السلام عليكم ورحمة الله بدا قصتي منذ الولاده امي كانت الزوجه الثانيه لابي وصار حادث لابي وتوفي الله يرحمه ويغفرله وانا كنت في بطن امي في الشهر الخامس انا حتكلم الي انا عشته وفاكرته طبعا ماني متذكره شي من الطفوله المهم الله راد ان امي تتجوز ومعها اربع بنات لرجل متخلف جاهل مزواج يحب النساء عشنا مع الوالده وزوجها كنت انا صغيره واخواتي اثنتين كبيرات وقتها ووحده اكبر مني بسنه والله عنينا المر معاه العديم الشرف امي انسانه ضعيفه لاحول ولاقوه منها كانت تخدم زوجها وتقوم برعايته ومشاء الله جابت سبعة اولاد وبنت هو كان زوجها مزواج كان متجوزقبلها وعنده بنت وولد وتجوزعليها وحده وجاب منها بنتين وطلقها وامي ربت بناته وتجوز مصريه وجاب ولد وطلقها وغير كذا كانت عيونه زايغه على اخواتي الكبار كان يحاول يتحرش فيهم وانا كنت صغيره كنت اصحى من نومي عشان يقلب ووجهه واخواتي مسكينات ميعرفوا يتصرفوا وغير كذا لوكنا بسياره برضه يتحرش على اخواتي الحمدلله اخواتي انخطبوا على اولاد عمي وتجوز في نفس اليوم وكملوادراستهم مع ازواجهم اللحين من بقى غير انا واختي الي اكبر مني كنا نجلس في غرفه وحده ولانطلع لجاء زوج امي كنا منخليه يشوفنا ابد وغير كذا ماعندنا احد يصرفنا حتى على عياله بخيل مايصرف غير الهواش والضرب يضرب امي بالخيزرانه كنت اتدخل واضربه جعله يده الكسر كانت حياتي ماساه ماعشت طفوله كنت اشوف بنات خالتي معاهم عرايس كنت اتمنى ان اكون معايا زيهم ولي عم وخاله كنت دايم اروح عندهم وكان عمي يشتريلنا اغراض المدرسه وكنت افرح فيها لان بناته بسني وكنا مع بعض تخيلوا كان مصروف مدرسه ماعندي كان واحد من ازواج خالاتي الله يسعده يرسل كل يوم خمسه لي ولاختي ناخذ اريلين والباقي نعطيه امي كانت تفرح فيها انا بالمتوسط واختي بالثانوي المهم تخرجت اختي وراحت تدرس الجامعه عند وحده من خواتي بقيت انا مع امي واخواني ووزوجها وكنت اجلس بلغرفه حتي مايشوفني زوج امي والحمدلله مرت الايام وانا بالثاني ثانوي جاني العريس اختي جابته ليا لانهم يعرفوها ويبغوا زيها المهم خطبوني تعرفون كان هو المنقذلي من حياتي من غير تردد لما شفت صورته وافقت الحمدلله وسوينا الملكه بالبيت كان زوج امي يعصب وقتها وغيران يصارخ يومتها سكروا المسجل متخلف المهم شافني والمفروض يكون زواجي بعد الثانوي بس لما زارني اليوم الثاني من الملكه زوج امي مخلاه يقابلني طبعا غيران وهوعلى طول طلب يكون زواجنا بالاجازه وانا وافقت من غير تردد المهم الحمدلله تجوزت وتغيرت حياتي صار هوالزوج والاب وكل شي طبعا هومايعرف شي عن حياتي الخاصه الااني يتيمه وزوج امي رباني وعوضني ربي بعمتي ام زوجي اخلاق واهتمام كانت معايا واي خرجه اكون معاها فرحانه بيا الحمدلله وامي على حالها مع زوجها تجوز عليها مخلا ويخلف والحمدلله ربي عوض امي اخواني كبروا وتوضفوا صارت امي مي بحاجته بس ايش ماثر في شخصيات اخواني خلاهم ضعاف مايعرفوا يتصرفوا ضحك الناس عليهم والناس مالهم الاالظاهر مايحبون اخواني عشان فعايل ابوهم الشينه طيب خليني اكمل انا كنت احمل واولد والنفس كانت عمتي ام زوجي تهتم فيا كنت فاقده امي واخواتي ززيي اولادي ولدتهم ببيتي الباقين وشغالتي تهتم فيا وين امي وين اهتمامها ياالله فاقدته وهي مشغوله مع زوج مايستاهل تضحي وتصبر عليه ومازالت امي بذمته ومتزوج ثنتين واذازعلوا حريمه يرمون عياله علي امي تربهم وهو موداري لاعن امي وعيالها بس مع حريمه مشاءالله كلنا كملنا دراستنا مع ازواجنا واخواتي توظفوا كلهم ماعدا انا ربي مارزقني واخواتي يعطوا امي وانا كمان اعطيها زوجي مو محسسنني اني اقل من اخواتي اي شي يتشاركوا فيه انا زيهم معاهم حتى هم يتعاملون معايا كني موظفه زيهم الحمدلله الهدف من القصه كنت اتمني امي جلست علينا ووربتنا حتى لوتجوزنا نجيها باولادنا نتجمع عندها وتكون معانا طيب خلاص زواج وتجوزت كان المفروض ماتجيب كثير الان ابوهم موداري عنهم الكبار ياخذاراتبهم ويتخدم فيهم وعندها اثنين مخلصين الثانوي جالسين بالبيت موداري عنهم ابوهم واي مناسبه انا واخواتي نقط عشان نشرف امي قدام الناس وللان زوج امي مع حريمه وامي مسكينه فقدت صحتها وعافيتها وهي تخدمهوتربي عياله ولا شايفها شي وانا قررت اني مااكون نسخه من امي اي خطوه اخطوها تكون قبلها مدروسه زين وانتى ياالي بتتطلقين خليك على عيالك وبيتك استر لك ولبناتك وانتي ياالارمله اذاعندك اولاد خليك على اولادك مشاء الله الحكومه متقصر فيه ضمان واترك الباقي عليكم

