة الا بالله حاولت اهديها واركدها واركض للبقاله اجيب لها حليب او عصير او اي شي يمكن تستفرغ هالبلا (الله يكرمكم) واحاول اذكرها بالله وان الي تسوينه هذا اعتراض على الله ومصيرك النار ...الخ والله يا اخوتي اني عانيت اشد المعاناة معه هالبنت والله اني مره طلعت من بيتي على طول ادور على شيخ يقرا عليها وبالفعل جاء شيخ وقرا عليها كم يوم وقال مافيها شي ..! ثم وديتها لطبيب نفسي وراجعنا عنده وكأن شيئاً لم يكن ..! اكثر مايؤلمني بصراحه هو صراخها وضربها لي وتكسيرها للأشياء الي حولها قدام الولد .. انا في هالحاله احس بقهر عظيم ولكن ما باليد حيله ماقدر امد يدي عليها ولا اقدر حتى اصرخ لاني اذا صرخت راح ازيد النار حطب والولد يمكن يصيبه الجنون من الي يشوفه من هالمجنونه حسبي الله ونعم الوكيل ..

احيانا تعصب وتطلب الطلاق واحيانا تطردني من البيت ! وانا بيني وبينكم اخاف اطلع واخليها او بشكل اصح مستحيل اخليها بهالحاله ممكن تسوي بنفسها شي لاسمح الله .. الى ان تركد ثم تصر على الطرد ثم اطلع بعد ما اتأكد انها ركدت شياطينها ..

احيانا تصر على اني اوديها لبيت اهلها الساعه 2 بالليل وتلملم اغراضها والناس نيااااام .. ويالله قم ودني لأهلي مالي عندك قعده نهائيا..وتبدأ معاناتي مع شيل الشنط الي انكسر منها كتفي من كثر ما اشيل وارجعها لنفس المكان ..-واقولها لكم والله الشاهد انه في عمري ماقلت لها يالله شيلي شنطتك واطلعي من بيتي -

نكمل ...ولاني عارف اني مستحيل اوديها لبيت اهلها في هالوقت المتأخر وهي في هالحاله ..طبعا علاجها اعرفه وهو اني اخذ لي فرتين بالرياض الى ان تركد الشياطين وبعد ما اهديها واسمعها القرآن ثم تلين وارجعها للبيت وانام الساعه 4 منهد وتعبان وكأني واسيت لي جبل مع الأرض..!

فشلتني مع ابوها وامها فدائما في حاله العصبيه تاخذ جوالها وتتصل على ابوها وتناديه !! وكم مره يجي عندي وانا في حاله من الفشيله مايعلم بها الا الله .. والشهاده لله ان اهلها طيبين ولكن وش السواة مع هالبنت ..مره اصرت اوديها لاهلها ولحسن الحظ ماكانوا موجودين واصرت ان ابوها يجي وجاء وسمع مني ومنها ثم طلعت انا زعلان ومقهور من هالفشايل وبعد ساعه اتصل علي وقال بجيبها لك ولا انت تجي وانا ابوك قلت لا انا اجي وعطيته كلام يقوله لها ان مو كل مشكله تطير لاهلها وكأنهم المنقذ ..!تراي تعبت من الفضايح والمشاكل وعلمها ..و..و الخ والله اني جاي لبيته وان حبني على جبيني وقالي تحمل وانا ابوك مالك الا هي وهي مالها الا انت ..

طبعا كلكم بتسألوني أكيد انها ماسوت كذا الا لسبب قوي .. والله يا اخوان ويا اخوات انها مشاكل تافهه لاتخطر على بال احدكم ..! اضرب لكم مثال انها طلبت مني الذهاب للسوق الآن وكنت تعبان ومنهك من العمل ورفضت وأجلت السوق هنا تقلب البيت علي وتبدأ الشياطين تركبها وتبدأ معركة الخاسر فيها أنا طبعاً ..

باختصار والله اني تعبت من الكتابه..

