السلام عليكم ..

مُكتئبة جداً..
إختلاف البيئات بين الأزواج مُتعب..

الناس كلها تشتري للعيد حتى لو عندها لبس جديد صح ولا لا ؟!
يقول لي
زوجتي وبناتي ما يشتروا للعيد !!!!!
طيب ايش دخلني ليش تقارني فيهم..
من باب العدل !!!!!
طيب مصروفي الشهري مو اقل من 500
لا
400
زي زوجتي وبناتي
طيب ايش دخلني
من باب العدل !!!!

يقول انه متعود أهله يجمّعوا ال 400 حقتهم ويشتروا كل شي فيها حتى للعيد ..
طيب انا متعوده أخذ للعيد 3 آلاف والآن لانه تو جينا من شهر العسل وتعاون معاه ابغاه يديني ألفين .. بالله فيها شي !

اهلي ما يلبسوا كذا
اهلي ما يشتروا من هنا
طيب دامهم عاجبينك ليش تزوجتني ؟!
يقول عاجبتني بس بطلي دلع !!!!!!

اليوم تناقشنا ورفض يغيّر كلامه انه بالشهر 400 وللعيد مافي مصروف
حاولت معاه بأسلوب ..
بالأخير بكيت وقلت له انت تبغى تطلعني ناقصه قدام نفسي والناس
وكل الناس تشتري للعيد كل شي

طيب بشتري له هديه ولامي هديه وأغراض ولبس محتشم ع قوله بالله اربعميته ايش تسوي !!!!!

هو كريم نوعا ما بس فيه حركه في السوبرماركت انه ممكن يأخذ شي من يدي ويقول ماله داعي.. مو كل الأشياء طبعا بس سوا هالحركه مرتين ... وزعلت وحذرته انه يسويها..
اعتذر بس تدروا ايش قال ..
يقول انا ليا مقصد من كل شي اسويه
ايش مقصدك ؟
يخفف دمه ويقول لما تكبري اقولك..

اليوم لما احتد النقاش بكيت واتصلت ع امي قدامه ..
والله الان مصدعه من الموضوع بس الاختصار انه رحنا لامي بعد ما باس راسي وتكلمنا بالموضوع
امي قالت قدامه لا هو يبغى يديك بس بدري ع العيد وان ما ادتك فلوس تعالي لي انا اشتري لك كل شي تبغيه
وكلمته واتكلمنا وقلت لها قدامه تراه والله طيب وأحبه وأحسن إنسان بالعالم وانتهى الموضوع ببيت اهلي بس بقي بنفسي وبنفسه
اشترى لي عشا وجلس معايا وسولف بس بنفسنا شي ولما جا بينام قال لي انا احبك وما ابغى اخسرك وأوقات احس بسعاده ما تنوصف معاك وأوقات لما تبكي أتمنى الموت من الهم ..
قلت له وانا دموعي ع خدي خلاص ما ابغى شي بس لاتزعل نفسك ..

كيف أتعامل معاه من الناحية المادية ؟
صح عندي لبس جديد بما أني عروسه بس هو أهله ما يصرفوا وأخاف يضغط عليا الين يخليني زيهم وانا مهمه عندي أشياء هو يستغرب يقول اول مرا اعرفها .. زي الكريمات من الصيدليه .. في احد ما يشتري كريمات ؟
انه الشنط والجزم أكرمكم الله ألوان .. في احد ما عنده جزم كثير وشنط كثير ..

كيف كيف كيف اخليه يصرف عليا ببذخ وهو مقتدر انا عارفه انه مقتدر بس عمره ثلاثه وأربعين ومو متعود ع أسلوبي بالحياة ؟؟

اخف عليه ولا اطنش ولا ما اطلب شي ولا أخذ اربعميته ولا اييييييش اسوي وربي محتاره
يعني ممكن اذا سمعت كلامه الان يتغير بعدين ولا يتعود انه يمد لي القليل ؟!