السلام عليكم ورحمة الله وبركاته ...

شخصيتي : حقانيه ، كلامي حاد لكني مش شريره
هدفي من الموضوع : بصراحه إني ما أتحاسب عليهم يوم القيامه + في أشياء صعب الانسان يسويها لكن ما أبغى أفكر كذا أبداً يعني شوفوا الشخص يتطور لما يكبر ويتغير كثير من كل النواحي ما أبغى أموت وأنا ضاره أحد
أحس الدين هو أهم شي بالحياه وهذا اللي مأثر فيني لأني الآن دراسات
الحين التصالح يعتبر من طرفين وخلاص صاروا كويسين طيب أنا أشوف إني متصالحه بس.. من ناحيتي


هم ثنتين ..
الأولى : بصراحه ماكنت أدري إنها مزاعلتني لأنها كانت روعه معاي إحنا انقطعنا عن بعض كم سنه وإلتقينا بزواج صديقة مشتركة وجلستني جنبها - هذا بثالث ثانوي - يمكن غريب لكن ماعرفت إلا لما دخلت الحمامات وكذا وحده من نفس الطاوله كانوا معاي وصاروا يسألوني كيف إنتِ جالسه جنبها المهم إنهاكانت تتكلم عني بالمدرسه وبالزواج بعد قبل لا أجي!
طبعاً ما كنّا بنفس المدرسه ، المهم قامت على الطاوله تقطط كلام على البنتين اللي كلموني لأنها متزاعله معهم بعد ، زعلت على نفسي أكيد ، لكن كان أول زواج لوحدة من شلتنا والزواج والفرحه واللمه كان يوم يجنن الصدق ماقدرت أبداً أفكر فيها .... بعد كم يوم تذكرت لكن ما قدرت أكلمها لأني أعرفها يمكن تلعب دور القويه وتسكر بوجهي وأحسن شي المواجهه وجهاً لوجه بس وين بعدين السالفه تااافهه
شفتوا الشخص اللي يعيش شي مع نفسه ومايرضى يتسامح مدريه كيف بعدين الشي الطبيعي اثنين يتهاوشون وخلاص مش واحد ميت والثاني مااايدري ، واللي زعلني إنها مطلعتني بصورة المذلوله المهووسه فيها أنا ما أزكي نفسي لكن الواقع هو العكس ..

هذا صار قبل اللي فوق ..
بالنسبه لجزئية كلامي حاد لأنه لما أتصل عليها وهي ولا مره دقت عليّ ... كان كلامهاكلله عتاب وإني متغيره أتصل عليها وتذلني بالكلام تحسسني إني مش كويسه بالنسبه لها ( يعني تسويلي أشياء كبيره وأنا لا وهي كذا فعلاً لكن أنا ماطلبت ) دائماً أبرر بس أول مكالمتين لأني ولعت وأنا ماغلطت بحقها + ما أزعل من كلامها لأنها زي ماقلت تعيش أشياء مع نفسها وفشلتها قلت لها مين اللي دايماً يدق # أقصدني ومين اللي كسر التلفون من كثرة الاتصالات # أتمسخر و أقصدها مالها أحقية ... وكملنا عادي
خفت علاقتنا كثيير بس كنت أحسب إننا كويسين

بغض النظر ودي نرجع لبعض بس مش بست فريندز يعني أنا أكره لما شخص يقطع شخص من حياته ومش ضروري نموت ببعض ...

هذا الشي له فترة طوووويله لأني مقتنعه إني ماغلطت بحقها وهي اللي حبكت كل شي وعاشته ، بس قلت ماله داعي وأنا إلى الآن أتواصل مع أختها قلت لها عطيني إياها ومارضت وقلت لها أنا كل شي منتهي بالنسبه لي وخليها تكلمني قامت تقول كلام كبير وغبي إني ميته بالنسبه لها ( واضح ) وكلاام ......... أحسها تخااف مني لأنه هي جنبهاوتنقل أختها الكلام



والثانيه فيفتي فيفتي - بثالث ثانوي-
... بآخر أيام الاختبارات رحت أسلم عليها ورفضت ونفس كلام اللي فوق طنشتها وجلست مادّه يدي دخلت إيدينها بجكيتهاوكذا انتهينا ...


في شي يلزمني الحين أو لا فهموني ?

__________________
( لا إله إلا أنت سبحانك )

السلام عليكم

ما فهمت ليش محير نفسك في التفكيرفي هذي البنت هل تحبينها لانها كانت صديقتك المقربة او مجرد انك تبرئي نفسك امام رب العالمين انما الاعمال بالنيات ولكل امرئ ما نوى
كما اني ما فهمت سبب القطيعة هل هي النميمة (اشد من القتل)

وعليكم السلام ،
كتبت هدفي لأني أبغى أحطه ببالي دائماً لأني ماكنت كذا أول ..
إيه .. ونسيت أكتب شي إني متأكدة لأنه حتى بعد الزواج كذا شخص كلمني إنهم مستغربين .. يمكن أنا كتبت تفاصيل مالها داعي بس لأني ما أبغى أحد يفهمهم غلط وصحيح إنه كلام منتديات لكن بيزعلني حتى لو كان عليهم مش حباً فيهم بس ما أحب الكذب ولأنه شي بيني وبينهم

بس سؤالي الأخير ...

__________________
( لا إله إلا أنت سبحانك )

تُحاسَبين على ماذا يا عزيزتي؟!

بغض النظر عن أي شيء .. أنتِ تحاولين التواصل وهما ترفضان وتقطعان ...... خلاص كل واحد ينام على الجنب اللي يريحه.

وأنتِ لا يلزمكِ شيء بعد ذلك.

__________________


اللهم طِيبَ الأثر .. وحُسْنَ الرحيل.