((تم التعديل ليتناسب مع المضمون))

الله يوفقك يارب، اشكري الله دايمن وابدا وقولي الهم لك الحمد حتى ترضى ولك الحمد اذا رضيت ولك الحمد اذا رضيت

الأطفال هم أول الخاسرين بحالة الطلاق ..
الان أفهم سر تعلقك بزوجك الله يحنن قلبه عليكِ وما يغير ما بينكم إلا للأفضل وتكون زوجته الثانية باب خير ينفتح عليكم الاثنين بصبرك ورضاكِ بقدر الله .

عندي سؤال ... هل برأيك من الأفضل لوالدتك لو تطلب الطلاق الحين ؟ هل هذا في مصلحة اخوانك ومصلحتكم أم يزيد وضعكم سوء ؟

__________________

يا اختي الله يوفقك ويسعدك صبرتي وربي عوضك

بس لازم تعرفين كل انسان يفرق عن غيره
بعض النساء تبي تتزوج تبي تعيش بظل رجال هي حره حتى لو ارمله او مطلقه بعضهن ما يتحملن يفضلن الزواج

ولو فرضنا ان زوج امك كان طيب يعني راح تؤيدين الزواج ؟!

كل قصه مختلفه عن الاخرى والحياه ماشيه

بصراحه عورتيلي قلبي اكثر شي على طفولتكم و تحرش زوج امكم

و اكثر من كذا وضع اخوانك من امك كملت القراءة عساني الاقي نهاية حلوة لهم

وضعهم مؤلم اكثر من وضعكم الله يوفقهم و يفتح لهم دروب الخير و النجاح

بس يااختي المفروض تسلمين أن أمر المؤمن كله خير ..

ما تدرين ان الحياة اللي عاشتها امك الله يحفظها أي أجر انفتح لها به

يكفيها ماشاءالله تبارك الرحمن السبعه اللي جابتهم ..

متخيله انتي كل واحد منهم لها فيه اجر عظيم الله يعلمه و سخره لها .

بالعكس افضل شي ان المطلقة تتزوج و تجيب اخوان لاوﻻدها

تدرين وش اللي عاجبني في الموضوع

ان اوﻻد الأم المطلقة قريبين من بعض في الغالب مو مثل الاخوان من الأب

و هالشي اكيد عشتيه مع اخوانك ..

انا لو مكانك اهتم فيهم و احرصهم على دراستهم و مستقبلهم عشان تفرحين قلب امك فيهم

ذكرتيني بمقولة الدكتور صﻻح الراشد قل لمن لم يعاني لم تعيش

يعني معاناتك جعلت منك انسانة عاقلة و ناجحه ماشاءالله .

