السلام عليكم ورحمة الله تعالى وبركاته

يالله حي الرجال كلن بأسمة ، تحملوني الليلة وبالذات المتزوجين
ياما استلمنا الحريم وإنتقدناهم ، ومن الإنصاف أننا ننتقد بعضكم الحين

يالربع الحياة الزوجية هي حياة تعاونية تبادلية مقسومة على اثنين وعلى قولتهم ايد وحدة ماتصفق!!

كل شي تبيه من زوجتك هي بالمقابل تبية منك!! معلش مو لأنها حرمة وهي الجناح المكسور وانت القوي تصير بس تبي منها من غير ماتعطي!! لها مثل ماتبي منها ، ومو لأنها السمكينة بترضى بكل الحالات تنتهز الفرصة وتعدمها!!

يعني ياخوي مثل ما انت تبي تدخل بيتك وتلقاه مرتب ومعطر وزوجتك ناطرتك فيه بإبتسامة ولابستلك مالذ وطاب
هي كذلك تبي منك انك تكون مرتب ومتعطر ومتهندم ومبتسم وتقولها مالذ وطاب من الكلام المعسول اللي يحسس هالمقرودة بأنوثتها وانها دخلت دنيا حالها حال الحريم المتهنيات.

فيه بعض الرجال الله يهداة مشروع النظافة عندة شي ملغي!! انا مرة واحد قاعد جمبي والله ريحة العرق منة صدعت راسي لدرجة اني حسيت ان لو فيه احد مغشي علية نخلية يشم اباط الاخ بدل مانجيبلة كلونيا!!

اقسم بالله فيه إختراع أسمة مزيل العرق "ديودرنت" وترى ارخص من علبة الدخان اللي بعض الأزواج يشترونها!!

ناهيكم عن زوبعة الغضب اللي بأسنان بعض الأزواج!! يخرب بيتهم واحدهم حلقة صاير معلاق اكل!! مافيه شي مو عالق بأسنانة!! يرحم امك يازوج ترا بنت الحلال اللي هي زوجتك إن حاولت تقبيلها وانت بهالحالة هاذي (بتكون جريمة بحق الإنسانية) وبيجيلها قرحة المسكينة!! نظف أسنانك ترا فيه شي اسمة فرشة ومعحون وخيط وغسول مطهر للفم!!

ثم ياخي مثل ماتبي زوجتك تلبسلك وتقصرلك!! ترا هاذي زوجتك حلالك!! البس بجامة حلوة او شورت مرتب مع بلوزة راقية ترى حلال مو حرام ليش فاهمين ان هالشي غلط وعيب!! طايحين لي بالفانيلة والسروال وواحدكم كأنة ممرض!! ليه ياخوي خل هالمسكينة تحس انك تبادلها الإهتمام ترا والله بتفرح ولك اجر.

وبعدين يا ازواج الله يهداكم ترا المشروع الزراعي اللي تتعبون علية من كثر الإهمال ترى ينحف وينشال ويتنظف!! فيه مكاين خاصة لللأماكن الخاصة ، وفيه الف طريقة وطريقة!! انت لو تحف مثل ماتحف زوجتك بالحلاوة تطلع روحك وتحلف انك تحترم كل الحريم!! فحس فيها وبادلها النظافة تراهي تحف ومتحملة الالم عشانك!!

ومايبط كبدي الا هذاك اللي مايعرف يرقع ويقول حلات الرجل يكون خشن!! لاااا علينا هالسوالف وخشونتة ماصارت الا بهالاماكن الخايسة هذيييك؟؟ ياشيخ عذرك اقبح من مشروعك الزراعي!!

ثم ياخي اذا رديت للبيت وفيك ريح دخان وشيشة اتروش وخذلك"شاور" وبعد ماتخلص ترا فيه شي اسمة لوشن لتعطير الجسم بروائح رومانسية تجذب زوجتك لك ، ولابغيت تدخل سريرك ترا فيه عطور هادية وباردة تخلي زوجتك في حالة شلل رباعي من كثر ماهي متلذذة بريحتك!! والله الريح الطيب يطيب النفوس!! واذا عندك اتيكيت ورومانسية وذرابة وتبي تكون "جنتل مان" اعرف العطور اللي تحبها وحطها لها (وخل العطور هاذي لها هي بس).


