السلام عليكم..

اخواني اريد ان احكي مافي قلبي من الم وحسره . انا منذ صغري وانا مجتهد ومجد في دراستي في كل سنة كنت احصل على معدل ونسبة قويه والتقييم ( ممتاز ) . عندما تخرجت من الثانويه توجهت لدراسة الهندسة في ( كلية الجبيل الصناعية ) وفي بداية دراستي الجامعية عرضت علي امي خطبة بنت خالتي فقلت وبدون تردد يااااااااليت
فخطبتها لاننا نحب بعض . وبعد مرور 4 سنوات من الدراسة تخرجت ( بتفوق مع مرتبة الشرف ) و اخذت شهادة الدبلوم العالي في الهندسة فرحبت بي شركة سابك على المرتبة 8 وبراتب 11000 الف ريال . وعندما اردت ان اواصل دراستي لاحصل على البكالوريوس واصبح مهندس تفاجأت بان الكلية شروطها معقده . وشغلي في سابك يكون شفتات وليس دوام ثابت . تفاجأت باني انا وخريج الثانوي عل حد سواء ولا يفرق سواء مرتبتين والراتب يفرق الشي القليل . تفاجأت بأن سابك كرفتني على وجهي ليل ونهار . اردت الذهاب لا امريكا لمواصاة البكالوريوس لمدة سنتين . فقالت لي امي نسيت انك خاطب والناس منتظرينك للزواج واموره . ابي قال لي انت خطبت وتحمل نتائج افعالك . وانا صعب افك الخطوبة لاننا نحب بعض ولا اريد ان افرط في البنت . والبنت رفضت اشخاص كثير تقدموا لها لانها تعلم اني اريد الزواج بها .

انا بين نارين تعب السنين اللي راحت وفجأه اصبحت كعامل اشتغل في الشمس والحر وار بأم عيني المهندس على مكتب والراحة اللي هو فيها . وبين خطيبتي وزواجي الذي اتفقنا عليه بعد سنة ونص من الان .

اصبحت افكر طيلة اليوم حت صرت امشي واتكلم مع نفسي اصبحت اتخذ للنوم سبيلا لي للهرب من التفكير .

ارى بعض المهندسين في سابك يعطوني نظرات بأني سوا عامل (( مشغل )) ليس اكثر . وعلى اني فاشل ويحسبون اني دخلت سابك بالثانويه . واللوم على سابك فقط لاني دبلوم زادتني مرتبتين فقط عن الثانوية . وليتهم يعلمون عن شهاداتي المتفوقه . انظر الى المهندس واقول في نفسي:
والله اني افضل منك ولو استطعت لاخذت الماجستير ايضا ولاكن الظروف صعبه صعبه جدا جدا . والتفكير اهلكني ...!!

وين المشكلة ؟

تزوج و سافر كمل دراستك

انت متفوق و ماراح تواجه مشكلة و يمكن تشتغل مع الدراسة اذا قصرت معك الفلوس

__________________




( اخوتي و اخواتي ان لم تجدوني بينكم في الجنة فسألوا عني )

ما عليه وامورك سهالات وما عندك اي مشكله اللهم لك الحمد
السالفه ومافيها ان اهلك ناس راقين ويحسبون لمشاعر الناس
حساب وربط البنت لسنوات مو شي بسيط ودهم يعجلون
لكن فعلاً تزوج وسافر واخروا موضوع الانجاب..
أو فرح قلوبهم بملكة تبين انك شاريها وتعزها وطير كمل
دراستك..

والحقيقة انا معاك في انك تكمل .. الامان الوظيفي اهم الان
ويجي قبل الزواج عشان ترتاح نفسيتك وتقدر تعطي بعدين
كل صاحب حق حقه..

بس سالفة الدبلوم ذي مدري من دلك عليها.. المفروض ثانوية وبكالريوس
على طول.. لكن خيرة سبحان الله .. وأهنيك على تفوقك والله
يطرح في مجهودك البركة..

كم عمرك ؟! كم عمرها ؟!

__________________
الحمدلله الذي بنعمته تتم الصالحات

اشكركم عل تعاونكم معي واعطائي بعض الامل . انا عمري 24 وهي عمرها 22 .

انا النقطه الرئيسيه وهي النقطه المعقده اني اذا قدمت استقالتي وطلعت لامريكا للدراسه على حسابي الخاص اخاف بعد كم شهر الدولة ترفض تحويلي للابتعاث . فاكون خسرت الثنتين وظيفتي والبعثة على حساب الدولة وانا ضروفي المالية لك عليها وابوي ماعنده القدره يدفع لفتره طويله

بتجلس طول عمرك عامل وبيجي اللي اصغر منك واعلى شهادة ويامر عليك
هذي فرصة عمر بتحسن وضعك كثيييييير
لا تفوتها
وخلك متفاءل ولا تقول اخاف ما يقبلوني وما التحق بالابتعاث
تبي تنقبل ان شاء الله
توكل على ربك وسافر كمل دراستك الشهادة قوة وعز

طب ليش ما تكمل دراستك ببلدك تكاليف اقل
واستخير على موضوع البعثه
الله يوفقك و يرزقك من واسع فضله بس البنت لا تعلقها هيك حرام

__________________
سبحان الله والحمد لله ولا اله الا الله والله اكبر

مرحبتين أخوي

اسمع الحل من وأنا أخوك، من واحد درس بأمريكا واخذ شهادة ورجع للحر والسموم تزوج وأعقلها وتوكل وإذهب حتى ولو على حسابك، هناك تحتاج عادة 40-50 ألف حتى تنضم للبعثة، ولا تشيل هم يبي يضمونك، ولد أخوي عمره 17 تخرج من الثانوي قبل ثلاث شهور بالثانوية المطورة، وعلى طول قلت له لا أشوف وجهك هناك طير لأمريكا، اللحين هو بأمريكا على حساب أبوه وإن شاء الله بينظم للبعثة خلال أقل من شهر.
النقطة الثانية المدام بأي مرحلة إذا هي بالجامعة؟ ومتى تتخرج؟ وهل تعرف كم معدلها الآن؟ إذا المعدل 3/4 أو 3.75/5 وتخرجت أو تبي تتخرج فأنه يمديك تقدم على البعثة أعتقد بيفتحون التقديم بعد ثلاث أسابيع أو أقل، وبالتالي تروح أنت ويها وتصير أنت مرافق لها ، ويمشي لكل واحد منكم 1850 دولار.

يعجبني الإنسان الطموح، وأنت مؤهل أنك تخلص الهندسة خلال سنتين أو أقل بحكم أنه عندك دبلوم هندسي

__________________
ياصبحِ لاتِقبل !!
عط الليل من وقتك..

لأجل ذلك انا ما فكرت في الزواج نهائيا الا بعد اتمام البكالوريوس لأنه سيؤثر على تحصيلي العلمي

والان أنا مستقر في وظيفتي في حين مديري وبقية الموظفين يكرفون على وجوههم يكملون دراستهم

رؤيتي الخاصة في الحياة أنا التحصيل العلمي أهم من الزواج في بدايته حتى الأستقرار الوظيفي

ثم يأتي دور الزواج ولن تستطيع أكل تمرتين مع بعض ..

وأنا أرى انك كبقية الشباب تعجل في مصلحتين قد يكون بينهما تعارض نوعا ما للبعض

عموما يجب أن تتحمل نتيجة ربطك البنت وجاهد لأجل اكمال تعليمك وصابر واصبر

وسترتاح في الأخير