الله يسعدك و يوفقك

__________________

‏
الوعي هو الملاذ ..

أستغفر الله العظيم ؛
( الفردوس غايتي )

اللهم لك الحمد والشكر كماينبغي لجلال وجهك وعظيم سلطانك دايم ارددها في كل وقت وفي كل صلاه حامدتة وشاكرته دايم وابدا قصتي اثرت فيني كثير على طول اشعر بعدم الامان والخوف من المجهول عشان كذا عندي بيتي وزوجي واولادي هم كل حياتي ماابيهم يفقدوا ابوهم انا الحمدلله قدرت احافظ على حياتي الزوجيه 18سنه بس زوجي مشاء الله رجل شهم وكريم وخاصه عند الحريم يرحمهم ويحن عليهم ويساعد على الي يقدر عليه من مال او اي شي بس انا لمااتكلم معاه عن الزواج وليه تبغى يقول ابغى الاجر لما فكر ببنت عمه انا شعرت فيها ورحمتها لانها يتيمه زيي وانا اعرف شعور البنت اليتمه كيف يكون وكمان كبيره ومحد خطبها زوجي راحمها ويبغى الاجر فيها وانا الحمدلله فخوره فيه ولحبه للخير صح بتعب بالبدايه بس ان شاء الله بتعود وهذا كله سبيل عشان احافظ غلى بيتي وعيالي تحت ظل ابوهم ترى فقدان الاب مره صعب ويحز بالنفس الحمدلله وامي الله يخليها لنا ولايحرمنا منها عانت كثير حان الوقت انها ترتاح مشاء الله اخواني واخواتي كلهم موظفين ياما حاولوا يقنعونها تتركه وياخذولها شقه لها ولاولادا بس ترفض تقول ابغاه عشان عيالي مايضعون امي اللحين كبرة ومريضه ركبها توجعها واللحين ظهرها وزوجها مع حريمه موداري عنها ياكل ويشرب عندامي ويطول لسانه عليها وعلى اخواني وهم مشاء الله رجال مايحترمهم وغير كذا لزعلت وحدة من حريمه تترك عيالها بشهر امي تقوم فيهم لمتى الضعفه هذي والله اتمنى تتركه وتتطلق وننفك منه احنا الحمدلله بارين في امي واخواتي مخصصيلها مصروف شهري كل وحده فيهم ماعدا انا لازرتها لازم اجيب هديه لها او اي شي للبيت اواعطيها فلوس الي اقدر عليه ومن ناحية الازواج موزي بعض طبعا موزي بعض لوطيب ومومقصر صح اخدمه بعيوني بس زوج امي لااخلاق ولا احترام ويضرب امي واخواني همه نفسه بس الحمدلله ان عندي اخوان من امي وهم عزوتي بس امي مازالت تربي وهي في حاجه انها ترتاح زي باقي الحريم يارب احفظ امي ويفرج همها وينور دربها ويجازيها ربي على صبرها الجنه باذن الله ويفكها من زوجها الي ابتلت فيه عسى ربي يهده وياخذ حق امي واخواني منه واكرر انا احمد ربي دايما وابدا وعلى طول ربي كان معايا وانا صغيره وعالم بحالي واعلم ان ربي لن يتركني في حياتي القادمه وثقتي بان ربي معي تكفيني لان في النهايه كل شي مكتوب وقضاء وقدر

ياحياتي ياهبه الله يجمعك باامك اللحين انتي كبيره ومتجوزه تقدري تزوري امك لونهاية كل شهر حاولي تكسبين زوجك اذا حبك مراح يرفض لك طلب وام زوجك عادي خليها تروح معاكم تسافر انبسطي وابسطيها معاكي والله حتفرح فيكي ولما تكونوا لوحدكم خذي راحتك مع زوجك حاولي تكسبيها بالعكس شجعي زوجك يبرامه ويخدمها في النهايه انتي حتكسبين زوجك وامه يمكن يوم تتغير وحتعاملك زي بنتها ان شاء الله وعليك بالدعاء ان ربي يحننها عليك يارب

قَوْله تَعَالَى " فَإِنَّ مَعَ الْعُسْر يُسْرًا إِنَّ مَعَ الْعُسْر يُسْرًا"

الله يسخر زوجك الك ويسخرك اله لما يحب ويرضى