ملاحظة!!
كل إهتمام لنفسك تبدية لزوجتك بتلقى من وراة ثمر وتجدد ، ترى الحريم كل ماكنت طيب معها تصير اطيب منك.

الموضوع صغتة بهالطريقة عشان يكون خفيف على قلوبكم واشوف إبتسامتكم فيه.

وسلامتكم.

__________________
استغفر الله واتوب إليه

قدمت علي عمر بن الخطاب رضي الله عنه امرأة قد طلع بين كتفيها القمر . يشع من عينيها السحر ويرشف من شفتيها العسل ومعها شاب قد طال شعره وتشعت .. وركبته اﻷ‌وساخ ولم يمسه الماء وﻻ‌ يد الحﻼ‌ق منذ شهور وله لحية كشعر القنفذ وأظافر سود طوال تغثي من قذارتها عين رائيها وعليه ثياب بالية ممزقة ﻻ‌ يعرف لها شكل وﻻ‌ لون وتقتل برائحتها من عشر أمتار فقالت : يا أمير المؤمنين . هذا زوجي وابن عمي وأنا ﻻ‌ أريده وأريد أن تفرق بيني وبينه قال الرجل : زوجتي يا أمير المؤمنين . وعروسي من شهرين لم ترفع معالم العرس حتى جاءت تطلب الطﻼ‌ق من غير ذنب جنيته وﻻ‌ حدث أحدثته قالت ما أساء إلي ولكن ﻻ‌ أريده قال عمر تعالي غداً وأشار إلي غﻼ‌مة فذهب بالرجل إلي الحﻼ‌ق فأخذ من شعره وإلي الحمام فغسله وقص أظافره وألقى عنه اﻷ‌سمال البالية وألبسه ثياب جديدة نظيفة وجاء به من الغد وقد خلق خلقاً جديداً وعاد رجﻼ‌ً أخر وبدا شبابه وجماله وصحته فغضت المرأة بصرها عنه ﻷ‌نها لم تعرفه وحسبته رجﻼ‌ً غريباً فأومأ إليه عمر أن يأخذ بيدها فلما مسها وثبت كاللبوة الغضبى وتورد من الحياء واغضب وجهها ونترت يدها وقالت ابتعد أيها الفاسق أتهجم علي بين يدي أمير المؤمنين ؟ فقال عمر ويحك هذا زوجك فنظرت إليه محدقة ﻻ‌ تصدق عينيها وترددت لحظة ثم رمت نفسها بين يديه وهي تبكي وانصرفا راضيين فقال عمر :- هكذا فاصنعوا لهن إنهن يحببن أن تتزينوا* لهن كما تحبون أن يتزين لكم (

والله تعالى يقول ) ولهن مثل الذي عليهن(

موضوعك رائع وقليل من يتطرق له من الرجال خاصة
وبعض النساء تخجل ان تقول لزوجها ان يتنظف او يلبس لها

زوجي الحمد لله مهتم بنظافته ولباسه وعطوراته واذا قصر مااتركه بحاله هههههههههه
من حق الزوجه ان تتمتع بزوجها مثل ماله حق يتمتع فيها
الصراحه مهمه بين الزوجين ولكن بلطف وأدب وذوق ،،
اعرف وحده جوالها مليان صور شباب من النت تجمع صورهم واحب هذا وهذا حلو وهذا كشخه .. و .. و.. الخ صدمتني !! البنت متزوجه وعندها عيال !!
قلت لها تعرفينهم ؟ قالت لا
قلت ليش تجمعين صورهم
قالت امتع عيني فيهم !! شوفي صوره زوجي واشوف زوجها الله يهديه مايهتم بنفسه ابداً
طبعا مالها حق تجمع صورهم والمفروض تغض بصرها وتصارح زوجها ولو وصل فيها الحال هي تلبسه على ذوقها
الله يقول ) قل للمؤمنين يغضوا من ابصارهم ويحفظوا فروجهم ذلك أزكى لهم وقل للمؤمنات يغضضن من ابصارهن ويحفظن فروجهن ذلك ازكى لهن (
اللي اريد اوصله انه اهمال الزوج لنفسه يشعر زوجته بفراغ فهي بشر وطبيعة الانثى تميل للرجل
كما يميل الرجل للأنثى
فتصبح الزوجه تنظر للرجال الأجانب وتتمقل ملامحهم ولبسهم لأنها مااشبعت ناظرها بزوجها حلالها ،،

