نفسي أكون بطلة قصة حب ..
إنسان يبادلني شعوري حتى لو بالكذب
دايما افكر ارجع لصديقتي
اللي كانت تحن علي اكثر من امي
لكن ما ابغى ارجع لوضع الاهانة والذل لغير الله
بس كل ما اقرأ قصة في المنتدى
وحدة تحب والثانية تعشق
أحس بنقص ليش مالي حبيب ..
الأفكار تلعب براسي لعب
دايما اصبر نفسي بالزواج
بس هل الزواج راح يشبعني ؟؟
يقولوا الزواج مافيه راحة ..
لكن انا واثقة في قول ربي (وجعل بينهما مودة ورحمة)
في الزواج مودة ورحمة وسكن .. حتى لو شوهو صورته المتزوجات
حسبي الله عليهم .. يعني اللي تحب تصورلنا حياتها مثالية وان عاشيقها ما مثله
وتجي المتزوجة تلعن سابع جد زوحها ..
وهي في الحقيقة مبسوطة بس مو حاسة بالنعمة اللي هي فيها
وأحيانا تكون تخاف من العين وتذم في الزواج ذم ..
هل حقيقي الزواج مافيه راحة ؟؟
والحب المحرم كله وناسة وراحة؟؟
يمكن الرجال لانهم خارج اطار الزواج ما يملكون الفتاة فيلعبون عليها بالكلام المعسول حتى يتمكنوا منها ..
ولما يكونو متزوجين ضامنين زوجاتهم معهم فيشبعوا حاجتهم بدون النظر لاحتياجاتها النفسية ..
بكذا صار الرجال انانيين وما لهم أمان .. يعني مستحيل نعيش الحب الصادق في يوم من الايام منهم؟؟