السلام عليكم ورحمه الله وبركاته


اخباركم ياحلوات

ادري بتقولون مو صاحيه لسه بالشهر الثالث وافكر بالولاده بشكل مو طبيعي والله اني كارهه حملي من الخوف اتمنى لو اني ماحملت

خووووف ورعب ماانام بالليل من كثر التفكير راسي بينفجر


انا انسانه بطبعي اخاف من ظلي والله اني مادري كيف ولدت مرتين ومشكلتي مو في الالم مشكلتي بالخوف

في ولادتي بولدي الاول من حملت وهو مهدد بالاجهاض نزيف وجلست شهرين ماتحرك وتدمرت نفسيتي وولدت ولاده مبكره وماكنت اعرف ولاشي لاقريت ولا سالت حتى الطلق مااعرفه

ماكنت اسمح ل احد يعلمني عشان ماخاف وجاء اليوم الموعود ياسلام كنا برمضان وكنت رايحه ازور وحده نفاس وتعبانه بس مادري انه ولاده ومعاي طلق واحسبه امساك وانتم بكرامه وكل شوي اروح للحمام واتعصر ربي رحمني ماطاح الولد

المهم نزل معاي نقطه دم ورحت المستشفى قالت الرحم مفتوح 1 ونص سم والله لما كشفت كل الناس تسمع صرختي بغيت انجن وجلست ارجف اسناني تصفق ببعض خوف غير طبيعي وكان حر ورجعت للبيت واتغطى باثقل بطانيه ولاتدفيني المهم كان وقت صلاه القيام راح يصلي زوجي وبعد الصلاه رحنا للحبيب وقالو مو ولاده انتي لسه بدري عليك وعطوني حبوب ومسكنات وطلعت بس كشفو علي كشف احسهم طلعو قلبي من محله

رجعت البيت ونمت بعد الفجر لما جت 11 الصباح وانا نايمه اسمع صوت واحس بالبلل والا المويه انكبت وطبعا ماعرف شي بغيت انجلط
واطلع للحبيب بسرعه قالو مفتوح 3 سم خلاص ماتطلعين ولاده وكل تقريبا عشرين دقيقه او ساعه مااذكر كانو يكشفون كنت احس انه سكرات موت الطلق اهون مليون مره من الكشف بغيت افقد عقلي الم لايطاق واطلب بنج ولا احد يعطيني يقولون حطينا بوسكوبان بالمغذي بس انا ماتخدرت واعطوني كمام ولاتخدرت

والله يابنات لحد مااذن المغرب ولدت شفت الموت ولحد مااموت ماقدر انسى ذاك اليوم اتخيله الحين صاير معاي مع انه قبل ثلاث سنين بس شي عجيب الله يعظم اجرنا بس


حلفت بولدي الثاني اخذ ابره الظهر من حملت وانا ادعي اني مايصير لي مثل حملي الاول وان ربي يسخرهم لي ويعطوني الابره

كنت حاطه فلوس ع جنب بدفعها قبل الولاده ل ابره الظهر من خاف سلم وكنت بسال الدكتوره اذا يقبلون يسجلون لي بملفي اني دفعتها ويعطونها لي ومتحمسه كنت

المهم حجزت موعد الاحد الساعه 9 الصباح مع سلوى السودانيه بالحبيب الريان
سبحان الله السبت كنت احس بكتمه وضيقه صدر ومغص بس انا احسبه من القولون وامساك سهرت ذاك الليل وقلت بنام بعد الفجر اصحي زوجي لدوامه وانام لحد ثمان واطلع لموعدي

صليت الفجر قال زوجي لاعاد تنامين صحيني سبع ونص وبعدين نامي وانا منسدحه ع السرير واتابع فلم الا تنفجر المويه طبعا اذا انفجرت احس بنفضه وبرد مو طبيعي واصحيه واصارخ وبسرعه رحنا وصلت المستشفى وانا ميته رعب من الكشف