قبل 6 شهور من الان حدث أمر لم يكن بالحسبان لا لي ولا لها .. كالعاده مشاجره وضرب وصراخ ...الخ كان مشكله تافهه ورب البيت .. كنا في الطريق الى الشقه والمشكله ان شريحه بيانات الانترنت لجوالها اختفت !! وصرخت علي قالت مايجي شي منك وفيه خير..! سفهتها لاني كنت تعبان جدا ومريض اتصلت على اخوها لان الشريحه كانت معه قبل ما امرها ..وصرخت عليه المسكين وقفلت الخط .. وترجع مره ثانيه للنكد حسبي الله عليك انا كم لي طالتبتها منك ويوم جت ضاعت بنفس اليوم (طبعا هي تبيها للبلاك بيري ) علما ان معها ايفون وجالكسي نوت وبلاك بيري .. وماقصرت عليها بشي .. طبعا سفهتها وقمت العب مع الولد .. هي هنا انفجرت قالت ماتبي ترد اجل سافهني هاه ...!!؟؟؟ اوريك والله ماتنام الليله بالشقه ! انا قلت اسكتي وتعوذي من الشيطان كالعاده تعوذت مني انا فقط .. وصلنا الشقه رحت ابي انام سكرت الباب وطفيت النور وفجأه جت وفتحت الباب وشغلت النور ونفضت الفراش ويالله قم شوف لك مكان تنام فيه !! حاولت معها مافيه فايده يابنت الحلال يالحبيبه ياللبيبه لاحياة لمن تنادي رجعت سكرت النور ورجعت للفراش تعباااان ,,رجعت للوضع السابق ومدت يدها واخذت بعض الجزم وانتم بكرامه ورمتها علي وبصقت من بعيد ..!! انا كنت متوقع منها كل شي وفي ليلة قد غابت فيها الحكمه وغاب الحلم ...! قمت ولأول مره في حياتي صفعتها على وجهها والله ان يدي تؤلمني من قوة الصفعه ! ثم رفستها برجلي اعتقد ان حوضها لولا ستر الله أنكسر .. وقمت وطلعت من البيت وانا اقول الوعد قدام والله ماعاد تشوفك عيني ... ومن ذاك اليوم الى يومنا هذا وكل واحد في طريق ..

قبل شهر دخلت في حسابها الخاص بتويتر وبحكم ان حسابها مربوط بايميل كان لي وارجعته واكتشفت انها تتكلم مع اشخاص وبالتحديد شخص كانت مشرفه بمنتدى تابع له والله يا اخوان ويا اخوات ان كلامها معه شيب رأسي !! آآآآه يالقهر كلام فيه خضوع بالقول وتميع وضحك وقلة حيا.. وصارحتها بالموضوع وردت ببرود انا ماقلت شي عيب ..!!!

الحكايه يا اخوان ويا اخوات مانتهت ولكن لعل الردود القادمه كفيله بإتمامها..

والله تعبت من الكتابه وحتى تشتت ذهني واسلوبي ..

سامحوني وادعوا لي

في أمان الله

استغفر الله خلقي ضاق
بالله وش رايك في شخصيتك بنت اصغر منك وتمد يدها عارف ليه تجاوزت كل الخطوط انت ماوضعت لها حد
امكن تعتبرها كبنت لك
وش هذا والله ماوضعت لو وضعت ماكان مدت يدها وحسبت لك الف حساب
صراحة نفسيتي تعكرت مااعرف وش اقول الاخوات والاخوة افضل مني
بس لازم تتغير معاها وتقوي شخصيتك حتى لو ان ضربها لك شيء لايقارن وتحن عليها لكن تذكر هكذا راح يزيد تمردها
اعانك الله

__________________
[COLOR="Indigo]اللهم اجعل حبك وحب نبيك احب الي من نفسي واهلي والماء البارد يارب ارضى عني وارضني يارب* ارجوا من كل من اسأت اليه ان يسامحني بالنسبة لي مسامحة الجميع
[\COLOR]

