السلام عليكم. . انا ما حبيت اكتب الموضوع اﻻ بعد ما تعبت والله
((خطيبي لديه عدة سلبيات فهل انفصل عنه ؟؟ ))
انا صار لي مخطوبة يعني مملكة سنة ونص تقريبا.. وتقدم لي بمعرفة اهله يعني زواج تقليدي
مشكلتي اني تعلقت فيه وحبيته ونسيت ان هذي فترة خطوبة والمفروض تكون للتعارف قبل الحب
راح اقولكم سلبيات وايجابيات زوجي لاني افكر بالانفصال
اول شي ايجابياته رجل مسؤول عن نفسه وشايل عمره. يهتم في عائلته وخصوصا امه . يصلي في المسجد غالبا . يحترمني . ما يرد لي طلب. كريم معي ومع الكل .
سلبياته يكذب بعض الاحيان. يغلط علي بالكﻻم ومرات ما يعتذر . انا ما عمري فتشت تلفونه لكن مرات لما نكون قاعدين ويفرجيني صور مثﻻ تطلع معاهم صور بنات. ما يقدر يرفع عينه عن اي بنت يشوفها وبعدين اكتشفت ان هالصفة في كل اخوانه يعني وراثة. ما يهتم فيني كثير مع ان وصلت عﻻقتنا جدا رائعة كنا مثل الاصدقاء ما نخبي شي عن بعض وكنت احس ان يحبني لكن للاسف تغير كثير لاني اكتشفت ان يكلم بنات على الانستقرام والانستاشات ويقولي ان يسولف وياهم عادي وﻻ عنده وياهم شي مثل غزل او غيره. وصاير بالفترة الاخيرة يخبي تلفونه عني
انا تعبت وكثير افكر ان هذا الشخص فيه ايجابيات كثير لكن سلبياته جدا متعبة بالنسبة لي
حاولت كل هالفترة اني اتقرب منه واقول يمكن يتغير بس ما تغير شي اﻻ بالعكس كان قريب مني والحين ابتعد وصار يبعد تلفونه وهمه التلفون
خبروني شسوي ؟؟

(( تم التعديل ليتناسب مع المضمون))

لا ابدا صفاته رائعه لا تنفصلين ولا شي
هو حس انك تغيرين ويمكن حيل متعبته بهالصفه وخلته يبعد
وبعدين فتره ملكتكم جدا طولت

استخيري ....

__________________
## مهم ##
هل تتعرضين للابتزاز في الانترنت؟


هنا من ينقذك

ﻻ ترتبطي فيه و انتي بهل الوضعية . راح تتعبي كثير اختي مع بعد الزواج

صعب جدا الشك مع من تحب و شريك حياتك و راح تنغص عليكي حياتك

و مسالة اتسولف مع البنات عادي . هذي وقاحة و بشبع صورها

اقعدي معاه قعدة مصارحة اختي و قولي له 1. 2 . 3 و كل شي مضايقك منه

وعليكم السلام

عزيزتي..
ممكن توضحي شوي بالنسبة للصور..
أقصد البنات هو مصورهم؟ وإلا مثلا كذا صور جايبها من النت؟


بالنسبة لكلامه مع البنات..
سبق وشفتي له رد ع وحدة منهم؟

أقصد الردود ايش طبيعتها بالضبط؟
هل مثلا لما بنت تنزل صورة يصير يرد عليها بـ: مبدعة، أو تصويرك جميل، أو… الخ
كـ كلام عابر يعني؟

والا يتعمق؟

وعليكم السلام ورحمة الله وبركاته ..
مرحباً بكِ عزيزتي ..
سؤالي نفس سؤال الأخت دانا كيف رده عالفتيات ؟!
ثانياً / بمثل ماقال الأستاذ سامي فلا بد من المصارحة بما يُضايقكِ ؟! وماذا تتوقعي ردة فعله ؟!
ثالثاً / كيف لايهتم بكِ ؟!
وماذا تقصدي أنتِ بإهتمامكِ له ؟!
أنتظر إجابتكِ
ووفقكِ الله

شكرا لك اختي
اي طولت ملكتنا بسبب وفاة زوج اخته الله يرحمه وبعد لاسباب مادية

هو يقول ان عادي لان ما يغازلهم بس سوالف عادية بس انا كلما افكر اتعب والمشكلة ما اقدر اقول لاحد من اهلي ما ابغيهم ياخذون فكرة سيئة عنه

