السلام عليكم ورحمة الله وبركاته
كنت متابعه للمنتدي الرائع واستفدت كثير من الاستشارات و نصايح الاخوان والاخوات
بس الحين انا مو قادره اكمل مع زوجي في الوضع هذا و حاولت كثير اصر واحل المشاكل
لكنها مستمره و اخاف تزيد وتتكرر بالايام القادمه
زوجي من اول ماتزوجنا وهو مو متحمل مسوليه و كذب علي كثير بخصوص المصروف واخذ مني فلوس كثيره بالنصب و كذب علي بالسفريات قال ماعمره سافر ولما شفت جوازه راعي سفرات ومكثثر وكلها دول مشبوهه
هذا غير المكالمات مع البنات
وعدبني اول ثلاث سنوات تعذيب جفا وهجر و مشاكل و لامشاوير ولاطلعات و كل شيء على كيفه
وصبرت عشان ولدي
وصارت مشاكل و ضربني وتركته و مارجعت له الا بعد ماتعهد لي انه مايكررها لكن الشروط قال مااقدر مادياتي ماتسمح
وقال اصبرو علي شوي
ورجعت له
واخيانات ماتكلمت فيها على اساس اني ماادري
وماواجهته بس وعدني مايسافر و لمحت له وعاتبته ع التلفون اكثر من مره وماصار يحط رمز قفل

المهم اول مارجعت لقيته يكلم بنات من برامج صوتيه وعلاقه مع وحده منهم جديه وحب وغزل
المهم واجهته بعد فتره بادله و اعترف وقال طيب باترك البرنامج
و الاقيه يسوي حسابات ثانيه و يتواصل مع الشباب
فصارت مشكله انك لسا متابع خياناتك وماراح تتوب و علمته عن كل الي قبل من علاقات بالسفر ومن وقت الملكه
وتهاوشنا وتاسف ووعدني مايعيدها
وبعدها في السياره تهاوشنا على موضوع تافه ورفع يده كان بيضربني
انا بعدها مو طايقته
وكل الاحداث متقاربه
بعد مارجعت
شهرين صارت كل هذي المصايب
قلت له ماعاد ابغاك خلاص وانتظر الطلاق
و هو له كم يوم يحاول يراضيني
لكن محاولات تافهه تمشيات واغراض بسيطه
انا الغى انقل من ديرته واروح عند اهلي ويوجع لي كل فلس اخذه
و يترك الخرابيط هذي كلها ويصلي ويعتمر و يحج هالسنه
قلتها له بعد محاولاته
وطبعا مارضي فيها
و قلت له خلاص الطلاق
وللحين لا طلق ولا راضي ينفذ الشروط


ايش رايكم اكلم اهلي بس اخاف يقولون خليك واصبري

انا ماعاد اقدر اعيش معه بهالطريقه
اما يعتدل
والا يخلينا بس شكل متزوجين ماله اب حقوق و اسكن عن اهلي
بيجي حياه مو جاي مع السلامه

ايش رايكم
ساعدوووني
مشاكل طولت لها ثلاث سنوات عمر زواجنا


تم تعديل العنوان ليتناسب مع مضمون الموضوع

شو بتستني ياختي كلمي اهلك وخلي الرجال يتفاهمو معاه
واستخيري في الاول
كيف اخذ منك فلوس يعني انت اعطيتيه قرض بدون ما تكتبي ورقه عليه
طيب شو حساناته
الله يفرجها عليك قولي امين

__________________
انا لله وانا اليه راجعون

وش ايجابياته واصبري توكم في بدايه المشوار

لاحول ولاقوة الا بالله
لاتفكري بالطلاق الا بعد مايتدخل طرف من اهلك واهله
ودي اجمع الرجال الخونه بغرفه وافك عليهم فيران
حتى يتادبون