وتكشف بغت تنجلط الدكتوره قالت مفتوح تسع ونص سم قالت انتي مجنونه كنتي بتولدين بالسياره ولاشعوريا جلست اضحك من الفرحه انهم ماراح يكشفون طلعوني فوق واول ماحطوني وانا ادفع ووسعو لي وطلع مااخذت نص ساعه

ماقدر اوصف لكم فرحتي كنت مواصله مانمت وجلست لين الليل مو قادره انام ودي ارقص من الفرحه

كنت شايله هم الكشف وربي نجاني منه

طبعا فرق بين ولادتي الاولى والثانيه والحين ثالث حمل وحاسه انه زي الاول من الوحام اللي شفته شلت هم الولاده احس البوادر تذكرني بولدي الاول

والله افكر ليل نهار ودي اولد قيصري بس خايفه

انا ودي مااحد يكشف علي قمه الرعب الكشف والله اتمنى الموت ولا الكشف شايله همه صح بدري بس مرعوبه

بنات ابي مستشفى مايعور كشفهم انا اتابع بالحبيب الريان وابي ادق التفاصيل عن ابره الظهر ومتى اروح اخذها انا ابيهم يحطونها اول مايكشفون يعني مره وحده كشف راضيه بس اكثر من مره مااقدر اخاف افقد عقلي من الالم

وسمعت ان فيه قسطره ايش القسطره ذي وتعور ولا لا انا ضربت الابره عادي مو خايفه منها لانه عادي متعودين ع الابر بس مابي احس بالكشف والخياطه هالشغلتين اهم شي حتى الطلق عادي شي من نفسي اقدر اتحمله بس مااتحمل احد يوجعني


عطوني رايكم كيف اتخلص من هالخوف وانا مشكلتي اصارخ بشكل مو طبيعي من يقربون مني قبل مااحس بشي ودي ابطل هالعاده القبيحه احسهم يحسبوني مجنونه ههههههههااي يامن يلومنا


ياعمري يالحريم تتعب وتعاني والرجال نايم ويدقون يبشرونه

والله حالفه من غير شر انه اخر حمل لي بس الله يرزقني ببنت لان نفسي ببنت


صدعت بروسكم بس ابي افضفض ومروعبه ابي احد يطمني

احكو تجاربكم بالولاده وكيف كانت ووين ولدتم وكيف الخياطه

صح مفكره اخيط تجميلي من جربت وباي مستشفى؟؟

شاكره لكم

والله انا كل ثانيه ولحظه افكر بالكشف والمه ‏‏ ‏،‏ بمحمد كنت مثلك اخاف من الكشف اكثر شي وزياده على ذلك ما ولدت الا بطلق صناعي ‏‏>‏‏>‏‏> فيس يبكي
والطلق الصناعي موووووت والله ما اقدر اوصف لك المه إلا انه اضعاف اضعاف مضاعفه من الطلق الطبيعي ‏

والله جاني صداع من تذكرت الولاده ‏

انا الحين بالرابع لكن بالي مشغول بالشهور الآخيره والولاده تحديدا وخايفه من الطلق الصناعي ‏

ياربي تهون علينا ‏

صدق من قال سلو العائدات ‏

الوحم عندي كان متعب جدا مقارنه بالسابق الله يهون علي الولاده ‏

وحدانيه الله يهون عليك حملك وولادتك ويقومك بالسلامه يارب

__________________




سبحان الله وبحمده ♥
سبحان الله العظيم ♡
♥♡♥♡♥

ياهلا ام محمد

اعطيتيني معلومه جديده ومرعبه مااعرف الطلق الصناعي شكله يخوف وان شاءالله مااحتاجه لا انا ولاغيري يارب
انا نفسي اعرف فيه تقنيه غير الكشف ياناس الطب تطور ليش طريقه الكشف التعذيبيه ذي ولا باليد وانتي وحظك تطيحين بدفشه ولا وحده طيبه

انا من قرادتي كلهم باكستانيات ويدهم كبر راسي والله من تلبس القفاز وانا اشغل الصراخ رعب اصلا يمسكون يديني ويكتفوني مثل المجنونه

