السلام عليكم ورحمة الله
من زمان وانا بتابعكم فى هذا المنتدى وبتعجبنى ارائكم وحلولكم المطروحة

اليوم بدى ياكم تشاركونى فى مشكلتى ودى حل لأنى خلاص ماعاد فينى

بقالى للحين سنة وشهرين متزوجة من قبل مااتزوج سألت زوجى أذا كان بدو أولاد قالى ايه بدو لأن سنو ماعاد صغير 35 وانا عندى 27 حتى انا مانى بصغيرة. حصل واتزوجنا. بالأول زوجى ماكان بدو يلمسنى. سألتو اذا كان فيه شئ قالى لا بس عشان اذا انفصلنا بيكون احسن هيك تكونى بنت... قهرنى والله بها الكلمة بعدين حماتى درت بها الموضوع من أختو لزوجى هو قالها راحت حماتى صيحت فيا وقالت كلام ناشف بعدين حماتى راحت كلمتو وقالتلو ايش فيك ويش راح تقول امها عليك وهيك كلام بس بوقتها لمسنى واتزوجنا سالتو يعنى لو ما حماتى قالتلك هاد الكلام ماكنت بتلمسنى قالى لا بس كلامها صح....
سكت وماتكلمت
لقيتو كل مرة بنام فيها مع بعض معليش على الكلمة (بيخرجهم براتى) قلتلو ليش مابدك أولاد
قالى لأ بنستنى سنة نتمتع فيها وبعدين بنشوف

هو سافر للعمل ببلد خليجى وبعدها ب 6 شهور انا رحتلو زيارة وللحين أنا معه بقالى ستة أشهر وبروح بلدى بعد 3 شهور

سألتو ليش مابدك مع أنو مرت سنة مثل ماقلت يقولى كمان سنة
مع أن ظروفوا المادية و الحمد لله معتدلة وانا معه مابطلب أى شئ كل همى أنى اسعده وبس
حتى أنى اعمل مثل ما قلتو هون فى المنتدى ليالى لا تنسى واخذت شوية أفكار منكم "جزاكم الله كل خير"
ومانى مقصرة معاه بشئ حتى أنى أسأله كل فترة (أنا سويت شى زعلك منى أو فيه كلام طلع منى ضايقك) يقولى (لا والله ما الاقى افضل منك) مع أن تصرفاتو تقول أحيانا أنو ما بدو يانى

انا كل اللى أبيه ولد ماهو عيب وانا صابرة معاه على كل شئ بس شكلو ما بدو نجيب أولا

أذكروا بأن اللى بيسوية حرام وأن الله بيرزقوا برزق ها الولد

لكن لا حياة لمن تنادى

أخاف اول ماروح بلدى حماتى تسألنى أقولها مافيه حمل وراح اقولها أذا بدها شئ تسأل ابنها راح هيا تضغط عليه والاقيه ساعتها بدو أولا لمجرد أن والدته قالتلو هيك راح ينزل من نظرى جدا أكتر

شو أسوى أنا صبرت سنة وشهرين مافينى اصبر أكتر حتى أمى أنا تقولى الناس كل شوية بيسألوها (ها فيه ولد جى بالطريق؟ تقولهم كل شئ بأوانه) أنا قايلة لوالدتى انو هو مابدو أولاد قالتلى اله يهديه ومازودت بس اليوم قالتلى ان الناس كلهم بيسألوها ليش مافى أولاد

أنا ما يهمنى الناس بشى أنا نفسى ولد لأنى نفسى يكون لى أبن "هيدا حقى"

مادرى ايش أسوى ........... والله تعبت من الكلام معاه فى هاد الموضوع وأشوفو بنفس الوقت يحب ولاد أخواته ويلعب معاهم

والله بموت من قهرى .....................شو أسوى

أنا متعجبة خصوصياتكم منشورة للعايلة الكريمة!!!!!
وحماتك عندها جرأة تخاطب زوجك مواضيع خاصة!!!
كيف نفسك قابلة تسمحي لﻵخرين يقحموا نفسهم في حياتك الزوجية ويتجاوزوا الحدود!!!!!
ثم تأخير الإنجاب هذه من الأمور تتفقي فيها مع زوجك ،،،، ومحد له دخل،،،،ليش اﻵخرين مؤثرين فيك لهذا الحد؟

