زوجي تفكيره تقليدي عن الزواج
انه البيت كل مسؤولياته على الزوجة
ويبي يرجع وكل شي تمام وعلى حسب ظروفه

وفي نفس الوقت يبي موظفه يفتخر فيها بين أصحابه وتساعده بمصاريفها

وأنا ماحب أكون متوترة ومضغوطة وهذي قدراتي
اقصد ابيه يساعدني بأنه يشيل نفسه بالبيت
ابيه هو يغسل ملابسه أو أنا اغسلهم واكويهم وهو يرتبهم داخل الدولاب
هو رافض ويقول هذي واجباتي
ماقدر اتعب بالعمل وارجع البيت واكرف لحالي
خاصة واني كل ماعودت نفسي على نظام معين يقوم زوجي يغير نظامه
ويلا لازم أعيد الترتيبات وطاقتي اللي وزعتها ودربتها

فكرت في الشغالات اللي تجي بالساعه لكن خايفة ادخل وحده وبس بيتي

بصراحه يالموظفات ايش نظامكم علشان تحلون هالازمة
خاصة وان وظيفتي احتاج أحيأنا اجيب العمل معايا للبيت

أنا ودي اذا رجعنا البيت أنا وزوجي نتعاون واحد يطبخ الثاني يغسل
واذا الولد كركب البيت اثنينا نتعاون ونرتبه

نهاية الاسبوع اثنينا نتحمل تنظيف البيت

لكن زوجي رافض هالشي ويقول هذي واجباتي

التعاون انسي من الي يتعاون
جيبي شغاله تساعدك والله يعينك

جيبي لك شغاله لو من راتبك ،، شفايده الراتب والفلوس اذا ماعزت صاحبها،،

هدديه انو بدك تتركي الوظيفة منشان تتفرغيلو


قليلو بما انو هي نظرتك للمراة المفروض تعرف انو مو من واجبي اشتغل و اجبلك مصروف

أعيش في منزل أهله والعاملة هي من تقوم بأمر الطبخ واالمطبخ
أما باقي أمور التنظيف والغسيل بشقتي فأنا من أقوم بها
لا أنظف يوميا، أعمل جدول لنفسي بالغسيل والتنظيف
الغسالة الأوتاميتك لا تحتاج جهدا بالغسيل
وملابسه يأخذها لمحل الكي
بالنسبة للطبخ تستطيعي الطبخ لعدة أيام أو تجهيز ما يلزم
وحفظه بعلب بالثلاجة ..
خططي وضعي جدولا لتنظيم وقتك دائما .. طباع زوجك كأغلب
طباع الرجال الخليجيين ..

__________________

اجيب شغالة تعيش معانا بشكل دائم مستحيل
شقتنا صغيرة أصلا فكيف بقابلها طول الوقت
واللي بالساعة متخوفة

كان بيت اهلي في شغالة لو ظلت كنت ارتحت اشوي لكن سافرت وأمي خلاص ماتبي

ايوه سهر كثير اقوله أنا اغض النظر عن ظروفك المادية وكنت غض النظر عن تقصيري بالبيت لكن مو مقتنع
ق

أرسلت له مقاطع الزوجه مو من واجبها تنظيف وغسيل لكن مو مقتنع أو يمثل عدم الاقتناع يقول أجل بس للفراش

انت من صجك الزوجه مو من واجبها الغسيل والتنظيف !!!
ان ساعدتك في امور البيت فهذا من طيبه وكرمه
واذا ما تتحملين اتركي الوظيفه بسيطه وتفرغي للبيت

بالعكس تكرما منها و طيبة
و على اي رجل الاﻻيتصرف كالمعاق
و ينتظر من يرتب سريره و يغسل وراؤه حمامه..و يرتب درج ملابسه
و يلملم ما يرميه و يضع صحنه في المجلى و يرمي المنديل بعد ما يستخدمه
لو فعل الاعلى كانسان طبيعي ..خف من عمل الزوجة الكثير
لكن شنقول في العقول اليابسة

__________________

وظيفتي مساعدتنا
لو تركتها يمكن بتخلص من مشكله عدم التعاون بس بفتح على نفسي باب احتياجاتي المادية
وماظنتي يقدر لأن راتبه يدوم يكفي أجار ومؤونة