السلام عليكم ورحمة الله وبركاته
بقول لكم قصتي مشكلتي مدري وش اصنفها بس اتمنى منك ارشادي وتساعدوني
انا من كنت صغير وافكر بحياه مثاليه اني احب اخواني اغلى من روحي وقدمهم على نفسي واحترمهم ومهما كان ماارفوع صوتي واي شي يطلبونه انفذه كان اذا طلبو مني شغله اسويها وبمخي ال عادي مابيصري شي لو خدمتهم كنت اقدس علاقة الاخوه واذا تهاوشت مع احد اخواني مايمر ساعه الا ارجع اكلمه لو شنو مسوي لي وكنت دايم احاول اسولف مع اخواني وانصحهم واهتم فيهم
في ثالث ابتدائي كنت مره تعبانه ونايمه بينهم وصار شغله كان يبو يصحوني اسويه رفضت امي قالت لا تعبانه روح اطلبو من اختي اللي اصغر مني ردو عليها خواتي الثنتين اللي اكبر شي لا يمه هي ضعيفة شخصيه ومابترد علينا شي بس(( اختي اللي اصغر مني ))بتاكلنا بثيابنا مابترضى تسوي شي معني صغيره بس جاء الموقف في مخي ومابنساه اقول ليش يعتبروو الاحترام والطاعه ضعف شخصيه
كان ابوي متزوج ثانيه على امي وكنت مرره واقفه مع امي يعني اساعده بمواقف عشان تقهر ضرتها ويوم نروح لخوالي تعلق على امي وتضحك هي وخالتي اني يعني وتشبهني بواحده انا اعرف انها ماتعجبهم اتحطم زياده يعني تكسرني امي كذا تسبني كبرت وصرت باول متوسط صارو اخواني الولاد يجوني ويقولو لي اشياء حطمت نظرتي وثقتي هم اصغر مني ويسوى شي غلط بس ماقدرت اقول لاحد ولا عرفت وشلون مره جاني اخوي يقولي موقف صار له هو توه باول ابتدائي يقول ان ولد بنت خالتي تحرش فيه مقابل انه يلعبه على الدباب هو كان يقولي الموقف مو فاهمه بس كان يزيد علي وانا ماكنت اقدر اتصرف علاقتي مع امي مو ذا الزود وامي ماكان تجلس كثيير معنا صرت انام كثيير مابي اجلس وافكر اروح المدرسه نووم لحد اليوم الثاني ورحو المدرسه وكذا انقطعت عن العالم كنت لدرجة يمر يووم يومين وانا مانطقت حرف
حالتي النفسيه صارت زفت ذبلت من شدت ذبولي كان يحسبوو فيني الخبيث الدكاتره كان اهلي ماخذني المستشفى ويوم قالهم الدكتور خرجوني برا مايبوني ادري بس انا كنت فاهم كان وقتها عمري 14 ماخلو شي ماسوه كان اتعب واحس بالموت بس ماقول لامي عشان ماتشيل هم جاء عمري 15 بعدين اكتشفوو مرضي تحسس بالامعاء لازم حميه بدات معاناتي كان شي صعب علي مرره كان شكلي هيكل شكلي شاحب كان دايم امي تعلق علي على شكلي كانت في مره جاتني امي تهزاني وتقول انتي تفشليني شلون يشفونكك الحريم اذا جوني شبح انتي كنت مره اتحطم كل هذا مع المراهقه فتره حساسه من اعراض مرضي رايحه كريه تخرج من فمي وكان تسبني بهالشي قدام خواني وصارو اخواني يقولو هالشي بعد اذا جلست معهم اوتكلمت معهم ينفرو مني كنت انجرح واتالم ليش مايراعو هالشي انه مرض مو بكيفي صرت خلاص ماتكلم معهم ولا اجلس ولاتكلم بالمدرسه ولا اشارك عشان ماانحرج وصلت ثألث ثانوي وانا وزني 36 كان امي تاخذ صور خواني كلهم توريهم صديقاته الا انا كانها تتفشل مني جاني اكتئاب تعبت نفسي اي انسان طبيعا مستحيل يقدر يعيش كذااا الحاله بس انا عشت هالحاله ماعندي صديقات ابد ماختلص بالمجتمع
ومن سنه استوعبو اهلي اني انطوئيه جاءت له شي ثاني يمسكووه علي انتي ليش مو نفس خواتكك تختلطي وتسولفي ليش انتي ضعيفة شخصيه الحين قالوها بوجهي كان ردي على كل شي ابكي بس يعني انا وش بسوي مابيدي شي ابتلاء من ربي ابد مايراعو ححالتي اني مريضه ولي ضروف يبوني اسوي نفس اختي اللي بصحه تامه ماشاءالله وعايشه بدلعهم اتعرض ضغط نفسي قووي بالحميه يعني شي محلله ربي ليش انحرم منه تحسسي من السيلياك (القمح)يعني اغلب الاكل العادي ممنوعه منه بالاجتماعات والكليه انحرج اذا احد قدم لي شي ممنوع وحلف علي الا اكله شنو يفهم هالادمي وانا ماحب اشرح تعبي للكل مااحب نظرت الشفقه
يعني في صراع نفسي دايم حتى مع نفسي اوقات اقول باكل عادي وبعدين افكر بتعبي اول وامسك نفسي بس لما اشوف اهلي ياكلوو شي كنت احبه واشتهيت ارووح بالغرفه وابكي لحد ماارتاح تعبت من مرضي وحالتي وماحد مقدرني
واتمنى اني ماطولت عليكم وتفهموني