تكلمله لموضوعي
http://www.66n.com/forums/showthread.php?t=248297

((اريد رفع قضية حضانة لاستعيد طفلي من اهل طليقي))

انا مطلقه وعندي ولد تطلقت يوم 16-2 هذي السنه عندي صك الطلاق طليقي مسجون متعاطي وتاجر مخدرات
المهم ولدي اخذوه اهل ابوه بحجه انهم ياخذوه زيارات اخذوه يوم 27-3 الى حد الان مارجعوه
الزبده الولد عنده كيس دهني بالحلق وقالو لازم تنشال بالعمليه طبعا ابو طليقي اتهمني انا باللي فيه وقالي هذا سبب الاهمال
مرات يقولون ان الدكتور قالهم ان الي بحلق الولد انها فيه من انولد والحين كبرت ومرات يقولون انه انا السبب انا الي اهملته يقولون كذا كلام مرات كيس دهني ومرات ورم ومرات صديد اكرمكم الله احترت معاد عرفت وش الي بالولد لانهم يبغوني ابعد عنه
الاسبوع الي فات علموني ان عمليه الولد بتكون الثلاثاء الي هو امس طبعا الساعه 8 الصباح وسالتهم متى بتطلعون من البيت عشان اكون بالمستشفى قالو الساعه 7 الصباح المهم انا ام وقلبي على ولدي دقيت عليهم الساعه 8 وسالتهم وش صار معاكم قالو مابعد طلعنا من البيت بنطلع الساعه 9 طبعا الصباح دقيت عليهم 9ونص والله بعد الموت ردو علي قالو اصلا اليوم مو موعدنا مع الدكتور موعدنا يوم 18من هذا الشهر انا حسيت باللف والدوران عرفت انهم يبون يبعدوني عن ولدي حسبي الله ونعم الوكيل قلت لهم اليوم عاده اربعه في الشهر ((الي هو امس )) باقي ايام كثيره لين مايجي شيوم 18بالشهر عطوني ولدي اشوعفه لو بس ساعه او بس من عند الباب اسلم عليه وتاخذونه قالو لا مانقدر الولد عنرده مواعيد علاج مانقدر كل ماجلسنا شوي نعطيك ونجيبه قالو اذا خلصت المواعيد والعمليه بنرجعه لك انا بعدها انهرت قلت لهم حرام عليكم لاتحرموني منه قالو والله لوماتسكتين ان ناخذ التقرير الي كتبه الدكتور حق الاهمال تناخذه ونوديه للقاضي انا قلت هذا قضاء الله وقدر هذا ابتلاء ماحد يقدر يعترض على حكم الله ربي كاتب هالشي
المهم الليل بنفس اليوم الي هو الثلاثاء 4-3اراسل جد الولد الي هوابو طليقي وقلت رحتو المستشفى قالي ايوه رحنا وسحبو منه دم عشان يعوضون للولد بعد العمليه والعمليه حتكون الثلاثاء الجاي قلت له ليش ماعلمتوني يعني لازم انا الي اسال انا قلت لك تعلمتي وتطمني بالي يصير قالي انتي اهملتي الولد قلت له انت بتبغاني انسى الولد متى عادني بشوفه ودي اشوفه انا ام قالي زوريه اذا سوا العمليه قلت بس زياره قالي ايه لاني بخليه عندي الى ان يطيب لان ابوه بيطلع ويتصرف قلت له انت اب ترضى ان احد يحرمك من عيالك ؟؟والله العظيم مارد علي لانه عارف ان الضنا يقهر وانتهمت المحادثه بيني وبينه المهم
انا حاسه ان اليوم الي هو الاربعاء انا عندي احساس انهم سووا العمليه لكن مايبغوني اعرف

اسئلتي هل يعتبر المرض الي في حلق ولدي هل يعتبر اهمال ويقدرون يكسبون قضيه في الولد ويحرموني منه لاني ابغى اكمل عدتي واروح ارفع قضيه حضانه بس خايفه ان يقولون ان الي صار للولد اهمال


اذا رفعت قضيه حضانه هل تصير الحضانه لي او يصير لهم الحق ياخذونه
للعلم الولد عمره سنتين وتسع شهور قبل انسى بقولكم على شغله الجد يقول انو عنده صك اعاله عشان الاب الي هو طليقي مسجون ويقول ان طليقي سوا له وكاله بموجبها صار عنده صك اعاله ويقول انه يقدر بياخذ الولد بموجب الصك
حسبي الله ونعم الوكيل الله يخليكم اقرؤوا قصتي كلها وردو علي

الله يخليكم يامشرفين ومشرفات لاتنقلون موضوعي بس خلوه على الاقل هنا اليوم لان قسم المطلقات نايم ماحد فيه الله يوفقكم

((تم التعديل ليتناسب مع المضمون ))

انا مارفعت قضيه حضانه الى حد الان لان فيه ناس قالو لي ان مادمت بالعده ان طليقي يقدر يرجعني بدون موافقتي فهل هذا صحيح

