السلام عليكم
بداية مشكلتي من سنوات بداية حملي الاول كذب علي زوجي قال انه رايح عمل للشرقية ولكن ربـــي فضحه كنا طالعين من المطعم ونزل من السيارة أنا فتحت الدرج حق السيارة أبغى علك لكن حصلت ورقة تأمين للسيارة دخول للبحرين والخروج بالتاريخ والوقت 4ايام كامله يعني ماجلس بالشرقية ولا ساعه انصدمت انصدمت ويوم راجعت نفسي فعلا ملابسه الي بالشنطه مو واحد رايح شغل
تمشكلت معاه لكن رضيت مضطره لآني على وجه ولادة وكنت محتاجه لوقفته معاي
تكرر هذا الموقف مرة ثانيه ووقفت بوجهه وقلت ترى الثالثة ثابته وأعطيت نفسي فرصه
حملي الثاني الي طلعت من نفاسي بهدية جحود ونكران حسبي الله
قبل مااطلع من نفاسي بخمس ايام صحيت من حلم مفزع كان تمهيد للعاصفة الي جايه بالطريق
أرسلت له أساله عن أحواله الفجر قلت أنا قلقانه عليك رد وطمني
الظهر أرسلت قلت تعال تقهوى معانا وقلت أنا حلمت حلم مفزع علشان كذا أرسلت لك الفجر شكله خاف ينكشف قال خليني أقولها أحسن
قال ما اقدر أجي أنا بدبي نسيت أقولك !!!!!!!!!!!!!
بالله هذا عذر كيف ينسى يودعنا الى هذي الدرجة حنا شي هامشي بحياته
ليه هذا الوقت بالذات
اذا فعلا نسى مصيبة وإذا مايبغاني ادري المصيبة اعظم !!!
ياحسرتي وانا الي ارتب كيف ارتب للقائنا قمت أصرخ بدون شعوري وسكرت السماعة بوجهه
والله مطعونه منه قام أرسل لي أنا رجال ماأخذ الأذن منك وبعدين ليش تسكرين السماعه بوجهي ماراح أنساها لك ويسبني وكل كلامه استهزاء فيني ما احتوى الموضوع بالعكس صعد الموقف
قلت تبغى توضح حسن نيتك ارجع اليوم قام يضحك يقول لا ياشيخه اذا صرت طفل عندك تحكمي فيني
قلت والله مالك الا الي يرضيك ويعتذر لك على تسكيرة السماعة وانا بحجز لك قال لي هههههه تبيني ارجع علشان اعتذارك ؟؟؟
أنا خلاص حسيت انها خاربه قلت والله مااخليه يتهنى لاانكد عليه بهذي اللحظة ما أفكر الا كيف انتقم منه لآني حملت علشانه وكذا يجازيني !!!
قمت أرسل له سب وهو شاد وانا شادة بالكلام الى الليل وحنا على هذا الوضع
أنا أبغى أجرحه باي طريقه برد شوي من كرامتي المهدورة
بعدها بكم يوم رجعت أكلمه بهدوء بتفاهم معاه مافي اي تبرير قلب الطاولة علي وقام يقول انتي ماتحترميني
يعني انت حاط لوجودي احترام !!!!
الحين لنا 20يوم مانكلم بعض أنا احس نفسي مجروحه ومالي اي قيمة يعني المفروض هالوقت أكون أعوض نفسي عن تعب الحمل والولادة
الحين صار هو الزعلان والحق علي والله مو عارفة كيف أتصرف ؟؟؟
مواصفات زوجي :
طيب وحنون وعملي من الدرجة الاولى يحب عياله بجنون لكن الخيانة بدمه أعيش معاه بااضطراب وخوف كبير حركاته تثير الشك غامض غامض
إيمانه ضعيف ما يحافظ على صلاته ببداية زواجي تعبت معاه من هذي الناحية بالأخير أستسلمت واتجهت للدعاء
أنا عمري ما فتشت ورآه بشي بالعكس مغمضة عيوني دايم أقول كم بعيش علشان أعيش بنكد وهم
لكن كل الي اكشفه بالصدفة
يقولون كل خائن عليه من الله بينّه!!!!
الحين كيف أتصرف بهذا الموقف ؟

الخيانة بدمه أعيش معاه بااضطراب وخوف كبير حركاته تثير الشك غامض غامض

ما مفهوم الخيانة هنا ؟

__________________
## مهم ##
هل تتعرضين للابتزاز في الانترنت؟


هنا من ينقذك

يا عزيزتي تلك هي الحقيقة المؤلمة
ان الزوج فعلا يروح و يرجع على كيفه و مايحتاج*يستأذن*
و الفارق هنا بين الرجل الكريم و اللي يحشم و من غيره
فالرجل الكريم النفس سيخبر زوجته.سيسرها سيقف بجانبها
انا لا اقول لك ان زوجك هو العكس من ذلك
لكن صرختك عندما علمت و هي ردة فعل لا الومك كثيرا عليها
وضعته في موقف محرج و الا لما قال ..نسيت اقولك..يبغى يرقع
فعشان الاحراج و لاحظت ان هذا طيع في كثير من البشر اللي ما يحبون يعترفون بالخطأ
انهم اش يسوون..يقلبون الطاولة و يطلعك انت الغلطانة
انت غلطت في رسائل السب؟؟وضعتي نفسك بموقف لاتحسدين عليه
و اصبحتي متعادلة معه في الخطأ بتعاطي المشكلة