حياك الله أختي "انثى ابكت القمر" لكن المسأله تعدت ماكنت انتي وانا ابغاه .. المسأله الان تعدت الحل للأسف .. انا الان اسكن في مدينه وهي بمدينه تبعد عني 4 ساعات , ومعها ولدي الي يتفطر قلبي عليه الليل والنهار ! طبعا انا بعد ماطردتني من بكره توسلت لي اني ارجع وانا في دوامي ورفضت وارسلتي لي اني تعبانه ارجوك تعال واني احبك و...و...! واستمر الرفض مني طبعا وبعد شهر من سكني لوحدي طلبت نقل لمدينتي وتم النقل والان لي 6 شهور لحالي !

اعتذر في اشياء لم اقرأها جيدا لذلك كتبت ردي
زوجتك والله العظيم غير طبيعية اعتقد حتى لو حطيت لها حد ايضا مو طبيعية بمعنى طبعا بعد قرأت القصة <<< فشيلة
هذا تعاني من مرض يامس ياسحر ياعين وتحتاج متابعة الا ان يتم شفائها
او مرض نفسي
والافضل ان يتم علاجها بالطريقين يعني نفسيا وروحيا عند شيخ ثقة
في حالة تبين انه روحي اي مس ومن هذا القبيل حاولوا توقفوا العلاج مع الدكتور
استمر في علاجها
كلم اهلها او اي انت اشرط انك تأخذها للعلاج فقط
لعل الله يشفيها ويردها لصوابها
اكثر من الدعاء
سبحان الله يندر جدا ان يكون للرجل طولة بال مثلك لكن لعل الله رحمها بك لانها مريضة وفي غير وعيها
فلاتستغرب منها
العودة الى الله من قبلك وقبلها والتضرع والخضوع له سبب لحل الازمات

__________________
[COLOR="Indigo]اللهم اجعل حبك وحب نبيك احب الي من نفسي واهلي والماء البارد يارب ارضى عني وارضني يارب* ارجوا من كل من اسأت اليه ان يسامحني بالنسبة لي مسامحة الجميع
[\COLOR]

تماديها يعود لانك ما وضعت حدود لها...

ابدأ بوضع الحدود بشكل تدريجي...

و اخر الحلول الكي... ارسالها الى بيت اهلها في الوقت اللي تطلب منك انك تاخذها هناك... و طنشها تمامااااا... الى ان تعقل شوي و تحس بخطورة تصرفاتها... ارجع بيتك و ابدأ بالتدريج... و مع طلبها للذهاب... نفذ لها طلبها... حتى لو شتمتك ان بايع و انك ما تبي... خذها لهناك و قول لأهلها بحزم... اذا بترجع البيت فلي شروط لازم تُنفذ.... اهم شي لا تطلق.. لان لها حسنات... و لكن سلبيتها هذي مشكله كبيره جدا و تغطي على حسناتها...

__________________
يرجى زيارة موضوعي


http://www.66n.com/forums/showthread.php?t=251177

كلمكم الان يحاول طرح حلول ولكم مني جزيل الشكر والتقدير ولكن الحل انتفى مع الزمن لان المساله تعدت الوضع الي انتم تعتقدون .. الان هي مصره على الطلاق لسبب واحد وهو نقلي من الرياض لمدينتي الاصليه ولانها ماتحب مدينتي وتكره اني اسكن فيها وتكره حتى ذهابي لها اصرت على طلب الطلاق !! وهذا الي انا مابيه لاني متعلق في ولدي تعلق شديد والله اني اكلمه بين فتره وفتره احس ان قلبي يتقطع من القهر ..

رحماك يا الله

و نقطة تميعها في الكلام مع الرجال سلبيه كبيره بعد...

الحزم مطلوب منك..

و لكن بشكل تدريجي...

