مساء الخير اعضاء المنتدى
انا في مشكله كبيره وهم مايعلم فيه الا ربي وصلت مرحله انو عجزت عن التفكير تعبت مره وابي رايكم ومشورتكم
انا متزوجه تقريبا من سنه ونص وصارت بيني وبين زوجي مشاكل كثيره ويحطني عند اهلي بعدين نرجع لبعض اخر مشكله صارت انو حطني عند اهلي وسبب المشكله كانت بسبب عزيمه كنت ابي اروح لها وابي السوق بس زوجي رفض يوديني وتهاوشنا وجلس يسبني وقال كلام وصخ علي انا ما قلت شي وسكت من بكره ارسل انه يتاسف وانو اجهز اغراضي يوديني عند اهلي جهزت اغراضي واغراض ولدي يوم جا من الدوام قلت يالله قال لا مافيه روحه طيب ليه تقول لي جهزي اغراضك وصار بينا مشادات في الكلام بعدين انا كلمت اختي قلت ماراح اجيكم عشان زوجي بينام بس كنت ابكي قالت خلاص برسل اخوي لك ورحت قلت لها قال او طلعتي انتي طالق قالت احسن بس ولدنا وش بيصير عليها قال باخذه منك بعد سبع سنوات المهم انا طلعت من الغرفه وجلست اصلي والحمدالله هديت وهو طلع من البيت يوم جا بالليل جا وقال ترا بكره بوديك لاهلك من بكره رحت لهم وعطاني مصروف وجلست عند اهلي شهر كامل طبعا طول الشهر هذا اكلمه متى بتجي تاخذني يرد علي من قال باخذك طيب وش بيصير علينا قال بعد مااخلص اختباراتي بقول لك بس تقبلي الوضع من كلامها هذا حسيته بيطلق المهم اي مكان اروح له ارسل له ترا بطلع طبعا طول فتره جلوسي عند اهلي ماتكلمت بشي قلت عندهاختبارات ومابي ولدي يزعجه اهلي قررو يسافرون في الاجازه وانا في وضعي هذا احترت وش اسوي اعلم اهلي او اروح معهم ارسلت له مسج قلت اهلي بيسافرون وبروح معهم هو مارد المهم مافي حل الا اروح معه رحت مع اهلي وارسلت له مسج قلت ترا رحت مع اهلي وارسل مالك حق تاخذين ولدي بدون اذني ولا انتي مالي دخل فيك بعدها بخمس ايام ارسل مسج انو انتي طالق والله يوفقك بحياتك والحمدالله انا كنت ادعي في الحرم اذا فيه خير لي يرجع لي واذا فيه شر يصرفه ولا قلت لاهلي عن الطلاق الا بعد مارجعنا قلت لابوي ترا مطلقني من اربع ايام واخوي كلم طليقي قال ترا نبي نجي ناخذ اغراض اختي ونبي ورقتها قال طيب ورحت اخذ اغراضي ولا جاب ورقتي بعد اسبوع كلم اخوي قال ابي اشوف ولدي وانا جهزت الولد يجي يشوفه وما جا يوم جا من بكره جا خالي وجاب اغراض الولد وجلس يقول لابوي خلهم يرجعون وابوي رفض لانه شاف من طليقي حركاته كثيره المهم بعد فتره ارسل لاخوي اني ابي اخذ ولدي اشوفه ومابي اجي لبيتكم كلمني اخوي انا رفضت لانو ولدي عمره اربع شهور واهله مو متواجدين في المدينه اللي حنا فيها مافي الا اخت قال اخوي امه رافضه يطلع من البيت بعد اسبوع جانا ورقه من المحكم طليقي شاكيني يبي يشوف ولده في مكان غير بيتنا لانو قد ظربناه وبين مشاكل المهم انا وكلت اخوي وانتهت المشكله انو يشوفه بس باقي ماتحدد المكان وتمرمطنا معه بعدين اخوي رفع عليه قضيه انو يجيب ورقتي بعدها بفتره ارسل لي في الواتس كلام طويل انو من ظمنه انو تبين اطلقك راح اجيب ورقتك بكره او تبين نرجع حق بعض بس بشرط ماتشرطين شي واجي اخذك من عند باب اهلك وابي قرارك الحين قلت له انا حاليا مااقدر استخير بعد كم يوم برد عليك واستخترت وبعد فتره قلت خلاص نرجع حق بعض وليتني ما قلتها هو قال خلاص بكلم اخوك وجلس اسبوع بعدين كلم اخوي وقال له سبب المشكله وقال اسال اختك والا احد يدري اذا تبي ارجع لها او لا المهم كلمني اخوي وقلت له بستخير استخرت وسالت امي قالت براحتك هذا خيارك بس اذا بترجعين اطلبي منه رضاوه وهذا اللي خوفني لو بطلب منه هو بيقول انا قلت لك بدون شروط وبندخل في مشاكل كلمت اخوي وقلت قول له خلاص يجيب الورقه اليوم كلمه اخوي وقال خلاص جب الورقه قال لا وعلمه بكل شي وقال انت مغير رايها وكلمني اخوي وقلت هو سالني وحطها في ذمتي انو مااتكلم بس بعد ماكلمتني انت احس خفت واخوي هذا كلم امس اخوي الثاني اللي كان رافع قضيه وقال له انو يبي يرجعها وهي رافضته ويبي ولده قال اخوي له قول لما تخلص اجرا القضيه الاحد تشوف ولدك الحين اخوي الكبير عرف انو مابيه لو برجع له اخاف تصير مشاكل انتم وش رايكم مره محتاره اخوي قال انتي فكري وردي علي الاحد وانا بكون معك في كل شي بس هو اخوي مايدري بشرطه انو مااطلب شي انتم وش رايكم ساعدوني تعبت من المشاكل




