السلام عليكم ورحمة الله وبركاته

بداية انا اخترت هالمنتدى اني اكتب فيه مشكلتي بعد ماقريت عدد من المشاكل المطروحة وحسيت انه فعلا الأعضاء اللي فيه حابين يساعدون بقد مايقدرون وصراحة ودي بكل المستشارين الأفاضل يساعدوني ويعطوني ارئهم لكن من القوانين اني اختار عضوين فقط لأاكثر

انا متزوجة من سنتين وثلاثة اشهر انسانة مااحب النكد والهواش احب الطلعات ةالترفيه عن النفس والسفر احب العلم والتعلم واطمح للدراسات العليا عصبية قليلا بااااردة واثقة من نفسي ومااتأثر بالغير طيبة القلب عنيدة على وصف زوجي لكني لاراها فيني ربما فيني ولاادري
زوجي عصبي جدا جدا بشكل حار طيب القلب عنييد كريييييم

مشكلتي اننا لم نتفق انا وزوجي انا احب يطلعني وهو يعيي انا ابي مطاعم طلعات سفرات مثلي مثل غيري وهو يعيي مافيه انا مااحب ومرات يقولي اوكيه بطلعك ومايطلعني بس كلام مليييت من هالحالة علما انه هو قليل الجلوس في البيت يطلع للشله مو هذا طبعا اساس المشكلة اصلا حاولت استسلم للواقع اساس المشكلة ان زوجي عصبي جدا وعند اتفه التوافه يهاوش وينكد ويقلبه لمشكله ويقلل من احترامه لي تعبت نفسيا منه انا بالبداية كان لما يهاوش على سبب مايسوا يقهرني واقوم اهاوش وارادد زيه لكن نصحتني امي انه الحار والعصبي لاترادينه طبعا بالبداية عجزت لكن حاولت وفعلا حاولت اتقبله زي ماهو وحاولت لما يهاوش ويعصب اسكت ومااراده لكن يقهرني يطول بالهوشة ومرات احاول اهديه واقوله خلاص هد المشكلة ماتسوا واجلس اعتذر له ومن هالكلام لكن مانفع زوجي هو زوجي تعبت من نفسيته ارضيه بقد مااقدر وتلقينه مبسوط مني لكن بمجرد حدوث غلط بسيط مني يثور ويهاوش وينسى كل الزين اللي سويته له ومشكلته دايما ينوي فيني نية شينه انا والله ان نيتي غالبا طيبة والكثير يشهد لي لكن هو لايرى ذلك اي تصرف مني مايحبه يرا فيه نيه شينه وانتي اصلا متقصدة هالشي ومرات والله مااتقصده لكن لما اقوله مايصدقني واقوله انت ليش دايما نيتك سوداء حاول تحسن نيتك يقولي انا نيتي تجاه الناس كلهم بيضاء الا انتي صراحة قهرني بهالكلام ماادري هو قاله من قلب او لا بس ضايقني عموما وانا لو على عصبيته بعد تحملته لكن اللي مااقدر اتحمله اهانته لي والتقليل من الاحترام بداية كان يتلفظ علي بالفاظ سيئة على مواقف تافهة لاتبرر له تلفظه ومرات قليله وصلت لمد اليد وكلها على امور تافهه بنظري لكن هو يراها عظيمة واغلب المشاكل اللتي بيننا والله تافهه واسبابها تافهه وانا متفهمة انه لكل بيت مشاكل ولاحياة بدون مشاكل لذا لاتستوقفني تلك التفاهات لكن هو يقف عندها ويدقق على كل شي ويقلبه لمشكله والمشكله الاعظم انه يقولي انتي انسانه تحبين المشاكل انتي ماتخلين الواحد يحبك مايمدينا نبني حب الا ينهد وانا والله اني مااجيب المشاكل هو اللي يجيبها ويصنع من كل سالفه مشكله لكنه مايعترف ودائما يردد انا ماابي هالحياة اللي فيها مشاكل واقوله عادي كل بيت فيه مشاكل وبعدين مشاكلنا تافهه يجي يقولي انتي هذا قانونك بالحياة يعني لازم مشاكل وبعدين ليش تافهه مشاكلنا تبين اعظم من هالمشاكل اقوله روح تكلم على اخوانك وخواتك شوف ان كلهم عندهم مشاكل يقولي انا ماعلي من احد ان انسان مالي خلق حياة فيها مشاكل انا ماابيها وكثير اذا صارت بيننا مشكلة جلس يردد انا ماابيك اكرهك وشيلي اغراضك وروحي لبيت اهلك صراحة تعبت نفسيا منه واهانني كثير بكلامه هذا ومرة قلت له كيف ماتحبني وانت دايما تقول احبك قال اجاملك كنت وبعدها كلمت اخوي وتدخل بيننا وقاله هل تبيها تستمر زوجه معك او لا وقاله الا