اقترحك عليك عزيزتى ان ترسلي رسالة تلطيف و اراحة ضمير من جانبك
صلي في الرسالة على النبي و اخبريه انك لم تحبي ان يصعدةالامر للسب و انك اسفة
لكن فعلا تفاجأت من سفرك الله يهديك
وفقط
ولا تعاودي الاخد و العطاء معه بالرسائل
لا تزيدك الا شحناء لان الحل في اللقاء


فعلا لا تردي و سمي بالرحمن و تذكري فضل الولادة و تأملي صغيرك
و ريحي جسدك و استرخي..شغلي قران و استمعي له
عندما تهدئين ستتضح لك ابعاد المشكلة

و بما انك ذكرت ان زوجك حنون.فبعد رسالتك و ترك الجدال
سيطيب خاطرك

__________________

اختي الكريمة .. عندما علمتِ انه في البحرين ، لماذا لم تطرحِ مشكلتك هنا ؟
الموضوع الان تشعب و عليك جزء من المسؤولية . ردت فعلك في السفرة الاولى و الثانية أزمت الموقف ، و جنحت به كثيرا نحو العناد .
قد أعود للموضوع مرة اخرى ، و عذرا على صراحتي ان كانت قاسية .

آفاق المجد
أنا ماسكه عليه خيانات لكن ليست عميقة مثل السفر الي هي مشكلتي الحين !

مسز داني
أشكرك على ردك ريحني كثير فعلا صادقة السب خلاني أنا الغلطانه والحق معاه

عاقل لكن خبل
شكرًا شكرًا على ردك لكن مافهمت كيف كان المفروض تكون ردة فعلي
ومشكلة البحرين كانت قبل اعرف المنتدى وكنت على وقت ولادة وضعف خلاني ماأخذ موقف قوي
وليش اتجه للعناد بالموضوع أنا مو فاهمه أرجوك ارجع للموضوع وجاوب على تساؤلاتي أنا محتاجة الأجوبة!!!!!!!

ابو رعد المكي
شكرًا على ردك أنا قلت أبغى أجرحه بوقتها كنت بحالة غضب هستيريه وما قدامي الا انتقم منه
الإجابة على الأسئلة
1-يربي معاي وهو حنون على طفله مره
2-مو حريص على الصلاة
3-ما أجرحه الا بوقت الغضب وسببه استهتاره بمشاعري اذا تفاهمت معاه يرد بهذي الطريقة (بالله!!،صدق،لايا شيخه)وهذا الأسلوب استفزازي يخليك تطلع أسوء مافيك !!!!

الله يبرد قلبك اختي ويسخر لك زوجك ويرده ردا جميلا
اعتذر اختي عن ما ساقوله لا ادري كيف تسير الحياة الزوجية والرجل لا يفكر الا بنفسه يسافر لوحده ويرفه عن نفسه ويفعل ذلك دون علم زوجته اي انانية هذه
لماذا تزوج من الاساس ان اراد ان يعيش حياة العزوبية
الحياة الزوجية مشاركة في كل شيئ ليس فقط في الاوضاع السيئة يجب على المرأة ان تضحي وتصبر ووقت الترفيه يذهب لوحده
اختي المفروض زوجك لا يسافر الا وانت واطفاله معه ما طعم الحياة ان عاش حياة استقلالية بعيدة عن العائلة
يجب على كل امراة ان تكسب زوجها بطريقة ترضي ربها وبنفس الوقت ان تضع حدود من البداية والنقاط على الحروف ان كان اناني لا يفكر الا بنفسه
عجبا من رجال اليوم اين الترابط العائلي اين منزلة الزوجة من الاعراب في حياته
اسفة اختي ولكن كل ما اسمع عن هكذا مواضيع استفز
لانني اعيش قي الغربة وبالتحديد اوروبا وكثير من الاوقات اقترح على زوجي ان اعيش في بلدي الام وهو يزورنا كل فترة لكنه يرفض رفضا تاما يقول تزوجت لاستقر نسافر سوا ونعود سوا وحتى سهراته ياخذني معه او لا يسهر خارج المنزل لذلك يكفي ايها الرجال حبا للنفس فكروا بعائلتكم بالدرجة الاولى وكونوا قد المسؤولية
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

اختي .. انتي لما علمتي أنهُ في دبي ، كانت ردت فعلك غاضبه و نتيجة الأخذ و الرد في الكلام الكل منكما اتجه الى عناد الاخر .
الان هو في دبي .. صح ، عند العودة اتمنى ان تكـــونــِ منضبطة في التصرفات .. لا يصدر منك ما يعقد الموقف ، موقفك أنتِ موقف العتب ، كونِ باردة المجروحة من تصرفه .. ضعيه في زاوية انت من يرتكب الخطأ تلو الاخر .
و ربي يسعدك .

حبيبتي وش نقطة ضعف زوجك

بقولك الرجال الي مايصلي طبيعي يكون مستهتر بكل اموره

بس وش الخيانات الي قلتيها زي ايش ؟