تم تعديل العنوان ليتناسب مع مضمون الموضوع

عزيزتي سهل الله أمركِ ورفع عنكِ كل هم وضيق ..
أنتِ أدرى وأعلم بطباع زوجكِ ..
هل زوجك وأخلاقه وطباعه تستحق التضحية للرجوع إليه
بدون شروط؟؟
ما هي إيجابياته .. وما هي سلبياته؟

__________________

ينقل الى القسم الانسب

قسم المطلقات والارامل والمتاخرات

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

عورني رأسي
اللي أشوفه أن مافيه مشكلة من الأساس بس أنكم تعاندون بعضكم وكل واحد منكم يبي يفرض شخصيته ورأيه على الثاني
وهذا خطأ

الرجوع طيب وخصوصاً إن بينكم ولد
والخيار لك

السلام عليكم ورحمة الله وبركاته ..
أختي الكريمة متفائلة الخط جعل عيني تتألم !
نفس تساؤل أوراق الحبيبة إيجابيته وسلبياته ؟!
كيف كان يعاملكِ ؟! وأنتِ كذلك ؟!
وماهو سبب الطلاق ؟!
وماهو هو موقف أهلكِ لهذا القرار ؟!
وضعي في بالكِ إذا قررتِ العودة فلا بد أن يتغير تعاملكِ معه ..!
وبينكما ولد وأمر العودة سيكون جميل جداً ..!
فلا بد أن تعرفين الخلل وتصلحيه كي لايتكرر عندما تعودي ..
بإنتظار ردكِ أيتها المتفائلة .
وفقك الله لكل خير .

ماعرفنا بالضبط وضعكم كيف قبل المشكله ذي
لكن الشي اللي يحز في الخاطر وضع اخوانك
فازعين معك وذايقين الغل والتعب والمحاكم
واخر شي تفكرين ترجعين بدون شروط
طيب يا اختي كان وفرتي التعب عالمساكين
اللي فاير دمهم عشانك !!!
صدمه للكبير بالذات لو يدري وبعدها ما اظن
احد منهم راح يوقف معك..

الله يهديك .. وبالنسبه لعبارة بدون شروط
مادري ليه انت سلبيه.. هل لك يد في ذي
المشاكل ؟؟ عشان كذا بتلمين الموضوع ؟!
فهمينا اكثر الله يرضى عليك

اختي الكريمة الله يخفف همك
المشاكل التي تم تفصيلها ناقصة وخيوط كثيرة في حياتك مع زوجك مبتورة او لم تذكر من اساس ، فلم تذكري لنا طبيعة شخصية زوجك كم عمره وما هو مستوى خلقه وتدينه وهل وما مستوى ثقافته هذا من جهة صفاته اما الشيء الثاني وهو ما نوع المشاكل التي تحصل بينكما ، أهي مشاكل تتعلق بالمال او الطباع او الكذب او الخلق المزاج مختلق لم تحددي بالضبط ، وكذلك عنك يا اختي كم عمرك وتدينك وثقافتك ...الخ .
من هذه السطور المختصرة التصرفات التي كتبتينها يبدو لي ان هناك هو من الغرابة والبساطة في التصرفات ، إذ كيف يطلق بكل هذه السهولة كأننا في مسرحية هزلية ! وكيف لم يذهب الاهل والاخوان اليه بحضور اهله وعائلته ويتفاهمو على كل كبيرة وصغيرة ويعرفوا الاسباب التي دعته للطلاق ، فهل الطلاق مع وجود اولاد ومسؤولية هو شيء سهل لهذه الدرجة ؟ وكيف يذهب الاخوان اليه بكل بساطة ويقولون اليه نريد اغراض اختنا وورقة الطلاق وكأن لا مبالات في موصوع طلاق اختهم؟
وعنك انت يا اختي لم تقولي لنا عن شخصيتك معه ، فنخشى ان تسببي له نرزفات وتطفيش تجعله يتصرف معك بهذه القساوة وتجبرينه يتخذ معك هذه الصلابة بسبب تطفيشك ونعنادك له ، ولا خدري بالملابسات بالضبط لاننا لم نسمع من كلا الطرفين .
نحن لا نعرفك فلا تتحرجي وكوني شجاعة يا اختي وقولي لنا ما هي اخطائك لاننا نريد اصلاح حالك ولا نريد لي احد الطلاق ففيه البلاء والضياع .و

يغلق .....

__________________



احيانا يجب ان نفقد ذواتنا كاملة لكي نستعيدها كاملة ...