اذاً الصراحه في الزواج شيء اساسي ولكن بشرط اللطف والذوق وانتقاء الألفاظ المهذبه فالانتقاد قاسي مهما كان لطيفاً ومااجمل الصراحه عندما يتخللها مديح صادق يجعلك منصفاً في نظر شريكك

اشكرك اخي الكريم على موضوعك الأكثر من راااائع ،،
تحياتي ،،

__________________
[img]http://im78.***********/FRd0Bi.jpeg[/img]

هههه فعلا النظافه من الايمان وكثر الله من امثالك

وين زوجي يقرء

__________________
انا لله وانا اليه راجعون

هناك كثير من الازواج من يجهل هذه الاشياء

فهم مايعرفونه هو ان الزوجة يجب عليها ان تكون جميلة نظيفة مرتبة مهتمة بشكلها وجمالها دائما"

وعندما يريدها زوجها للفراش الزوجي فاقل مايقوله لها جهزي حالك >>>>>> ]تجهز عدة القتال يعني <<<<<<

اما هو فلايعلم بان مايحب ان يرى زوجته عند لقائه بها فيه هي ايضا" بالمقابل تريده ان يكون بنفس الاهتمام والجمال والنظافة

والترتيب ولكن يامعشر النساء ان لم يفعل هذا بنفسه فانتي خذي حققك بنفسك اطلب منه لبس معين ورائحة عطرية تحبينها

يعني بالعربي نظفيه هههههههههه وريحي حالك من الشكوى زوجي مو نظيف وزوجي لايهتم بنظافته

__________________
الحمد لله

ابدددددددعت

موضوعك يونس من جد
احسنت في كل ماذكرت
بنظري ان ترك اﻻهتمام بهذه ااﻻشياء البديهيه
ليس جهﻵ من بعض الرجال انما ﻻمباﻻه ودور
المرأه ان تبدأ مع زوجها بالتدريج،، تلميح كتجهيز
ادوات النظافه له وما الى ذلك فإن لم يفد فيه
فالشكوى لله مالها اﻻ تطير جبهته وتقولها بصريح
العباره على ان هالموضوع يجرح بس الرجال
اذا شافوا شغله فينا مابقول النظافه ﻻن مستحيل
فيه حرمه ماتهتم بهالجانب بس يعني كتدني اﻻهتمام
بالزينه وماالى ذلك مايوفرونا فليش نوفرهم
لك شكري اخي الفاضل على هذا الموضوع القيم~

__________________

وكل شيء حولنا ﻻ يخلو من بعض الجمال،،لكنها ارواحنا احيانآ تصاب بالعمى~

الله يكثر من أمثالك يا رب .. ويالله يرزقك باللي تستاهلك وتستاهلها.

__________________


اللهم طِيبَ الأثر .. وحُسْنَ الرحيل.

من جد وينهم معشر الرجال عن الموضوع يقرؤونه،،
موضوع ع الجرح خاصة نقطة الفنيلة والسروال تقديس غير طبيعي ،، على ان الدولاب مليان من الملابس الزينة
لكن يظل ولاء الرجل لهذا الزي يضرب به المثل،،

وكمان نقطة نظافة الفم والتفريش، اكثر من وحدة تشكي بهالخصوص اش هذااا يجلس كذا ينام يصحى من غير ما يفرش أسنانه ،، لا حول ولا قوة الا بالله

تسلم ع الطرح اللي ع الجرح