صراحة انا بديت اخاف نص مواضيع المنتدى خيانة
الله يعينك حبيبتي ويسهل امورك

هههههه اختي الكريمة ملك
لماذا الخوف ؟
زوجك اذا ملتزم ومن عائلة ملتزمة ويخاف الله لن يخونك ولن يقترب من الفاحشة .
اهم شيء انك تجعلين بيتك محصن بالقران والقنوات الهابطة والافلام المصرية والمدبلجة والفاسدة محذوفة وممنوع منع تام تدخل بيتك حتى لا يوسوس له الشيطان لان الشهوات فتاحها وتشتعل نيرانها من هذه الاشياء واذا عم البيت جو الايمان والطهر والعفة وذكر الله لن يوسوس له اليشطان ويحببه للزنى والرذيلة .
هههه ضحكتيني اضحك الله قلبك

اهله مره دخلت اخوه الكبير راح زاد الطين بله و الف كلام
عايلتهم مفككه و اخوان كل واحد من ام و مايبغون الخير لنا
واهلي تدخلو لما ضربني وقالو له اذا جاتنا مره ثانيه تشكي مابترجع اك
والله مدري وش الحل

اختي الحبيبة ،، ربي يكون بعوونك ويمسح على قلبك ويهدي زوجك ويتووب لربه! انا عندي قناعه ان هالشاكليات ما يتعضون ولا يتوبون الا اذا رب العالمين ابتلاهم بشيء يملئ به قلبهم رعب وتفكير وعدم راحة وخووف على الحياة !! .. لان لا زوجة محبة وحافظة وصاينة بيتها نافع معاهم ولا اهل ملتزمين ويحبون له الخير ينفع! يعني لا الشد يجيب نتيجة ولا اللين .. اذن الخوف هو الحل الاخير !

خلي الاهل يتدخلون و اذا قالوا اصبري قولي لهم قصص صبرك وصدقيني مافي اهل يرضون على بنتهم .. زوجك بعد كل هالشي لازم يعمل بالشروط وبعدها ترجعين له! وانا اشوف لمصلحته يعني الالتزام والصلاة وترك هالامور كلها لاخرته ...

شكلنا نسوي قروب ضحايا خيانة الازواج احسن لنا !
حسبي الله ونعم الوكيــــــــل
خلاص اقتنعت انه مافي رجال مايخون للاسف الا ناااااادرا

اختي الكريمة الله يفرج همك ويجزيك اجر صبررك

اولا اذكري ايجابيات زوجك حتى لو كانت قليله واكتبيها ف ورقه عشان ماتنسيها مع كومة السيئات الي عنده

انا دايما بأيد ان الزوجين يحلو مشاكلهم لوحدهم من غير تتدخل احد الا اذا استدعى الامر ويكون ف قرارات وشروط حاسمة بعد تتدخل احد

اجلسي مع زوجك جلسه هاديه اطلبي منه يسمعك ربع ساعه وقوليله ان انتي ماتزوجتي الا تلاقي الحب والاستقرار والاحترام اذا لم اوجد هذه الاشياء فلا داعي للزواج وكوني جادة ومقتنعه من كلامك

وبعده قوليله طريقتك انت لسى حركات شاب عزابي صايع لا مسؤل وهذا لا هو نافعك ولا نافعني اذا انت حاس نفسك انك تورطت بزواجك سرحني واتركني ف حال سبيلي وارجع بيتنا بلا مشاكل وبلا زوبعه وابننا يتربى عندي ع بال مانت ترجع لنفسك واذا انت حاس تقدر عليه خذه من الحين (طبعا هذا بيكون مجرد تهديد)

واكدي له ع جمله مهمة جدا الي مافيه خير مع ربه ومايؤدي حقوق ربه انا ما ارجي منه لان ربك الي رازقك كل شي ما اديا حقوقه بتأدي حقوقي انا الي ماسويت لك ولاجزء من الي ربي عطاك اياه!

واذكري له ان اسلوب رضاوته لك ماتنفع وانك مو محتاجة تمشيات قد مانتي محتاجة تقدير واحترام وتعامل بانسانيه

ف كل كلامك السابق كوني هاديه ومقتنعه من كلامك بعد ماتخصلي قولي له اترك لك المجال تفكر يومين ياتتفذ شروطي ونستمر ياكل واحد يكون ف طريق

والله يصلح احوالكم ويهدي قلوبكم