يارب هون علينا وشيل هالهم والخوف من قلوبنا ويجعل ولادتي وولادتكم سهله ميسره

انا افكر لو جتني الولاده اجلس بالبيت لحد ماتفتح المويه طبعا تعودت كل ولاداتي تنفتح المويه فجاه بالبيت وافكر اطول ببيتي لين اتالم مره واروح لهم واصله

ومرات افكر اول مااحس بمغص اروح عشان اخذ ابره الظهر من بدري بس قريت انهم يعطونها اذا فتح 4 سم وطبعا ع بال مايفتح بيكشفون كم مره وهذا اللي مطير عقلي

وعليكم السلام ورحمة الله وبركاته ..
حبيبتي أسأل الله أن يقومكِ مجبورة الخاطر أنتِ والبيبي ..
امشي امشي وكلي تمر رطب ..أكثري من السؤائل ..
المشي يسهل الأمور عليكِ مع التمر ..
حفظكِ الله ..

وحدانيه
تبين شوري ومن تجربتي

بولادتي ببنتي
كنت رافضة أروح المستشفى لحد ما يستوي الألم, انفجرت الماي ورحت
وفعلا رحت عندهم وفحصتني وحدة فحص خفيف وكنت تقريبا فاتحة 4 سم ما كملت ساعة الا وانا والدة

بولدي أحمد
تفلسفت من نفسي ورحت لهم من وقت
شفتي خلوني حقل تجارب ودمرن نفسيتي من الكشوفات والقرف
شلت نفسي وطلعت من المستشفى
وما رجعت لهم الا وانا مستوي الالم عندي
ووصلت فحص سريع ثم ولادة

حبيبتي نصيحة
لا تروحين لهن الا وانت موجوعة فعلا مو دلع
مادام ما نزلت الماي ووضعج تمام اصبري في البيت
لا تخلين نفسج لعبة بين ايديهن

والله امي وخواتي الحارات
مثل ولادتج الثانية
ما تلحق تفحصها الا هن خلاص ولااااادة

وحدانية توجعين لي قلبي
نفسيتج متوترة بشكل كبير
ساعدي نفسج اختي
لا تبقي عرضة للتوتر والقلق

__________________
الحمدلله الذي بنعمته تتم الصالحات

الله يهون علي وعليك



بدأ العد التنازلي
انا على نهاية الثامن ...

وكل خوفي من الولادة ظهري الآن ما يتحمل مشي او جلوس كيف الولادة

وافكر بالإبرة بس ما أدري ليش متردده

الله يهونها يارب

أول شي الله يقومك بالسلامه ويهون حملك ويتممه على خير ويسهل ولادتك ويجعل اولادك قرة عينك

شي ثاني اكبر سبب لكل أوجاعك وألآمك وقت الولاده هالصراخ والتوتر هو ساس البلاء
كل ماكنتي أهدا كل ماحصلتي على ولاده أسهل وأسرع
الصراخ يسبب لجسمك توتر وشد وكل ماتوترتي الوجع يزيد
أكيد مافي ولاده سهله بس لازم وضرووووري جداً تحاولي تهدي نفسك توكلي على ربك والله بيسرها
أنا من أول حمل لي قرأت كثيييير عن وقت الولاده وبرمجت نفسي من بداية الأشهر على أني مارح أصرخ قدر الأمكان وبحاول أخذ نفس بكل طاقتي شهيق وزفير لأخر نفس شهييييق وبعدها زفير مع ذكر الله والدعاء والحمدلله وقت الولاده والطلق الي يسبقها حاولت اعمل كذا قدر الأمكان خليت كل طاقتي تروح للأخذ النفس بدل الصراخ وشد الأعصاب اكيد مايخلو الموضوع من كم صرخه بس هالشي ساعدني كثيييير خفف الألم سبحان الله
حتى الدكتورة الي كانت مشرفه علي سمعتها تهمس للي جنبها وتقول ماشاء الله عليها هاديه مع انها بكريه
وبكل ولاداتي الثلاثه حاولت اعمل نفس الشي
كل ماكنتي اهدا كل ماحصلتي على ولاده أسهل
صح الموضوع بيكون عليك صعب بس انت اقنعي نفسي أنه ربي بيسهلها وانها معاناة ساعه والا ساعتين وتشوفي البيبي الي بينسيك كل الألم وانك على كل وجع وكل طلقه ربي يأجرك والله بيعينك اهم شي تدخلي بنفسيه هاديه مطمئنه وذكر الله خليه على لسانك والدعاء ام الصراخ والتوتر كلها تصعب الموضوع اكثر