وانا قلت ماابغى المشاكل بس بعد ماتكمل العده اسوي القضيه

لل طبعا لا يلعبون عليك وش اهماله هذا كيس دهني يطلع بكل مكان لا اهمال ولا شي
الولد ماطاح ولا تعور عشان يصير اهمال ماعليك منهم ولدك ضناك لا تخلينه
الحضانه لك

لا هذا ليس اهمال كل شي قضاء وقدر
الولد في حضانتك مهما كانت فيه من ادله
حسبي الله ونعم الوكيل ناس ظالمين
دعوة المظلوم ليس بينها وبين الله حجاب
صلي وادعي ربي ياخذ حقك منهم
ولدك ليس لأي احد حق اخذه منك
ارفعي قضيتك في المحكمه
واتوكلي ع الله ..
روحي المستشفى واسألي عنه اذا كان موجود ولا لا ..
اسأل الله ان يفرج همك

__________________

ضحكو عليك وبسسس
حضانة ولدك من حقك ومو من حقهم ياخذونه
ليش تستعطفينهم وتستجدينهم كذا
قلت لك لا يطلع الولد من البيت ماسمعتي الكلام
والله لو مكانك بوجهي على قسم الشرطه
اوريهم يحبسون الولد ويودونه مستشفيات وعمليات
بدون اذني وكذب وتقارير اهمال ودجل وكذب عالدكتور

وبتقعدين بعد لين تخلص العدة ؟؟؟؟؟؟
يا قلبك ..... يابنت ابوه لو موجود ماله حق ياخذه ويبعده عنك
وهو في ذا العمر ... يوم يومين ويرجعه وهذول معطيتهم وجه
بزياده ويتصرفون وكأن ولدهم ميت وحتى لو ميت
انت الوصية الوحيده عالولد وماتتعداك
وش ذا الضعف ياختي

استشيري محامي

أو لعل أحد عنده خبرة بأمور المحاكم كأبو عقيل يفيدك

الله يفرجها عليك

اختي انا ابوي محامي ويرفع قضايا وسالته عن قضيتك قال بتكسبها في جلسه وحده

لان الحضانه من حق الام روحي وتوكلي على الله ولاتنسين بعد الحضانه دايركت قضيه اخرى نفقة الولد حتى لو ابوه مسجون الي مقدره يدفع للمخدرات يدفع لولده

اشكركم اخواني واخواتي على ردودكم ونصائحكم لي يشهد الله اني اعتبركم اخواني واخواتي
بالنسبه للولد انا ماراح اسكت عنه بس ودي اكمل العده لاني بصراحه خايفه طليقه يردني وانا مو موافقه حسبي الله ونعم الوكيل انا الحين احترت هل موعد العمليه الثلاثاء الجاي او يوم 18
هم يبغون يبعدوني عنه باي وسيله هم من عاداتهم ان المراه اذا تطلقت اخذو عيالها منها بس انا واللله العظيم مااقدر اتخلى عن ولدي يكفيني هم اني مااعرف اخباه هل هو بخير ام مريض هل ياكل وهذا مستحيل ياكل عندهم لاني يوم كتت عندهم شهر كامل ماياكل من اكلهم حسبي الله عليهم

انتي اجمل ربي يسعدك تسلمين على اهمتمامك الولد يجي له ضمان 800ريال شهريا بس الجد يقوم بالتسلط عليها لانها تنزل بإسمه بحجه انه هو الاب قانونيا بسبب التوكيل

اخت لارا والله صعب اروح المستشفى تخيلي شكلك تروحين عند ناس يكرهونك واهانوك الجد مانع منعا باتا اني اشوفه الا زياره بالمستشفى يعني مستحيل اكون انا الي مرافقه معاه

اخوي العقيد الفريد وربي قلبي يتقطع على ولدي والله مو ودي اتركه انا كنت استعطفهم بالكلام عشان يطمنوني عن الولد ويعطوني معلومات لانهم كل يوم يخترعون لي مواعيد

اخواني الله يخليكم هل اروح ارفع قضيه الحضانه قبل اكمل العده او لا
وهل يحق لطليقي مراجعتي بدون موافقتي لانه مكتوب بالصك ((ان له مراجعتها مادامت بالعده)))


بالنسبه لعده المطلقه كيف تكون عند القضاه هل لازم ثلاث شهور ام ثلاث حيضات اكرمكم الله لان لو ثلاث حيضات معناتها بقي وحده واكمل العده معليش اعذروني على جرأتي بالكلام بس انا حيروني الناس
بارك الله فيكم
شاكره لكم

مسجون بتهمة المخدرات
يعني لو رجعك

تقدري ترفعي طلب طلاق بسبب المخدرات

ينقل الى القسم الانسب
قسم المطلقات والارمل والمتاخرت

__________________



احيانا يجب ان نفقد ذواتنا كاملة لكي نستعيدها كاملة ...