__________________
يرجى زيارة موضوعي


http://www.66n.com/forums/showthread.php?t=251177

ياليت المسأله مسأله تميع وبس .. والله اني عندي الان 750 رساله خاصه في تيوتر من شخص واحد .. تصدقون وصلت المسأله لاهداءات بينه وبينها لقصائد الحب والغزل ...!!! آآآآآه ياقلبي ومع هذا تقول انا ماقلت شي عيب وتنكر ايضا انها قالت هالكلام .. المشكله انها نحويه وتحب الادب والادباء (اي ادب والله انه قلة أدب) !! ووقع لي روايتك الجايه وانا بحضر عشان اشوفك وتسلمها لي بيدك و...و....الخ ياجماعه ماهو شي يشق المراره شق !!

الى الان ماصارحت اهلها بالموضوع نهائيا اقصد بخصوص الرسائل والخيانه المبطنه ! لكن انا ادري ان صورتي مهزوزه عندهم بشكل كبير ولان اصلا من 6 شهور ولا واحد من اهلها رفع السماعه علي واستفسر ..! حتى اني طلبت من اخوي اني اقابل ابوها واواجههم بكل شي ومسعتد اتحمل وارد على كل شي ولكن للاسف قوبل طلبي بالرفض منها اولا ..! بحجه اني خلاص مابغاه !! وهي في الاصل خايفه من فضيحتها لان حتى ابوها مايدري انها تمد يدها علي وتلعن وتشتم ...الخ

قبل شهرين وقبل سالفه التويتر والفضيحه اتصلت ابغى اكلم الولد كالعاده ارسل لها رساله اني ابغى اكلم ولدي ولما اتصلت ردت علي هي وقالت انت متأكد انك تبغى الولد !!؟؟ قلت اي نعم قالت طيب عندي كلام بقوله لك وسلمت علي ولاهي عادتها ابدا ودخلت بالموضوع وخلاصته اني ابغاك ولا اقدر اعيش من دونك وهي تقول هالكلام كانت تبكي ..! قلت لها تبغيني تعالي لديرتي انا الرياض خلاص ماعاد لي فيه مكان المهم املت علي شروط ثلاث منها تركي للدخان رغم انها في حياتها ماطلبت ترك التدخين ! ورجوعي للرياض .! والاعتذار لاهلها ...ههههه شر البليه مايضحك ..

خلاص هي تعودت عليك وعلى شخصيتك
وتعرف انك ما بتستغنى عنها وبترجعها البيت بعد لفتين او ثلاث !!
وتدري بعد انك بتشيل شنطها !!

وبعد متأكده تماما انك بتلبي لها كل طلباتها !!

هاي قليلة أدب
ما فيها لا مس ولا عين ومرض
هاي تحتاج تفهم شو يعني الزواج وشو يعني الزوج وشو حدود التبعل !!


وانت لا اتشيل شنطها
ولا توصلها البيت
تبا تروح بيت أهلها خلها اتدبر راسها تطلع وترد بروحها
بتيلس عندهم اسبوع اسبوعين وبترجع لك
خصوصا اذا هي مب موظفة وما عندها دخل خاص ف بتكون زيادة عبء ع اهلها


دام امها وابوها طيبين ومتفاهمين معاك خلهم صوبك واكسبهم وسوي معاهم خطة عشان تأديبها
ما فيها شي

وانت بعد عند الحزم خلك شديد وقوي ولا تيلس تضعف جدام وحده مثل هاي ما تحشم !!

عيل حد يفرفر نعل ع زوجها !!

شو هالتربية !!

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

شوف ياخوي اذا هي غلطانة 50%
ف سكوتك وتلبيتك لطلباتها وانك تاخذها ع قد عقلها واتسوي عمرك افهم واعقل منها
بعد نسبة اخطائك تعتبر 50%


يعني انتو الاثنين اخطائكم متوازنة

اذا هي قليلة أدب
ف انت قاعد اتساعدها في قلة ادبها لأنك سلبي ومواقفك كلها سلبية صراحة


تبدأ بالحزم والاسود اسود والابيض ابيض

تبا اهلا وسهلا ما تبا مع السلامة
وخل ابوها صوبك يعني اكسبهم ...
والله ييسر أمورك

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم