السلام عليكم ورحمه الله وبركاته
وبعد
حابه افتح لكم قلبي واطرح لكم مشكلتي مع صديقتي

هي انسانه فيه خير وطيبه بس فيه عيب واحد انه صاحبه علاقات مع شباب متعددين
يعني كل يوم مع واحد اما بدفع الحب او بدفع الجنس او بدفع الفلوس كل يوم له حجه
عارفة ومتاكدة بتكون لها نهاية الله يستر من هالنهاية والله يهديه ويفتح علي قلبها ويبعدها عن هالطريق
صار موقف هزني لها علاقة مع واحد متزوج عنده مشاكل مع زوجته
عرفت زوجته المسكينه كلمت صديقتي وهي تبكي و تدعي عليها تقول خربتي بيتي
صديقتي جاتني تبكي قلت لها حرام عليك هذا زوجها انتي مب زوجتها عشان تتتمسكين فيه
قالت لي هو يحبني و بيطلق زوجته و بخطبني قلت ترضيني تكونين خربه بيوت قالت هو بيتهم خربان من قبل
لو يحب زوجته ماكان خانها للاسف نصحت وتعبت انا انصح لكن للاسف استمرت معه ومع غيرة علي هالمنول
مره كنت اشتكي لها من واحد من اخواني انه بحاله وصاير انطوائي بعد ماتخرج من العسكرية
اتوقع ضغوط العمل
قالت لي عطني رقم اخوك اجيب راسه و اشوف وش فيه شكله يحب تجاهلت طلبها
مشكله انا كنت معها حاولت تجرني معها كذا مره طبعا و كان في كذا شاب طلب منها يعرفنا علي بعض انجرفت معها طلعت معها من غير علم اهلي و سحبت نفسي بدون أي اضرار كرهت نفسي كثير واحتقرت نفسي حزنت علي اهلي
كانت هي تقول لي عيشي حياتك و لاتصرين معقدة ومتخلفة شوفي غيرك كيف عايش يلعبون بالفلوس
كان كلامها يحطمني كثير
طبعا انا حاولت انصحها اقول لا عاد تطلعين ترا فلوس اللي تاخدينه حرام مرودو عليك
اللي يبك بخطبك لاتصرين كذا كان ردها فلان يحبني و علان يفكر يخطبني بس خايف
متاكدة انه كله افلام من عندها كذا مره قالت لي مين ينصح مين تقولها بسخرية
شفت مافي فايدة كذا مرة نصحته كانت تقول انتي تغارين مني
طلبت منها طلب تبين تتواصلين معي بس كلام بعلاقاتك وهالشباب ماابي اسمعها ولا تكلمني بهالموضوع
كانت تشكك فيني تقول تعرفين احد من وراي
كل ماتشوف رجل و وزجته باي مكان قالت هذا خويته او حبيبته
يعني كل ناس لهم علاقات جدا نظرته لناس تضايقني
تركنا بعض بحدود سنه سبب خلافات انه تترك هالطريق
تقربت من الله اكثر و صرت اتسابق انا وامي من يصوم الاثنين والخميس ولا جا رمضان نتسابق انا وامي
قربت من امي وابوي حسيت بطعم الحياة معهم صح انا لا اطلع ولا اروح يكفي اكون مع اهلي
رجعت لي ماتغير فيه شي بالعكس زاد الوضع سواء
تخيلوا تطلع من بيت اهلها من 7 صباح وماترجع غير 10 بالليل بحجه انها موظفه شركه
تدور بالمولات او تطلع أي مكان مع أي واحد
وهي دوامها يبدا 7 وينتهي 3 العصر واهلها مايدرون وين الله حاطهم
اللي حزني ابوها و امها مدلعينهم من ناحيه الفلوس واللبس و الجولات و الطلعات و المولات
ابوها يوم يكلمها ماتقول لها غير حبيبي
مستغربه الحنان موجود و الثقة موجودة و الفلوس موجودة ليه تخون اهلها
ليه طريق الحرام ؟
نفسي تترك هالطريق مااحب اشوفها تضيع وتضيع اهلها
نفسي انها تتزوج وتلتزم بدينها

هل انا اعتبر مذنبه لما نتواصل مع بعض
انتم لو بمكاني وش تسوون

انا لو مكانك راح اتركها

الصاحب ساحب

اذا ماقدرتي انك تنصحينها وتدلينها طريق الخير اتركيها لاتسحبك لطريق الحرام

وخليك مع أمك مافيه زي بر الأم وحلو لما تتسابقون على الصيام

وهي يابتطيح في شر أعمالها أو بيجي يوم وتتوب

لأنها مستحيل تكون مرتاحة

الله يهديها ويهدينا الى الحق.

انتي نصحتها

خلاص عداك العيب

الحين اتركيها لا تعديك وتسحبك لنفس دوامتها

واخرتها ما تقدري ترجعي

كلام البنات صحيح أبعدي عن الشبهات.. أخاف من كثر ماتسولفلك تجرك
وانت مو حاسه على نفسك

وعليكم السلام ورحمة الله وبركاته ..
مرحباً أختي الكريمة ، أنتِ فعلت الكثير لنصحها وسيأتي يوماً وستندم على ماتفعله ..
أنتِ ليست مذنبة عالعكس فعلت لتجعليها تفيق مما هي فيه فجزاكِ الله الفردوس الأعلى ..
لايغركِ الدلع والمال والحنان للأسف أحياناً هذه الأمور تأتي بنتائج عكسية بمثل ماتفعل ، الكثير إما يشد أو يرخي وكلاهما يأتيان بمثل هذه النتائج ..
عالعموم ادعي لها ، واختلطي بصديقات يعينوكِ عالخير فقط لأنها هذه الصداقة فقط التي ترفعكِ أما غيرها لا ..
أسعدكِ الله ..

صاحبتك في ظلال واهلها ثقتهم العمياء بدمر ابنتهم مش معقولة دوام من الساعة سبعه لعشرة كده. ...بس الله يهديها ويهدي اهلها
يتضح ان علاقتك بالبنت واهلها قوية وبماانها مااستجابت لتكرار نصحك
اني لو في محلك والبنت غالية عليا بروح اكلم امها بكل هدوء قبل ماتنزل راسهم بالطين وكمان في نفس الوقت اقطع علاقتي معها الا ان ينصلح حالها

اللهم امين
من ناحية مو مرتاحه صادقة
مافي راحه في معصية الله
جزاك الله خير
كلامك صحيح اسحب نفسي منها واسكب رضي ربي

جزاك الله خيرا
لما اتوصل معها بيني وبينك تشدني لعالمها
بس حمداالله الله يثبتني والله يبعدني عنها

الله يسعدك دينا واخره
كنت احاول اقاوم سوالفها وتصرفاتها كنت ابرر لنفسي مالي دخل بتصرفاتها
مع مرور الوقت تشدني بس الله يحبني ورحمه من رب العالمين

اللهم اجمعين
الله يسعدك كلامك طمن قلبي كنت اول احس بذنب عشانها
حمدالله الله عوضني بنات فيهم خير وبارات في اهليهم
والله اني ادعي لها تتبعد من هالطريق وتتزوج برجل صالح وهي ماتدري