أختى أنا ساكنة ببيت عيلة حماتى ساكنة تحتى أختو لزوجى ساكنة أمامى أخوة ساكن فوقى وأختو الثانية ساكنة فوقه... يعنى أنا محاطة من جميع الجهات

حماتى بالنسبه لها هاد الشئ عادى انها تتكلم بهيك مواضيع ...فيه أشيا انا استحى احكى عنا و صديتها كم مرة بالذوق طبعا ... بس فيه أشيا اعرف انها كلمت زوجى عنها منو ... أقولو هيك أشياء خاصة ما ينفع ولا حدا يكلمنا فيها وليش حكا شى هيك لأختو قالى هيا سألتو ايش الاخبار قالها احنا براحتنا وبس راحت هيا قالت لحماتى وحماتى ماقصرت معايا فى الصياح.............. بصراحة من صدمتى من صياحها ماعرفت أرد عليها قلت لزوجى ما ينفع أختك تروح تقول لحماتى أى شئ هاد خصوصياتنا قالى ايه معاك حق باين انو اتكلم معاهم ......... بس من أول ما سافر بدأو يتدخلوا مرة ثانية ........ أقول انهم بيسوا هيك لأنهم فاضيين ويقول المثل " الفاضى يعمل قاضى.... وحماتى كبيرة بالسن وعليا أنى احترمها أحاول بقدر الامكان أنى أمنعها من التدخل حتى أنى ما بقيت أجلس معها إلا ساعة واحدة باليوم ما أزود عشان ما يكون أمامها مساحة للتدخل .. بدأت تسوى أشيا ثانية تضايقنى... ميشان ماطيتها فرصة تتدخل ... صوت أروح عند والدتى أجلس معاها ارتاح من وجع الراس بالشقة.
أما بالنسبة لوالدتى هيا نفسها تشوف حفيدها منى خصوصا بعد ماتوفى والدى (الله يرحمه) وانو كلنا بنات .. نفسها تطمئن على ... وبمجتمعنا أول ما الواحدة تتزوج يسأل الناس ها صارت حامل ؟ وهيك
صدقينى أ،ا ما يهمنى أى حدا ... أنا عن جد بموت على طفل نفسى أصير أم

لازم تحاولي تعرفي سبب هالتصرف منه !!

__________________
... ( بالحب نعيش أجمل حياة ) ...

مشكورة أختى

حاولت وحاولت وحاولت
كل مرة يقولى أحنا اتفقنا أقولو اتفقنا على سنة مو أكثر يقولى ما يخسر سنة كمان

اقولة من ايش خايف خايف من المصروفات يقولى لا اقوله ليش هيك يقول بدى نستمتع
(مع أنو بالأجازة نايم يصحى ناكل وبدين ممكن نخرج أو بيروح ند حدا من أصحابه ومرة يرج متأخر جدا ومرة يرجع على منتصف الليل نتفرج على فيلم وننام ( وين الاستمتاع)

أقوله قدر أن الله أصابنى بمرض وماعرفت بعدين أجيب أولاد يقولى بعيد الشر ليش هيك أوقله حينها والله انى ما بسامحك ... وإذا منعتنى أنى أجيب أولاد أبد ماراح أسامحك أبدا

ذكرتو بآيات من القرآن والأحاديث ........ بس ما فيه نتيجة

هذا مثل زوجي بعد ان انجبنا ابننا الاول قرر انه سيكتفي به
ربما هو يخاف المسؤولية و الانفصال
هل لمحتي بانك تريدين الانفصال؟؟؟
الرجال اغلبهم عندما تاتين عكسهم هو يأتون بنفس اتجاهك لذلك حاولي ان تبيني انك لا تريدين اطفال و انك تريدين التمتع بحياتك
ربما عندها سيعاندك و يقول بانه يرغب بهم

__________________
لاتضع كل أحلامك في شخص واحد ...ولاتجعل رحلة عمرك وجه شخص تحبه مهما كان صفاته ولاتعتقد ان نهاية الأشياء هي نهاية العالم
فليس الكون هو ماترى عيناك

[img]http://im33.***********/edShu.gif[/img]

تعرفى لو جبنا واحد برتاح لانى أمنيتى أكون أم
لا والله ابدا ما ذكرت الانفصال ممكن بأول زواجنا قلتلو انو كان ما بدو يلمسنى لأنو بدو يتركنى يقولى لا أبدا بعدين بالنسبة لموضوع الأولاد أقوله انت مابدك أولاد لأنو بدك تتركنى يقولى لأ كل شئ بوقته أقوله امتى وقته يقول مادرى... اقوله عطينى ميعاد يقوم يمازحنى يقول عشر سنين

