السلام عليكم
انا ملكت قبل خمس شهور واخذنا على بعض الحمدالله وكنا نتكلم بالساعات ولكن بعد شهرين من الملكة تغيرت اصبحت ماتتكلم في الجوال كثير واذا ابغى اكلمها ارسلها قبل هذا تقول مشغوله مع اهلي او توي جيت ابغى انام وزي كذا والرسائل اصبحت بيننا صباح الخير مساء الخير كيف حالك وان كلمتها ما ناخذ الا نص ساعة او اقل .....
صارحتها بالموضوع لا يكون احد قايلها اتثقلي قالت ابدا بس انا مشغولة مع اهلي ولكن انا اشعر بان شئ شاغلها
طنشتها يومين ارسلت رسالة تسلم وبس
من بكره قالت بروح بره مع اهلي
قلت لها طيب....قالت ردك مو عاجبني ايش في واتصلت عليها وكلمتها انك متغيرة علي انت مغصوبة علي يابنت الناس قالت لو ما ابغاك اقولك ومستحيل اخليك تعيش معاي واظلمك لو ما ابغاك...قلت الحمدالله قالت احنا البنات ننشغل في امور الزواج وغيره وانت سبق كلمتني وقلتلك مافي شئ
بس انت جرحتني الان كيف تقول انا ما ابغاك ومغصوبة ....حاولت افهمها انه بسبب انشغالك ولكن مافهمت وبعدين حلينا الموضوع وقالت حصل خير واتصالحنا الحمدالله قالت لا وصلت البيت اقلك .....
لمن وصلت رسلت رساله انا وصلت وابغى انام تعبانه
صراحة انا زعلت وانضايقت ماكاني حليت شئ هل هو عناد او انها زعلت
يعني ايش فيها لو اتصلت وقالت انا ابغى انام ....للاسف ماغيرت طبعها ابدا ولا قدرت افهمها في غلطها

ايش الحل معها ياناس ساعدوني هل انا مزودها حبتين هل انا جرحتها
خطيبتي في سن المراهقة

انا أشوف انه ما في شئ وما أحد فيكم غلط
وكونها زعلت انك قلتلها : انتي مغصوبة علي؟
اكبر دليل ان البنت مو غلطانة اتفجعت من سؤالك؛ لأنه يدل على انك مكبر الأمور وكانك فكرت في الانفصال
في نفس الوقت انت عبرت عن اللي في داخلك و اكتشفت ان البنت ما زالت تريدك، بصراحة سؤالك يخوف مرة و انا بديت اشك هل انت فكرة في الانفصال فعلا؟؟؟
ترى البنت مسكينة عندها ضغوط دراسة وعرس وأمور الحياة العادية و انت داخل عرض ممكن ما تحب تكلمك الا وهي رايقة و ما حد جنبها ،،


كل ما قرب العرس كل ما اضطربت الفتاة ويصيبها صمت يكمن حتى مع أهلها و صديقاتها

لالا ماجات في بالي ابدا ولكن ابغى اتاكد بس وانا متمسك فيها الحمدالله
الله يستر اذا فهمت كذا
طيب ايش الحل الان اصبحت انا الغلطان
ابيها تهتم وتحس وليه تغيرت هذا السؤال

وعليكم السلام ورحمة الله وبركاته ..
مرحباً بك ياأخا الإسلام ..
عادي كل علاقة بين شريكين أحياناً يُصيبها بعض الفتور ..وأعذرها فلم تخطىء وأنت لاتُكبر الأمر ..وهكذا نحن البشر !
الآن لاترسل لها حتى هي ترسل فهذا الأفضل ..
كون ثقيل ..
لاتُحجم الأمر فهذا طبيعي جداً ..
وفقكما الله ..

صراحة ارسلت لها وقلت لها لا تزعلين مني لاني خفت انها فهمت غلط وخاصة ان عندها اختبارات قريب
طبعا قبل ما اشوف رسالتك
بس والله مشكله احسها ماتفهمني ولا انا فاهمها

أنتَ تعلم ياأخا الإسلام أن اختبارتها قربت ..
بمعنى هي متوترة وهذا أمر طبيعي ..
فلا تظلمها وتبدأ تقول ماتفهمني ولا أفهمها !
فلا تُبرر بكلام غير صحيح من أجل لأنها تٌكلمك كل انسان يمر هكذا !
كم عمرك وكم عمرها ؟!

يا اخي في الله مبروك لك مقدما اولا
كما اسلفت انها على وشك اختبارات وهذه الفتره تتطلب ان تقف معها في كل لحظه وان ترفع من معنوياتها وتبتعد عن الانتقادات والاسئله الغير لها داعي وان ترفع من معنوياتها وتقول لها انا سوف اقلل من المكالمات لاني اريدك ان تركزي في مذاكرتك ويحبذ لو ان تكلمها يوميا اقل من 5 دقائق لتطمئن عليها فقط وسؤالها هل تريدين شيئا ؟
ويحبذ لو تشتري لها كل يومين في هذه الفتره اي نوع من الحلى ايسكريم - شوكولا - كوكيز - كب كيك - ( ديناميت هههه امزح )
وربنا انشاء الله يسعدكم ويخليكم لبعض

__________________
حبيبتي .... عندما تبتسمي الي سوف تنير كل النجوم التي في السماء

وأنا بعد كنت بأقلك لا تكلمها
خلاص كله خير الحمد الله، يمكن رسالتك أفضل
سؤ تفاهم بسيط وعدى وكلكم راح تنسوا

اثقل شوي وانتقي كلماتك و استخدم اسلوب التلميح لا التصريح
لو كلمتها الايام الجاية احسن شئ خمس دقايق مثل ما قال الاخ everything

الله يجزاكم بالخير ياجماعة الخير المشكله ماهي اختبارات التغيير قبل الاختبارات وهي تدرس منازل هذه السنة ومثل ماقلت التغيير والثقل المفاجئ من زمان ماياخذ من وقتها شئ لا سمعتني صوتها وقالت ابغى انام وخاصة اننا تناقشنا وتصالحنا بعدين ولكن اعتقد انها شالتها في قلبها وزعلاه
الان انا زعلان ولا هي زعلانه
الفرق بالعمر حدود 8 سنوات تقريباا

every thing
ههههه ماتوصل هههه