شوفي وقت تحسي بأن الولاده حانت خذي دش دافي اذا تقدري واشربي كوب نعناع علشان الاسترخاء وعلشان تهدي نفسك وخذي معاك تمر تكوني مجهزتيه وماي زمزم تشربي منه وقت الطلق وتمسحي على وجهك وبطنك والتمر بين كل طلقه وطلقه كلي حبه سبحان الله مفعوله زي السحر بفتح الرحم

وبالنسبة للقسطرة المها لايكاد يذكر شي بسييييط جداً

نسيت أقولك وقت الكشف خذي نفس عميييق وحاولي ترخي مارح تحسي بالم قوي ابد
ربي يسهلها يارب وصدقيني رح تلاقي فرق لو عملتي الي قلت لك عليه وخليك من ابرة الظهر اثارها تبين بعد الولاده

موفقه حبيبتي

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

أم محمد

ذكريات لاتغيب

الله يهونها عليك ويرزقكم ولاده سهله ميسره وربي يجعل أولادكم قرة عين فكم راجعو ردي فوق ان شاء الله يفيدكم
والله يرزق كل محروم
اللهم اميين

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

ما شاء الله عليك ندى ‏
والله انا بوقت ولادتي حسيت ان الموت اهون ،‏ ما ادري احس ان الالم الطبيعي اهون كثيييييير من الصناعي
بس لجأو للصناعي لأن تعديت وقت ولادتي بأربعه ايام وكان يدوووب وجع بسيط يروح ويجي كنت كملت تسعه شهور و14‏ يوم ‏،‏ يعني دخلت بالعاشر ومافي شي ‏

ان شاء الله ربي يهون هالمره وما احتاج لطلق صناعي ‏

ووعد شرف اذا ما عطوني الصناعي ما راح اصرخ ‏‏ ‏،،‏ ان شاء الله يعني ‏
ياربي تغفر لي ‏

وان شاء الله اعمل مثل ما قالت فكوهة ‏
ما راح امشي المستشفى الا بعد يتمكن فيني الالم ‏‏>‏‏>‏‏> هذا اذا جا لوحده اما اذا ما جا فعلينا وعليكم السلام ‏‏ ‏

وكمان عشان اتفادى الكشف ‏

الله يسهل على الجميع يارب ‏

__________________




سبحان الله وبحمده ♥
سبحان الله العظيم ♡
♥♡♥♡♥

والله أنا ولدت ثلاث ولادات الحمد له ولا عمري فكرت بالكشف ..
بس أنتوا ألحين دخلتوه ببالي ..
أخاف إنه يرسخ ببالي موضوع الكشف وتجيني عقدة بعدين


لا تصرخون يابنات أرجوكم ..
والله الصراخ مافيه فايدة إلا بيتعبكم ومايخليكم تركزون بالدفع ..
وبعدين لا تفكرون بالولادة .. خلوها بوقتها ايش ماكتبه ربكم بيصير ..
يعني التفكير الحين بيغير من ألمها او بيخفف منها ؟؟
وبعدين هاذي تجربة جدا جدا حلوة ..
حاولوا تستمتعون فيها .. والله شي جميل لما تفكرين إن تعب الحمل تسع شهور قريب يخلص ..
والبيبي إللي كان يركل ببطنك ويتقلب راح تشيينه بإيدك ..
أنا طول فترة حملي أكون مشتاااقة متى أربي عشان أشوف بنتي واحملها بيدي وأحضنها ..