السلام عليكم
اني كنت ابحث في الانترنيت وشفت منتداكم وانضميتلكم بسرعة كلي امل تساعدوني والمشتكى لله وتنصحوني اعذروني حثقل عليكم بهمي بس ماعندي احد
اني ازوجت قبل سنه ونص وعندي طفله عمرها ست شهور اتزوجت زواج تقليدي زوجي اكبر مني ب12 سنه زوجي الولد الوحيد وعندة 5 خوات وام واب عشنا ببيتهم واختى الكبرى مزوجة قريب من سكنه وعدها اربع بنات وتخليهم بيت اهل زوجي يعني واني وزوجي عايشين وياهم البيت كله يمشي بامر والدته واذاالكل يعرفون لون السما ازرق وتقول هي اخضر زوجي يقول خلاص لونها اخضر وكل الناس عميان يطيعها طاعة عميه هي واختة الثانيه المهم هم يدخلون بادق التفاصيل بحياتنه حتى العلاقة الحميمة بيناتنه يعرفون لازم كم مرة بالاسبوع ويا ساعة وشلون صارت وهوة سامح بهذا التدخل و استحملت كل الامور بس من رادوا يحرمون بنتي من الرضاعة الطبيعيه مكدرت اسكت واني من بنتي نورت الدنيا لليوم اني معاقبه بسبب هذا الموضوع بالهجر وانواع العقوبات لان اريد مصلحة بنتي وحرموني منها ميسمحون بس بليل تبات بغرفتي وشائت ارادت رب العالمين انوا اتمرض ومكدرت اتحرك ابد اتفقت حماتي مع طبيب اخذتني اله كتب عندي ورم بين فقرات الرقبه ولازم عمليه واحتمال الشلل كبير وبعدمأخذوني اهلي لطبيب اخر وجد انوا انزلاق وخراج ولازم يتعالج بالمضادات الحيويه لكن العلاج معا شرط اوقف الرضاعة او اذا ماخذ العلاج يكون الشلل لان الالتهاب مجاور الحبل الشوكي وهنا كانت المصيبه وقفت الرضاعة وانحرمت تماما من بنتي وطلبيت الذهاب لاهلي. فترة العلاج فخيرني بين اذهب وحدي واترك بنتي او ابقى بالمذله لكن بعد مكالمت اخي وتهاوش معا قبل اروحواخذها وكال اجي ثاني يوم اخذها واني بس رد ت اطلع بروحي وبنتي وطبعا حماتي بلغت الكل انوا اني عندي مرض خبيث وايامي معدودة وجاء ثاني يوم ياخذ البنت ورفضت وحاول ياخذها بالقوة ورجع اتهجم اكثر من مرة قالت له امي انوا اني مرافضه ارجعله لكن بمنزل خاص بنا فرد عليها انوا ميريدني والطفله ياخذها بالمحاكم ورفع عليه 3 قضايا منعي من السفر وبيت الطاعة وحضانة الطفله لوالدته اعرف اني طولت بس هاي قصتي وجلستي بعد يومين المشكله انوا اني احبه ومكادرة اتخيل نفسي بدونة ولا اكدر اعيش ويه اهلة وصل الموضوع لبنتي وحرمانها لو جان بس عليهاصبر ارجوكم نصحوني شسوي تعبت من التفكير ارجوكم طبعا اني اعرف زوجي قلبه طيب بس ماعندة اي كلمه بالبيت او عليه كله الامر والنهي لوالدته ارجوكم ساعدوني