ﻻ اختي صور من النت اعرفه زين مستحيل عنده عﻻقات تتجاوز للزنا او ان يطلع معهم ابدا
بالنسبة لردوده اي شفت مرة كﻻمه مع بنت تبي تحل مشكلتها انها بتتزوج مسيحي وكان يسولف معاها عادي يمزحون مع بعض شوي بس مافيه اي غزل او تعمق وبعدين حذفها من عنده على اساس انحلت مشكلتها وحتى هي حولت حسابها لحساب خاص او مقفل
بس قلبي مو مطمن بسبب التلفون ليش يخبيه عني هذا الي يخليني افكر

مرحبا أختي

الحمدلله الله يبشرك بالخير
وكذا المشكلة بسيطة ترا


* قريت بردودك إنك تفكري تكلمي أهلك..
انتبهي، النقطة هذي بنظري ما تستاهل أنو أهلك يتدخلوا
راح تكون سلبياتها أكبر:
أهلك راح ياخذوا فكرة جدًا سيئة عن زوجك والموضوع ع كلامك مو علاقات شخصية هي مجرد صور.
ثانيا: زوجك عمره ما راح ينساها لك، إنك تطلعيه بصورة الشخص السيء أخلاقياً قدام أهلك وهو يشوفها مجرد كلام


اممم أنا أشوف السالفة ما تستاهل، خصوصا لو كان يرد ع البنات باحترام أو ع الأقل بحدود..
ولو تأملتي نفسك بتلقين نفسك تسوين نفس الشيء..
أنت هنا مثلاً كتبتِ موضوعك للعامة وكلنا ردينا عليك (شباب و بنات)
هل يعني هذا إنك غير خلوقة!!

أبدًا يا حبيبتي.. < من وجهة نظري
اممم
ما أعرف عادات الناس تختلف، بس أنا تربيت ع شيء،
لما أتكلم بأدب واحترام وما أتمادى، احنا ما نلتفت هل المُخاطب شاب أو بنت

بشكل أقرب..
أنا من أيام المنتديات أكتب باسمي الصريح (الاسم الاول والعائلة)
وأرد على كل الناس، لكن بحدود حطيتها لنفسي..
وحتى الآن ع تويتر والانستقرام

وأهلي يعرفوا، والدي تحديدًا كانت تجمعنا بعض المنتديات
يعني كان عنده عضويات بنفس المنتديات اللي أنا مسجلة فيها

وكان يشوف ردودي، وعمره ما تضايق لأني رديت ع موضوع مفيد لشاب
أو شاركت بنقاش معين باحترام..

وبرأيي هذا الصح..
احنا مضطرين نتعامل مع الجنس الآخر بكل حياتنا
خصوصا بالوقت الحالي..
بس هذا ما يشكك أبدددا بتربيتنا أو أخلاقنا بالعكس!

الفيصل هنا يا عزيزتي ( الأخلاق) والخطوط الحمراء اللي نضعها لنفسنا

مستحيل تعزلين نفسك..
رئيسي بالعمل رجل
لما أكلم ع STC يرد علي رجل
لما أروح هايبر بنده الكاشير رجل
أحياناً نضطر نراجع طبيب رجل
حتى لما تروحين لكاونتر تبرعات وأوقاف تابع للهيئة، اللي راح يستلم منك الفلوس ويعطيك الايصال رجل!



هل يعني هذا إننا نسوي شيء خطأ؟!!
أبدًا!

اللي أبغى أوصله..
زوجك ومحترم ويحبك ع كلامك، حرام تخسريه وتُعتبري مطلقة عشان شيء أنتِ نفسك بحياتك العامة تسويه

ممكن بتقولي الانستقرام مثلا شيء مو ضروري ..
معك حق، بس ما دام محترم ما يحق لك تنتقدية
+
صارحيه وبيني له إنك تتضايقي، وأنو راح تتفقوا ع شيء.. هو يحذف البنات من عنده
وأنت نفس الشيء.. وبس!


بعد ما أرجع من الدوام راح أرجع أقول لك قصة تابعتها بنفسي