السلام عليكم ... من زمان انا متابعتكم بس لمن ضاقت علي الدنيا مالقيت غيركم المهم انا عمري 26 سنه وموظفه ومرتاحه الحمد لله خطبوني ناس كثير اكتشفت اني مسحوره والحمد لله اتعالجت وتعبا كثير حتى تم علاجي وبعد العلاج انخطبت وكمان ماصار نصيب فيه بعض الاحيان فيه اسباب والبغض الاخر مافي سبب واضح المهم زمان كان هذا الموضوع شاغل بالي كثير بس اللحين جاتني قناعه واصبر نفسيبس مشكلتي الكبيره المجتمع صديقاتي في العمل واقاربي دايم علامات التعجب في وجههم اني ليه ما تزوجت والكل يدعي لي بالزواجوبعضهم يقولو كلام كثير جارح ابقى طول الليل ابكي بسبب كلامهم والله حتى فكرت استقيل بسببهم انا راضيه بس مو قادره اوجهه الناس عيني يبين عليها اني انجرحت تخيلو وحده تقولي غريبه وجهك بشوش بالرغم انك مو متزوجه ليش البشوشه بس المتزوجه وش اسوي ؟؟ دلوني قلولي وش ارد عليهم كيف اواجهه المجتمع اقاربي اقدر ابعد عنهم بس اصدقاء العمل كل يوم اشوفهم اشلون اواجهم يمكن الله مو كاتب لي الزواج ليش يبغو يكسروني ليه يجرحو انا اسفه كلامي مخربط بس محتاجه افضفض ابيكم تنصحوني

نفس الكلمات اللي تنقال لي بل و البعض يقولها بكل صراحة من الخبل اللي طلقك و اسمع كﻻم كثير مثل كذا

بس تظنين اني اهتم ..! أبداً وﻻ على بالي لان كﻻمهم يا اختي ما يقدم النصيب وﻻ ياخره

مفروض لما تسمعين زي كذا تزيد ثقتك بنفسك و تنبسطين انك انسانة بشوشة و شخصيتك مطلوبة بين الناس

الكﻻم لما تسمعينه اذا كان سلبي ﻻ تفكرين فيه كثير و انتي بقدرتك بتفكيرك تستطيعين تحولينه لايجابي يرفع من معنوياتك

فيه بعض الناس تقول ﻻ تسمحين ﻻحد يتكلم معك كذا و انقال كثير .. طيب انا هل عندي قدرة على غلق افواه الناس

ترى حتى الجبابرة و اللي شخصيتهم قوية يتعرضون لكلمات تهزهم من الداخل لكن كان لهم ردات فعل أيحت للمتحدث أنهم ما يهتمون

عشان كذا صار عندهم الامر عادي و ﻻ يؤثر عليهم أبداً أبداً .

شوفي اختي ابقولك عني انا زمان كنت اتاثر مثلك لكن بعدين سويت طرق تعامل كثيرة فيه اللي مشى و فيه اللي انفهم غلط

يعني مافي شي ثابت و إذا مرة مرة ساءت معك تقدرين تقولين ياجماعه ستوب مااحب الكﻻم في المواضيع هاذي

انا واجهت ناس من اقاربي و مجتمعي كلما شافوني الله يعوضك و كاني اشتكيت او كأني تالمت من وضعي

مع اني انخطب و ارفض و يدرون بس تتوقعين وش تفسير دعواتهم هاذي ..!

فضول و ثرثرة ما منها فايدة يا انها تبي تتلقف و تعرف وش جديدك أو كيف نفسيتك تجاه الموضوع هذا

يا اما انها فعﻻ حزنانة عليك و تبي لك الخير

طيب اذا كانت فعلا تبي لك الخير هل هذا اسلوب ايجابي لكي تدعمني به .... ﻻ طبعاً

هل فيه فايدة من ردي عليها ... اكيد

ﻻن على حسب الاجابة راح تتكلم معك

فنصيحة لك يا اختي اللي يتكلم معك كذا او يبدأ يسأل اسئلة ﻻ تروق لك

حولي دفة الحديث له و اسأليه بدل ما يسألك

انا كذا ارتحت مرررررة و اتقيت شر الطفيليون من حولي

ﻻ تتأثري بكﻻم يوديك ورى ... حافظي على توازنك و نفسيتك اهم شي انتي و غيرك مو مهم

الله يسعدك و يوفقك

__________________

‏
الوعي هو الملاذ ..

أستغفر الله العظيم ؛
( الفردوس غايتي )

جاوبيهم بهالكلمتين واحفظيهم عدل قوليلهم لاحقه على الهم وانا كذه مرتاحه ومستانسه والله عاد مستكثرين عليش البشاشه استغفر الله الله يوفقش ويسهل امورش ويرزقش بالرجل الصالح

عمرك 26 سنه وتقولين تأخر زواجك ؟؟؟؟
والله العظيم اعرف بنات كثير ماتزوجوا الا بعد العمر هذا ، ياختي عيشي حياتك وفي زوجات كثير حاسدينك على حياتك لا تفكرين .
الله يرزقك بالزوج الصالح يااارب .