اشوفو يلعب مع ولاد اخواته اتضايق جدا ... بآخر مرة ابن اختو طفل حوالى خمس سنوات قاله امامى متى بتجيبو ولد بدى العب معه اقول لزوجى ماراح نجيب اولاد قام زوجى خرج الولد من الغرفة وقالى ليش ان شاء الله بنجيب اولاد اقوله متى يقولى مادرى

راح يموتنى انا مانى بصغيرة وهو كمان ...

شيروا على ارجووووووووووووووووووووووووووووووووووكم

أهلا بالعصفوره .. عجبني معرفك
عندي كم سؤال يمكن نعرف شيء من خلال اجاباتهم

1- كيف كانت طريقة زواجكم ؟
2- هل كانت له علاقات أو خطوبة سابقة ؟
3- هل تلاحظي عليه علامات علاقة بأخرى حاليا ؟
4- هل يعاملك بثقة وللا تشعري بانه شكاك ؟
5- كيف علاقتكم الخاصة خلال زواجكم ؟ من حيث تجاوبه وانفعاله معك وأيضا عدد المرات بشكل عام .

فهمت من كلامك أنه علاقتكم بالنهار عادية .. ويمكن تعتبر بارده بالنسبة لعرسان ..صح ؟

__________________

1- طريقة زواجنا تقليدية - يعنى زواج صالونات
2- نعم كان خاطب بالسابق - وانفصلوا لمشاكل بيناتهم
3- لا هو من هاد الناحية واثقة فيه تماما ما ليه أى علاقة بأى واحدة
4- الحمد لله يعاملنى بكل ثقة
5- علاقتنا الخاصة ماهى فاترة يعنى ممكن بفترات كل يومين أو ثلاثة على حسب ... الحمد لله كل فترة بجدد من نفسى ... بس هو من الأول اهتمامه الاول بأهلة وبعدين أنا كتير بيجلس يتصفح الفيس أو البرامج الاخبارية... أصحابه كتير بيذهب لزيارتهم ... هاد من أول ماتزوجنا وهو هيك

أها ... ما دام شعوره ناحيتك شعور طيب وعنده ثقة فيكي وما دام واثقة فيه معناها الأمر ما يتجاوز احتمالين
إما أنه لا زال متأثر من مشاكله مع خطيبته السابقة وخايف يتخذ أي خطوة يكون فيها التزام لخوفه من امكانية الانفصال .. بالأول كان خايف من خطوة الدخول والان خطوة الأطفال .

أو أنه فعلا مستمتع بوضعكم الحالي وما بدو تحملي ويبدأ الوحام وبعدها تغير في جسمك وبعدها انشغالك عنه بالطفل ..
أوك انتي مش مستمتعه بهذا الوضع لكن شعورك بأنه تزوجك من أجل العلاقة الخاصة يوحي بأنه هو مبسوط بهذا الجانب وهو جانب مهم جدا للرجل عادة .. ولاتنسي الهدوء بالبيت وانتي فاضيه له ولطلباته .
وهذا هو قصده بأنه يرغب بسنة اخرى من الراحة والمتعه ...

وبعد كل هاللفة نرجع لرد أخونا الفاضل النور والحنان وفيه الحل ..اولا بالتسليم بأمر الله والطلب منه لأن الأمر بيده حتى لو حاول زوجك يمنع .. وثانيا استخدمي ضعفك

وثالثا حسيت من موقفه مع والدته بأنه من النوع اللي ممكن تطلبي منه حقك بقوة وبأنه مو من النوع اللي يعاند لو طلبتي . فإذا كان هذا صحيح فتقدري تواجهيه بأنه هو مرتاح لكن الوضع بالنسبة لك غير مريح فإما أن يستغل هذي السنة بأمور تكون ممتعه لكم الاثنين واطلبي اللي ببالك من سفر وطلعات وتواجده معك بالبيت أكثر من تواجده مع اصحاابه أو تصري على موضوع الحمل وبأنك مصره على المطالبه بحقك ومثل ما يقولوا الزن اقوى من السحر
ورابعا الدعاء
ربي ييسر أمرك ويسخر لك زوجك ويرزقك الذرية الصالحة .

__________________