السلام عليكم ورحمة الله وبركاته ..
أنا مطلقه من سنتين ونصف وعندي ولدين ، مع انه مافي سبب واضح للطلاق بس مع اول مشكله طلقني !! صح يمكن أنا اللي بديت السالفه بس كنت أبي حقي ماحاول يتفاهم مع ان زواجنا دام 7 سنوات !! من اول جلسه بينا للتفاهم طلقني ، جالسه الوم نفسي يمكن انا اللي جنيت على نفسي بس ارجع واقول الطلاق بيده مو بيدي والله ماوضع القوامه بيد الرجل الا لانه يفكر بعقله صح والا لا ؟؟
والله العظيم تعبانه نفسيتي تعبانه كل ماشفت اولادي بكيت وقلت ياليتني ماطلبت ولا قلت ولا اشتكيت ، حاسه نفسي اني حرمتهم من بيت ابوهم ، حاسه نفسي ظلمتهم الوم نفسي كل شوي والله حتى النوم ماانام مثل الناس ،
ليش الرجال مايفكر باولاده قبل لا يطلق ؟؟
7سنوات زواج مو هينه ، بنيت فيها احلام وامال بس للاسف في لحظة غضب وتسرع انهدم كل شي كل شي ،
حاسه بحرقه وخيبة امل ..
احيان اقول ليته سوى مثل بعض الرجال وخلاني معلقه يمكن كانت بتنحل الامور وارجع ،واحيان اقول مايستاهلني فرط فيني من اول مشكله، واحيان اقول قضاء وقدر ، واحيان واحيان ....
اللي متعبني اللحين تانيب الضميروالله العظيم تعبني ذا الضمير أبي حل اذا احد يقدر يساعدني.