أختي الكريمة سأبدأ بقوله تعالى: عسى ان تكرهوا شيئا وهو خير لكم.
هذا الاسبوع سمعت خبر فتاة اعرفها منذ زمن تزوجت مؤخراً وهي بنت 37 سنة.
صدقيني لك يوم سيأتي ان شاء الله. اكيد ، انت فقط اعتني بحياتك بطريقة عادية ولا تشغيل بالك بالقيل والقال ، ولا تنسي ان حتى المتزوجات يعانون في زواجهم انا من أزواجهم او من أشياء اخرى
وأكيد سير رقم الله بما ترغبين ولكن هي فقط مسالة وقت وما ذلك على ربك بعسير

اعتني بحياتك ولا تضيعي وقتك في التفكير ، فانت ما تزالين صغيرة وامامك كل المستقبل

ردي وانت تضحكين( انا بشوشة لاني مب متزوجه ) عادي احرجيها كذا بتنحرج .. اتبعي اسلوب اني عايشه حياتي بالطول والعرض بيني لهم ان الزواج مب هدف اساسي لك انا اهم شيء الراحة حتى لو كان هدفك الزواج بشكل اساسي بس لاتبينين للناس ان كلامهم يهمك ..
مره وحده سالتني ليش الى الان ماتزوجتي وش ناقصك رديت عليها النصيب وانا اضحك واقول لها ترى العزوبية حلوه... انحرجت المراه وحسيت ان وجها تغير وقامت وماعاد اسالتني..
ليش تبينين للناس احزانك ومشاكلك انت لك رب هو اللي يعرف مب الناس..
وفقك الله ياحبيبتي

الله يرزقك الزوج الصالح أفرحي وعيشي حياتك وألله نضيع عمرنا في التفكير في الزواج وفي الآخر يارائت صار الزواج زي زمان إلا معظم الشباب مايستاهلو أحد يفكر فيهم أنا كنت زيك أكتب ؤاتزوجت وعمري 32 السنة إلا فاتت وحملت وولدت من شهرين والان عندي قضية خلع وألله أكتر شيء ندمت عليه أنو تفكيرى كان في الزواج الله يعوضنا خير عيشي حياتك ؤربي يكتبلك أن شاءالله الخير ويرزقك أفضل من ماتتمني

__________________
ياررب ارح قلبي وعوضني خير

وعليكم السلام ورحمة الله وبركاته ..
مرحباً أختي الكريمة ..
لاعليكِ من كلام الآخرين ولا نظرتهم ..وهذا رزق ورزقكِ بيد الله وليس بأيديهم ..!
أخبريهم وبكل بساطة رزقي لم يأتي إلى الآن وأحمد الله عكل ماكتبه الله ..
سواء تزوجنا أو لم نتزوج فالأخرين وكلامهم لن يتغير ...!
ابتسمي وكوني كما أنتِ ..
وجبر الله قلبكِ بكل ماتُحبين ..

اسالك الله ان يرزقك وكل بنات المسلمات ازواج صالحين مازلت صغيره وبتاجرى على صبرك الاهم هو رضا الله ولايهمك كلام الناس كلامهم مردود ليهم

__________________

يووو ي عمري بالله من جدك تعطينهم وجهه
وتخلينهم يفلونها معك لهدرجه
اول شي لازم تكونين واثقه من نفسك صدق مو مجرد تمثيل ترا منتي ناقصه عن المتزوجه شي
لانك لما تكونين واثقه ما راح يهزك كلامهم حتى لو بينك وبين نفسك اما تمثيل فانتي تضحكين على نفسك وبس
يعني بالله تتوقعين الزواج جنه الداخل فيها بنعيم واللي ما دخلها بجحيم ؟!
ترا السالفه قلق الفكه منها غنيمه
حرام يضيع يوم واحد من عمرك بالتفكير في هالموضوع
الله من البثاره شايفه ذا العينات اللي يتفلسفون تلاقينهم بهم وغم بس يعنيني متزوجه ياي
يقالها ممتلكه نصف الكره الارضيه وهي كلها رجال وماسح بها زياده
بس لو عارفين انك من النوع اللي بيعطيهم كاش وما بيحسب لهم حساب انحرجو ولا تشقلبو
وقدااااام الكل كم كلمه كذا مثلا شي ما يخصك وش دخلك ما اسمح لك تتدخلين في خصوصياتي وقدام الكل
بس باسلوب هاااادي ترا قد سويتها مره مع وحده تستظرف
صح انها قويه شويتين بس تمسك كثير حدودهم مره ثانيه كلن يقضب ارضه ويحاسب على كلامه
اذا خايف على جبهته العزيزه لا تطير
واللي ما يستحي منك لا تستحي منه
وعااادي اللي بتزعل الجدران واجد واذا ما عجبتها نبني لها غيرها