قال هل تحبها والا طلقها قال والله ان معزتها فوق راسي والله لايجيب هاليوم اللي تطلب فيه الطلاق طبعا اخوي قاله وش فيه اللي مضايقني وقاله لازم تحترمه وتقدره وماتهينه وتهدده عند كل مشكله روحي لبيت اهلك طبعا قال اوكي وانا والله مب قصدي لما اقوله هالشي والحمدلله تحسن في الالفاظ لكن روحي لبيت اهلك مازالت تقال انا مليييت منه وانجرحت بما فيه الكفاية واالله ماعدت احس معه بالاستقرار والامان عند كل سالفه اقول بيطلق احسه مو متمسك فيني وصدقوني اقول هذا وشلون بحمل منه وانا مااستقريت معه لان هو مبلشني احملي احملي صبرت كثير وتنازلت عن اشياء كثير احبها عشانه الطلعات احبها وصرت ماابلشه عشان مايزعل الدراسة احبها وكنت ناوية اكمل ماستر لكن ماكملت عشانه عيا دورات تمنيت آخذ ومااخذت عشانه مايبي سفر اتمناه وماسافر فيني علما انه سافر باهله مرتين وماياخذني المهم واخر شي قبل اسبوعين صارت بيننا مشكله تافهه جدا وعصب وسواها سالفه علما اني ماتعمدت اللي صار لكنه ماصدقني وطردني قالي انا ماابيك وكرهتك وضفي اغراضك وروحي لبيت اهلك قلت له بس عشان هالشي خلاص تنسى العشرة قال ايه انساها وانا حاولت اهديه واعتذرت منه لكنه ماقبل وقالي روحي لبيت اهلك وانا خلاص الى متى بتحمل يهددني واسكت ولاول مرة من تهديداته اخذ بعض اغراضي واغراض بنتي واروح لبيت اهلي ومن رحت ماكلم ولاشي وانا بعد ماكلمته الا اني ارسله يجيب متطلبات بنته انا خلاص قلت الا كرامتي وماراح اخليه يستضعفني اكثر من كذا الرجال عرفته استضعفني لاني دايما ابين له حبي وغالبا عند حدوث أي مشكله مااطول بالزعل علطول اجي اراضيه لاني امسانة مسالمة ومااحب الزعل يطول امل لكن بداية زواجي كنت على العكس مااراضيه ونجلس زعل كم يوم وبالنهاية يجي هو يحاول يراضيني وانا الان عند اهلي وناوية ماارجع له الا اذا بيتعدل خلاص اصلا طابت النفس وبعدين اقول وش فيه زين عشان اتحمله وارجع له صلاة الفجر مايحافظ عليها وغالبا مايصليها الا اذا قام الضحى واغاني طول الوقت يسمع ويفتح عندي بالبيت قنوات الأغاني والرقص وانا امرأة مثل غيري ماارضى يشوف زوجي هالأشياء وكم مرة اتضايق من سماعه للاغاني واقوله سكره انا ماابي اسمع لكنه مايطيعيني يقول اذا ماتبين سدي اذانك انا والله افكر حتى بكرا بعيالي كيف بربيهم واقولهم هذا حرام وهم يشوفون ابوهم قدوتهم اربع وعشرين ساعه اغاني يعني باختصار لادين ولا اخلاق وحسن تبعل وانا قلت لاهلي كيفيه اتركوه لاحد يتدخل ولااحد يكلمه ولاشي خلوه لين يطيح اللي براسه ونشوف وش يقول اذا هو قال بيطلق كييييفه وصدقوني اللي باعني عند مشكلة ماتسوا صدقوني انه مافيه خير لا لي لا لالعياله وانفصل من اليوم وانا معي طفل والا بكرا وانا معي اكثر وفراقه مب حسافه واذا هو مابغا يطلق نقوله هي باغيه الطلاق صراحة وتقول مااراح ارجع له ا لا اذا عدل من طبعه وسلوكه وقلت بشترط عليه انه ماعاد يعيد هالكلمات الجارحة والتهدييد بروحي لبيت اهلك ويحاول يضبط نفسه ويهذبها عند الغضب ويقدرني ويحترمني وقلت بعد بشرط عليه انه يطلعني بالشهر مرة لمطعم حديقة نتمشى أي شي واحس انها مب كثيرة بعد من حقي انبسط بحياتي فانا حبيت اشاوركم وش رايكم بقراري وهل صح طريقة حلي للمشكلة انا قلت خلاص لزم احط للامور حد وماامشيه هالمرة بمجرد مايدق ويراضي لالازم احاول فيه يتعدل انا مب مجبورة اتحمله طول عمري ولازم نعالج مسببات المشاكل مونمشي الامور وبس وعند كل مشكلة انا اللي امشيه واراضيه واسلك الامور لكن خلاص الى متى

رجاااااء قولي ولي هل طريقتي صحيحة او لا